الضمان المالي ..........

فيه بديل للضمان المالي هو انك تستخرج شهادة بنكية من البنك وفيها المبلغ الي طالبه المعهد او الجامعه عليك
ع فكرة الي يعطونك ياه البرنامج يعتبر ضمان مالي مبدئي ولكن الضمان النهائي يصدر لك من الملحقية لما تاصل بلد الابتعاث

طيب اللي سبقونا للابتعاث ييقولون لازم نحط في حسابنا 70 الف
اجل وش فايدة الضمان المالي ؟؟؟

الضمان المالي المبدئي هذا ينفع للشخص الغير قادر على استخراج شهادة بنكية متضمنه المبلغ الي محدده لك المعهد او الجامعة وهذا المبلغ يتراوح على حسب ويختلف من معهد لمعهد
ولكن اذا كان الشخص قادر على استخراج شهادة بنكية باسم والده او ان صديق لك يودع بحسابك المبلغ وبعد ماتستخرج الشهاده ترجع المبلغ له بالحاله هذه تكون موب محتاج للضمان

شكرا للجميع على التواجد



اها يعني لازم يكون المبلغ حق المعهد او الجامعة موجود بالحساب كضمان مالي


طيب كم المبلغ تقريبا ؟؟

الضمان المالي هو عبارة عن ورقة تعطيك اياها الوزارة تثبت للمعهد او الجامعة بانك الوزارة متكفلة بدراستكم .. وتضمن لهم انك قادر على تسديد مستحقاتهم هناك .. بحيث مايتولد لديهم خوف بانك ممكن تكون غير قادر على دفع مستحقاتهم وتخليهم وانت درست عندهم..

الضمان المالي يجي للطلاب المقبولين بالبعثة ويستخدمونه الطلاب اللي مامعهم حساب بنكي او ماعندهم رصيد كافي ..

لكن من الممكن بكونك مبتعث او طالب على حسابه الخاص
انك تحط في حساب لك في البنك مبلغ (هالمبلغ يختلف بعض الجامعات تقول مو اقل من 100000!!! وبعضها اكثر وبعضها اقل لكن على الاغلب فوق 80000 للجامعات وبعضهم يمكن 25000 كافية للمعهد ) تاخذ بها ورقة من البنك تؤكد امتلاكك للمبلغ (بمعنى قدرتك على تحمل مصاريف الدراسة بشكل شخصي .. )

ولو كنت مبتعث بعد ماتجيب القبول الملحقية من هناك ترسل للمعهد وتقولهم انك مضمون من الوزارة وان الوزارة ستقوم بالدفع عنك ...

بامكانك ارسال رقمك لي على الخاص واتصل بك وافهمك لو مافهمت اي نقظة .. او بغيت شرح مفصل ..

توضيح الضمان المالي غير الشهادة البنكية غير الضمان البنكي ..

الضمان المالي وضحته بالاعلى وهو فقط للمبتعثين وورقة تقول فيها الوزارة للمعهد بتكفلها بمصاريف الدراسة

الشهادة البنكية .. تنفع للمبتعث اذا تأخر عليه الضمان المالي او مابغى ياخذه هو حر .. حتى لو كنت بتدرس على حسابك الخاص تستطيع تاخذه .. (لو كان حسابك فيه 0 ريال !! تقول لابوك حط في حسابي 80000 ويحطها ابوك لك وتاخذ على اساسها شهادة بنكية .. وبعد ماتاخذ الشهادة ترجع فلوس ابوك له لا مشكلة ..


اما الضمان البنكي هي عبارة احتجاز لمبلغ في حسابك لصالح المعهد وهذا لا يستخدم في القبولات .. وانما احيانا بعض الشركات تطلب من العميل يحجز مبلغ معين لصالحها .. ويروح هالمبلغ للشركة اذا ماستلم العميل بضاعته .. لكن ماله دخل نهائيًا بالقبول .. فالمعهد لا يعطيك خدمة وبيضمن فلوسه ..

المبلغ تعرفه لما تيجي تقدم على المعهد الي ناوي تدرس فيه بتلقى بالشروط كاتبين يبون شهاده بنكيه بمبلغ كذا
المبلغ يكون محدد سلفاً

^^^^
كلام اخوي الغالي سعودي ماجيك صحيح ..

كل معهد لما تقدم عليه يوضح لك كم المبلغ الكافي للقبول فيه

والله انكم كفيتوا ووفيتوا وكلكم تاج على راسي

الله يعطيكم كل عافية ويجزاكم خير ويحقق كل امنياتكم