شرح البحث عن المدينة والولاية المناسبة ( مواقع مفيدة واجراءات متسلسلة )

صراحه الموضوع أتعب وانا أقول بططل .. كعادة مواضيعك ياعبدالله
بس ياليت تراسل المشرفين يعدلون الروابط
اجلت ردي كم مره على اساس الروابط تضبط ويكون الموضوع سلس للاطلاع والقراءة وماش تأخرت الشغلة !
عشان كذا ياليتك تراسلهم ..

المشكلة الي اواجهها بعض المعايير مااحصلها بالجهد الشخصي مثلاً : الترفيه ماراح تنذكر بالمواقع مثل الطقس ونسبة الامان
فَ بهذه الحالة تكون مضطر انك تستفسر من الناس ومافيه معلومات وتجارب متوفره كثير ؛(
أنا بصراحة ماابي مدينة صغيره وهادية ويهمني الترفيه ، والمشكلة اكثر المدن الي تعجبني كل الناس تقول بعدي عنها جِداً غالية !
أوريقون كنت حاطه عيني عليها ومع الاسف تفاجئت بإن كل شيء فيها تكدس تقفلت الجامعات عن بكرة ابيها ..
أريزونا كويسه لكن الحرارة جداً عالية صراحه الواحد مايقدر يتحمل مع الحجاب .. وولايات الجنوب ابداً ماتصلح للبنات
الشرق ماادري مالقيت عنها معلومات وتفضيل عند السعوديين كثر ولايات الغرب مااعرف ايش السبب
تعبتني شغلة هالولايات : احس العيوب اكثر من المميزات مادري اني اواجه صعوبات عشاني بنت ومعاييري فيها زياده او فعلاً الشغلة متعبة !

ايش رآيكم بسياتل ؟ و ولاية ايلينوي كعموم ؟

^^

حياك الله اختي .. وانا احاول اني اقدم اللي اقدر عليه والاعضاء كذلك هنا ..

بخصوص الترفيه .. تراه متوفر في موقع city-data يذكر لك torrisoum places او شي زي كذا ... لو كانت المدينة كبيرة راح تشوف هالعبارة موجودة ويذكرلك المناطق السياحية

اما الامان راح تلقى في نفس الموقع تفصيل لها ومعدل الجرائم وانواع الجرائم التي حدثت وكم مره في السنة احصائيات دقيقة .. بس يبي لك لغة عشان تاخذ معلومات ...

سياتل مدينة الزمرد .. جمال ومطر طول العام رذاذ في حقيقة الامر .. وامان عالي اكبر نسبة تعليم في امريكا كثيرين اللي معهم ماستر .. والشعب رائع وراقي .. والترفية وووو غير كذا مركز شركات كبيرة زي مايكروسوفت و ايرباص واظن قوقل وامازون وستار بكس نشأ فيها ..

لكن في موقع يصنف الغلاء (غير السكن) وهو موقع Find Your Best Place
حطي اسم المدينة .. وابحثي .. انتظري لين تظهر النتايج بيظهر لك اول شي الاعلانات خدعة عشان تحسبيها نتائج بحث .. اذا جاك كلمة seattle,WA اضغطي عليها

لما تدخلي في خريطة على اليمين وعلى اليسار فيه صورة فوقها كلمة overview ... ماعليك منها .. فوق كلمة overview فيه لستة طويلة بتلقين كلمة مكتوب فيها cost of living غلاء المعيشة اضغطي عليها

راح تلقين جدول .. شوفي متوسط امريكا هو بشكل عام = 100 ... وحاطين لك افتراض ان كل شي هو 100 ... فيقارنون على اساسه بالمدن

فسياتل بالمقارنة مع امريكا .. 149 !!!! وهي غالية حيث ان لوس انجلوس 147 !!!!!!!

طبعا هالامور بدون السكن فالسكن في سياتل ارخص بكثير مررره من لوس انجلوس عشان كذا الحياة في سياتل مقبولة ..

اما بورتلاند اوريقون فهي 119 .. وفي بعض المدن 95 وشفت اخرى 83 .. طبعا انا اتكلم عن overall

بتلقين في الجدول overall وهو بشكل عام كم الغلاء ..
وتحتها food وهي تكلفة الطعام ..
utilities الاستخدامات والخدمات بشكل عام ..
واخر شي (اخرى)

وفيه هالموقع معلومات اخرى احصائية بتفيدك خصوصا على نفس المكان اللي لقيتي فيه cost of living بتلقين crime الجريمة في المدينة + education اللي هو التعليم و climate الطقس واقتصاد المدينة والخ ..


ولاية ايلينويز يعيبها قلة الامان في معظمها .. وغلاء بعض مناطقها خصوصًا لما نتكلم عن شيكاغو ...

وبخصوص الصور بكلم ان شاء الله المراقب يعدل الروابط .. لتصبح صور ويستفاد منها على اكمل وجه ..

الله يعطيك العافية
حمستني أبدأ أبحث بشكل فعلي من الحين مع أني قررت أبطل رحلة البحث
عن المدن والمعاهد الا لما أضمن المحرم
عشان ما تجيني خيبة أمل

حياك الله اختي .. لا طبعًا ابحثي دامك فااضية ومهم جدًا البحث خصوصا في امريكا لانه من جد من جد راح تتعبي لين تختارين الولاية المناسبة .. وصعب تلقين ولاية بنفس رغباتك 100% لكن قد تجدين ولاية تحقق رغباتك بنسبة 90% هالشي ممكن .... مثل ماقلت مافيه ولاية او مدينة تفصيل زي مانبيها نلقاها .. البحث بياخذ منك وقت طوووويل لين تقررين .. وخصوصًا انك تختارين مكان ولما تقرأين فيه اكثر تلقين امور اخرى نمنعك عن المكان

مووووضوع رائع يعطيك الف الف عافية وعقبال القبول يا اخي

عندي استفسار بما انك حتقدم على اوريغن وانا كمان نفسي اقدم عليها بسالك كيف المواصلات فيها ؟؟؟ يعني في مترو و شيء زي كده

مـا شـاء الله عـلـيـكـ بـوعـابـد . . مـوضـوع مـتـعـوب عـلـيـه والله . . ! !

أنـا بـاقـي لـي سـنـه و نـصـف مـثـل مـا تـعـرف عـلـى الـتـخـرج . . مـا أدري وش بـ يـصـيـر إلـى ذاكـ الـوقـت . . ! !

لــكــن . . لـو بـ أطـلـع إن شـاء الله لـ أمـريـكـا . . ويـن تـنـصـحـنـي أدرس فـي مـعـهـد لـغـة مـتـمـكـن و جـامـعـة جـيـدة ( أو فـوق الـمـتـوسـطـة ) فـي تـخـصـص الـمـحـاسـبـة و الـمـالـيـة . . ! ! ؟ ؟

لأنـي احـتـرت صـراحـه . . فـيـه ولايـات كـثـيـرة آمـنـه و أجـواءهـا أكـثـر مـن رائـعـة . . لـكـن قـوة الـجـامـعـة هـو الـلـغـز الـوحـيـد اللي مـا قـدرت أحـلـه . . ! !

ماشاء الله تبارك الله عليك .. بطل بطل بطل

للمفضلة =)

اوريغون خيار ثالث لي لكن في البروفايل وضعته لما كان خيار اول ..

نعم متوفر وبقووووووة في بورتلاند خصوصا .. مليانة مترو وباصات فلا تخافي من هالناحية ..

باقي سنة ونصف بدري جدًا على هالكلام واختيار الولاية ...


بالنسبة لمعاهد اللغة القوية منتشرة في امريكا والفروقات فيما بينها ضئيلة .. كما انك الى الان لا تعرف المتغيرات يمكن تقفل معاهد ولاية باكملها زي ماصار لفلوريدا ويمكن يفتح معاهد .. فلذلك افضل لك البحث قبل التقديم من 7 شهور لاختيار الولاية والمعهد .. اما الجامعة فبإمكانك التقديم عليها في بلد الابتعاث واختيارها هناك ..

- - - مشاركة محدثة - - -

شكرًا لك اخي اسعدني ردك