أخطاء صارت لي ما ابيها تصير معكم
السلام عليكم ورحمه الله وبركاته
انا من الدفعه السابعه وان شاء الله بسافر قريب قلت اكتب لكم هالموضوع تجهزون اوراقكم قبل الوقت يخنقكم و تتوتر اعصابكم
ضروري تجهزو اوراقكم الاساسيه من الحين
جوازات السفر
ترجمه الوثيقه و السجل الاكاديمي ويكون الاسم مطابق للجواز بالضبط حرف حرف
الوثيقه الي بالعربي يكون نفس اللقب الي بالجواز ( الي عنده فخذ ولقب و علوم البدو هذي ينتبهون )
الزبده الاسم مطابق بكل حرف في كل الاوراق الرسميه
طبعا قبل تطلع جواز سفر للشباب والمرافقين الله يجزاكم بالخير سددو ساهر ومخالفاتكم المروريه علشان تتسهل اموركم
جهزو نفسكم ماديا وراكم دفعيات لليل تطفش وانت تدفع ابتداء من الصور الشمسيه ومكاتب الترجمه مرورا بالجوازات و وصولا للسفاره الامريكيه خصوصا استنزاف
اختارو معاهد اللغه من الحين سو سيرش علشان لا تتكدس وانتو لسى تدورون وقد الناس مسكو اماكنهم
وبس هذا الي اذكره واذا تذكرت شي برجع اكتبه
عسى الله ان يوفقنا في مشوارنا
وتذكرو قول الرسول صلى الله عليه وسلم : ( من سلك طريقا يلتمس به علما سهل الله به طريقا الى الجنه )
رد: أخطاء صارت لي ما ابيها تصير معكم
الاسم بالعربي والانجليزي لازم نفس الجواز ؟
وشكراً لك
رد: أخطاء صارت لي ما ابيها تصير معكم
الله يعطيكي الصحة و العافية و يسهلك أمورك يارب بالتوفيق:)
رد: أخطاء صارت لي ما ابيها تصير معكم
ايوه لازم مطابقه الاسماء تكون بدون زياده ولا نقصان خصوصا ( الاسم الاول و اسم الاب والجد و لقب العائله )
يعني لو الوثيقه مكتوب اللقب السريحي و في بطاقه الاحوال السريحي الحربي لازم تروحي تعدلي الوثيقه وتطلعي بدل فاقد وتخليها مطابقه لبطاقه الاحوال الي بواسطتها تطلعي جواز السفر
شاكره دعواتكم ..
رد: أخطاء صارت لي ما ابيها تصير معكم
طيب ام الجازي الله يوفقك متى أحجز لي مقعد بالجامعة من الآن ؟!
رد: أخطاء صارت لي ما ابيها تصير معكم
شوفي انا اقلك اختاري ثلاث معاهد على اساس لما يسون الملتقى يطلبون منكم تكتبين المعاهد الي اخترتيها بورقه وتسلميهم هي
فيختارون لك واحد منهم ما يكون متكدس ويرسلون لك اسمه ويرسلون لك الضمان المالي بعدها تقدري تقدمي للمعهد بموجب الضمان المالي
اما لو حجزتي مكان من الحين راح تحتاجي رصيد في البنك يستوفي مصاريف الدراسه في المعهد كضمان مالي علشان يعطونك القبول
انا بس اقلكم اختارو 3 معاهد بحيث تكسبون وقت مع الوزاره ويوصلكم الضمان المالي بسرعه
رد: أخطاء صارت لي ما ابيها تصير معكم
الله يجزاك خير ويسهل عليك يارب
ويكتب لنا البعثه
رد: أخطاء صارت لي ما ابيها تصير معكم
امين يارب ,,,,,,,,,,,,,,,,,,,,,,
رد: أخطاء صارت لي ما ابيها تصير معكم
مشكوره الله يسهل لك ياعمري دراستك
رد: أخطاء صارت لي ما ابيها تصير معكم
السنه هذي شهايد الثانوي مكتوبه بالانجليزي مع العربي يعني مايحتاج ترجمه ولا ؟