جد لازم احد يجاوبني جواب مقتع ؟ الكل يدخل ويبدي رايه

السلام عليكم
كيفكم جميعاً
االموضوع هو ليش نظرة المجتمع للمتعثة كذا ؟
انا عععن نفسسي اطمح ادرسس برا عشان اتعلم التصميم اي تصميم الازياء وتصميم الديكور
يجي واحد ما عنده عقل ايش يقول يقول وحده فاسده ؟
طيب انا ابوي وامي واختي واخواني كلهم بيكونون معي
وش العيب ؟
كل ما قلت للاحد اني ببتعث يقولون عيب
العيب اننا ما نتثقف العيب اننا نجلس بالبيت وما نسوي شئ العيب للي نسى ربه
انا ببتعث مو عشان اشوف خلق الله ولا راح ابتعث عشان اشوف الاماكن الي في الدوله
انا رحت هنا عشان اتعلم اكثر ؟ كثير دول متخصصة بالازياء والهندسه ؟
وش ذمبي انا ليش كل ما قلت لاحد يقول عيب
انا رايحه مو بولي امري الا بعائلتي كلها ؟
ايش هو العيب ؟
احد يجاوب لي خاصتاً البنات والشباب المبتعثين ؟ لما تروحو لجامعاتكم كيف ؟
البنات والاولاد هل جايين يدرسون ؟ ولا للهو ؟ :mad::mad::mad:

بنظري مو عيب ابدا واشجعك انك تكملي واذا قصدك عن التخصص قوليل للي يقولولك عيب مين اللي صمم ملابسكم !!
بس هذا التخصص مو موجود في بعثة الملك بتطلعي على حسابك ؟

اختي لاتسمعين كلام الناس ترا مهما فعلتي لن يرضو عنك .. المجتمع قبل 50 سنة كان رافض البنت تتعلم هنا في السعودية ومايودونهم مدارس بحجة أنها لازم تقر في بيتها ويستدلون بقوله تعالى ( وقرن في بيوتكن ) طبعًا هم فهموا الاية بشكل خاطىء .. بعد 50 سنة الكل مقتنع بأهمية تعليم البنات

الامر نفسه يسري على امور كثيرة لن اذكرها هنا لان حتى البعض من الشباب سيقف ضدي فيها ..

مسالة انك تبتعثين وتحملين راية الوطن هذا شرف وايما شرف .. واللي يقول ويتكلم ماعليك منه ..

الكثير يظنون انكم هناك مخربينها ... وماعلمته الى حد اللحظة ان البنات هناك في بلاد الغربة اكثر جدية ودراسة من الشباب ..

انا بروح ان شاء الله باقي كم شهر واسافر ... وفي ناس تقولي انت بتروح بتخرب وبيتغير فكرك ومدري وشو انا عارف نفسي .. والحمد لله متحصن دينيًا بإذن الله من اي تغيرات عقدية او فكرية ..

وانا رحت اخدم بلدي بشهادة الماجستير ..

ومهما يكن كلام الناس لي انا واثق بنفسي ..

وانتي ياختي اذا ابوك موافق وعندك محرم حسب نظام البعثة امورك طيبة وروحي ولا تخافي في الله لومة لائم .. وحطي نصب عينيك قول رسول الله صلى الله عليه وسلم ( من سلك طريقًا يلتمس فيه علمًا سهل الله له طريقًا إلى الجنة ) أو كما قال صلى الله عليه وسلم ..

الله يوفقك وترجعين ترفعين راس اهلك وتخدمين دينك ووطنك

صحيح اخوي Dahem على حق فالتخصص غير متاح للبعثة .. لكن من الممكن تدرسينه على حسابك الخاص .. وتلتحقين بالبعثه هناك بعد فترة تمضينها في دراسة اللغة او اول ماتبدين جامعة

اختي المحتشمه محتشمه اينما كانت في امريكا او في بيتها وانا من واقع تجربه فيه مبتعثات اذا مرت من عندي انزل راسي من احتشامها واستقامتها
الدراسه مافيها عيب ودام هدفك سامي الله يوفقك ويسهل دربك

انا قالو لي اذا ابتعثتي انسي انك تتزوجين !!!!!
انتو ياشباب لو مثلا الولدة خطبت لك وحدة توها راجعة من دراستها في امريكا توافق تتزوجها بكل صرررااااحة ؟

يعطيكم الف الف عافيه
بالنسبه لبعثة المللك اذا التخصص ما طلع الحين بيطلع بعد سنه سنتين ؟ انا بإذن الله راح اسافر بعد سنتين او ثلاث لاني الحين صغيره بالثنوي
ايش هي الدول الي تمنع الحجاب :( امريكا لو رحت متغطيه بيخلون ما اتغطى ولا عادي اتغطى ؟

أولاً .. رضى ربنا عز و جل هو الأساس ..مادامك واثقه إنك حتمشي بما يرضي الله بكل شيء ماعليك وإنتي إجعلي غايتك رضى الله فقط

إجعلي خوفك من الله عز و جل فقط .. لا تخافي من الناس وكلامهم ..

وما عليك من الكلام وكلام الناس لااااا ينتهي ..

ثم ..ثانيا مادام محرمك معك دايما ..مادامك عارفه هدفك وشو .. مادامك واثقه بنفسك .. مادام أهلك معك ... مادام أهلك واثقين إنك إن شاء الله حترفعي راسهم أيقني كمال اليقين إنك مو غلطانه ...

موفقه حبيبتي ,,

اقتباس:

---

المشاركة الأصلية كتبت بواسطة تباهي

انا قالو لي اذا ابتعثتي انسي انك تتزوجين !!!!!
انتو ياشباب لو مثلا الولدة خطبت لك وحدة توها راجعة من دراستها في امريكا توافق تتزوجها بكل صرررااااحة ؟

---

لا بالعكس اعرف مبتعاث تزوجوا بعد ما خلصوا الابتعاث و عايشين مبسوطين و عندهم اولاد

بالنهاية الاستخارة قبل كل شيء . و المحترمة محترمة داخل السعودية أو خارجها . ربنا واحد و في كل مكان مو بس في السعوديه .

ماعليك حبيبتي من كلام الناس دامك واثقه ان اللي تسوينه مو غلط ولاحراام
لاتعطينهم حتي اقل اهتماماتك ولاتضيعي وقت تفكري في كلامهم

خذيها مني من واقع تجربه
انا العام قدر الله وانقبلت بجامعه بمنطقه بعيده عنا انا من الشرقيه واللي انقبلت فيها من مناطق الغربيه
ماكذب عليك صديقاتي اللي مقربين مني (اللي المفروض يتمنون الخير ليه ) قالو لاتروحي وشلون وعيب ومن هالكلام (وهذا انا ماعديت السعوديه)
المهم تخيلي بعد ماجاني القبول وقدمت اوراقي تخيلي شنوو قالو ليتنا رحنا معك وقدمنا !!!<<<تناقض
وصار اني ماالله كتب اني اكمل ورجعت توقعت تغير تفكيرهم الا رجعو يقولو نفسناا نروح في جامعه اللي نقبلتي فيها <<<سبحان الله
اقولوهم تراها صعبه ومن ذا الكلام يقولو خاطرنا فيها ومن قبيل هالكلام !!!

الخلاصه اللي ابغي اقولهاا
ان اغلب اللي يقولو لك عيب هم يبغون يكونو مكانك هل هو حسد ولا شنوو مادري
اما من ناحية الزواج صدقيني ماتدري وين نصيبك فيه
والزواج مثل مايقولو قسمه ونصيب
اللي يقول ماراح تتزوج المبتعثه <<<قولي الحمدلله ان قسمتي ونصيبي مو بيدكم

وبالتوفييييييق للجميييييع