مراحل الالتحاق كاملة

انت اول شي طلبت شهادة بنكية
ثم قدمت على معهد فيما لو قمت بالقبول لوحدك اكيد دفعت رسوم التسجيل للمعهد وعبيت الابلكيشن حقهم .. اما لو كنت من مكتب فالوضع مغاير
ثم جاك اي توني
ثم سددت رسوم الفيزا ورسوم السيفيس وعبيت النموذج ds-160
ثم حجزت موعد في السفارة
ورحت للسفارة وتوك جاي منها ...

الهدف من الكلام اللي فوق اللي يدخل الموضوع ويقرا الرد يكون فاهم ..

بعد موعد السفارة تنتظر وخلال مدة انتظارك تستغلها في البحث عن سكن ووضع مجموعة بدائل يعني 20 سكن ... لانه بعض اللي في المواقع من زمان انتهى العرض فلا تعتمد عليها ..وحاول انك تتصل بهم للتأكد من خلو السكن وان العرض ساري
لين يجيك الفيزا على الفيدكس وبيتصلون بك ويخبرونك ان فيزتك وصلت ..
لك الان خياران .. الاول انك تتفق مع احد الاطراف في النت انك قد قبلت عرضه وانك ستوقع العقد بمجرد وصولك .. ( لا افضل هذه فالصور التي تراها بالنت محسنة ومزركشينها دون اظهار للعيوب )
الخيار الثاني انك تاخذ مجموعة من الشقق في مدينتك وتعرف عناوينها وتتصل على اصحابها لتتأكد من سريان العرض ..
وتحجز باحد الفنادق بمدينتك و اذا وصلت إن شاء الله تمر على هذي الشقق لين تعجبك احداها ..
وبعدها احجز تذكرة وعلى امريكا
وجهز شنطتك واغراضك وخلها قبل السفر باسبوعين تجهز لان فيه اشياء بتتذكرها خلال هالمدة
وسافر

اول ماتوصل هناك افتح ملف طالب دارس على حسابه الخاص في الملحقية
وافتح لك حساب بنكي .. (بنك مشهور : بانك اوف امريكا BOA )

بعد ماتبدا دراسة هناك قم بإرسال سجل درجاتك او الترانسكريبت الى الملحقية بشكل دوري بحيث يكون هناك مسوغ لإلحاقك ..

اتمنى ان يكون شرحي وافي