اتوظف و لا ما اتوظف ... و هل تسجيل اسمي في التأمينات الاجتماعية يؤثر على قبولي؟

السلام عليكم و رحمة الله و بركاته ,,,

انا طالب من دفعة 2010 مستوفي للشروط كاملة و لله الحمد بس خايف من شرط

ان لا يكون شاغل لوظيفة حكومية...

طب ياخي ابغى فلوس ابغى اشتغل ايش اسوي يعني اقعد في البيت عالة لمدة 6+ شهور على اقل تقدير الين ما اسافر ؟...

في وظائف صيفية طيبة يعني و الواحد يبغى يستفيد من وقته بس اغلبها طالبين شرط التسجيل في التأمينات الاجتماعية و انا متخوف لا يكون وقت ما يفتح التقديم و انرفض لسبب تافه هل يؤثر ؟....

شيء ثاني ابغى اعرفه ... الجامعات تبدأ دراسة بعد شهرين تقريبا ... انا واحد من اصحابي من الدفعة السابعة سافر قبل شهر ... قبل شهر... يعني لو تحسبها تقريبا تقريبا 10 شهور من عمره ضاعت في و لا شيء... ترمين دراسية ضاعت كذا ...

انا عن نفسي اقدر اقدم على جامعة سعودية و انهي سنة تحضيرية ( 26 ساعة في رصيدي الجامعي ) و لا اضيع 10 شهور في مهزلة اوراق و لكاعة مالها اي داعي...

و في ناس طلعت بدري .. سألته قالي هو كان مقدم على هولاند ( أوربا ) ... عشان كذا أخروه .. طيب انا شخصياً ابغى 3 مدن
1_كندا
2_امريكا
3_استراليا

هل بكيفي اختار ؟... و لا يرموني اي مكان ...؟

طيب لو وافقو على أحد هذه الدول .. انا ااختار المعهد و الجامعة و لا كيف النظام ؟...

هل بنلطع 10 شهور و لا مداني اذا جهزت نفسي و جبت قبولي و راسلت جامعتي و زبطت اموري أول بأول أختصر المدة للنصف ؟..

ياليت تفيدوني يا جماعة الخير انا ما بين اقدم على الابتعاث و ما بين ارمي ملفي في عزوز و الله يعينني و يعين الجميع و يكتب اللي فيه خير ,,

اخوي اولا بالنسبة للوظيفة ماعندي علم , لكن ما اتوقع رقم التامينات الاجتماعية يضر لان كثير فصلوا من الوظيفة وراحوا بعثه ..

ثانيا انت تقدر خلال فترة الانتظار تسجل في معهد انجليش وتطور لغتك عشان ما تتاخر اذا سافرت بلد الابتعاث ..

بالنسبة للدول , انت تحط الرغبات وهم على حسب الامكانية يختارون , واستراليا مقفلة هالسنة ..

وبعد ماتنقبل عزيزي وبعد ماتسلم الاوراق وبعد الملتقيات يعلنون عن اسامي المعاهد والجامعات وهم يعطونك ضمان مالي وانت تختار المعهد او الجامعه اللي تبي ,,

اتمنى لك التوفيق والخير

انا موظف بالليل على التأمينات الاجتماعية وسألت 3 أشخاص مختلفين في برنامج خادم الحرمين الشريفين

لامشكلة لو كنت موظف في قطاع حكومي على عقد .. تسجل فيه بالتأمينات

المقصود بالموظف الحكومي بالشرط هو موظف المسجل في الخدمة المدنية فقط

حتى اليوم سالت مدير البرنامج قلت له تبع التأمينات قالي .. دامك مو تبع الخدمة المدنية فأنت ضامن البعثة إن شاء الله

جزاك الله خير يا اخوي ما قصرت و الله يوفقك ,,,

بقي الاسئلة المتعلقة بمدن الابتعاث لو في أحد يعرف عنها شيء...

على حسب انت حدد الدولة التي ترغب فيها وارسلي رقمك هنا ان شاء الله لو كان اختيارك امريكا افيدك كثير ..

سأتصل عليك من الدوام لاني اشتغل بالليل يعني بيجيك رقم هاتف ^_^ وان شالله مانيب مسكر السماعة لين كل شي واضح لك