هل يمكن دراسة الجامعة في ولاية أخرى غير ولاية دراسة اللغة ؟

نعم 100% .. عادي دامك بنفس الدولة .. اكثر الناس يدرسون اللغة في ولاية والجامعة في ولاية

انا بروح معهد في غرب امريكا والجامعة في اقصى الشرق مالها دخل ^_^


بامكانك مراسلة المعاهد واختيار ولاية المعهد وتجيب قبول منها بنفسك .. وانت هناك في امريكا تقدم على جامعات ويجيك قبول في جامعة اخرى كل الامور بيدك .. ^_^

كيف اقدر اراسل المعاهد والجامعات لأني ما اعرف

وكيف أعرف معهد كويس ويراعي صعوبة اللغة عندنا واتقانها

وهل اذا حصلت قبول معهد هنا ممكن يقبله الابتعاث او لا

مراسلة المعاهد في امريكا كما يلي ..

1- ممكن تقوم بها مكاتب هنا تقدم لك القبول .. وتكلف للامانة وبصراحة مالها داعي ..

تعطيهم الضمان المالي اللي بيعطونك اياه الوزارة وتعطينه مكتب القبول + صورة من جوازك وهم يسوون لك اجراءاته .. ومبلغ صراحة كبير عليهم .. وبصراحة يحطونك في معاهد اي كلام .. اهم شي لا تسمعين كلامهم في افضلية بعض المعاهد

2- الطريقة الافضل خذي الضمان المالي وخذي صورة للجواز .. واتصلي برقم المعهد الموجود على موقعهم واسأليهم وشلون ارسل لكم .. هم يوضحون لك

ترسلين لهم 1- صورة الجواز 2- الضمان المالي ( وممكن الشهادة البنكية (( سيتم توضيحها في ملاحظة لاحقًا )) ) 3- مبلغ بسيط الغالب هو من 25 الى 60 دولار تسددينها بالفيزا .. لتأكيد جديتك في التسجيل لانه ممكن يجيهم ناس يستهبلون يراسلونهم وهم بس يطقطقون على المعهد بس ماحد بيرسل فلوس الا جاد .. 3- تعبين الابلكيشن حقهم الموجود على موقعهم ...


الضمان المالي هي ورقة تثبت للمعهد ان الوزارة متكفلة بمصاريف دراستك في المعهد وبتكاليفك المعيشية هناك ...
اما الشهادة البنكية ممكن تاخذينها لو تأخر اصدار الضمان المالي ... وهي عبارة عن ورقة تاخذينها من البنك اللي تملكين فيها مبلغ وقدرة .. تؤكد للمعهد انك على قدرة على سداد مصاريف الدراسة والمعيشة هناك .. وكل المعاهد تطلب ان يكون في حسابك في البنك مبلغ معين على الاقل يتراوح مابين ال 40000 الى 100000 بحسب المعهد ..


المعهد الافضل من اجل التجهيز للدراسة .. معهد تابع لجامعة وليس معهد خاص ...
لازم المعهد يكون ضمن المعاهد المعترف فيها وغير الموقفة ويفضل تتواصلين بموظفي الملحقية للتأكد من عدم ايقاف المعهد ... ( يتم ايقاف المعاهد لما تمتلئ سعوديين )

نعم نعم يمديك وانا اخووك ,,, انا مسويه والحمدلله مافيه اي مشكله