حلمي الأبتعآث ولكن !

ع حسب أولوياتك .. يعني جامعاتنا ممتازة الحمدلله .. فإذا انها توفر لك التخصص الي رغبان فيه وحصلت ع قبول فشيء جيد جدًا ..
لكن اذا كانت من اولوياتك مثلًا تعلّم اللغة الانجليزية بطلاقة فهنا انصحك بالابتعاث .. لانه مهما مهما دخلت معاهد هنا وقرأت ودرست وطورت مو مثل لما تروح برا وتمارس وتعايش .. لان اللغة ثقافة قبل ماتكون مجرد لغة .. يعني انا سبب رغبتي ف الابتعاث هوا اني حاطة ف بالي هدف لازم اسويه وهوا اتقان هذي اللغة كمتحدثيها الاصليين .. رغم اني وصلتةلمرحلة ممتازة في تعلمها .. لكن مايكفي ..وعندي اسباب شخصية ككثير .. واولويات ..
واهم شي تستخير .. ماندري النجاح والفلاح فين .. الله العالم وحده .. والله ييسرلك ويوفقك ويرضيك

اهم شي قسم بالله هي حاجتين :-
1-صلاة الاستخارة
2-انو يكون والديك راضين عنك
و توكل على الله

اخوي اذا انت نفسك فالابتعاث بس الناس ضاغطينك خلك مثل الاصقه لان كلام الناس مجرد راي ولاعليك من احد والي يقولك لايعمم على الكل هذا حاله شاذه من الفشل انت عزم وخذ موافقه الوالدين وتزكل على الله .. الابتعاث فرصه ذهبيه والي تحصل له يسجد شكر لله

انا رائي من رائي اصدقائك
الدراسه عند اهلك نعمه وراحة بال
والوظيفة وحده سواء معاك بكالوريوس تمريض من جامعة الدمام او بكالوريوس تمريض من امريكا او من اليابان
المستوى والدرجة والراتب واحد
جميعهم يتعينون على وظيفة اخصائي
طبعا التمريض ع سبيل المثال وعلى ذلك قس
بقولك شي مهم
نسبة كبيره من شباب وبنات مجتمعنا اهم شي عندهم الابتعاث وحريصين كل الحرص على ان يطلعون برى ويدرسون بالخارج
والله العظيم واقولها وانا صادق
اني اعرف شباب كانوا معانا بالثانوية العامة من اروع مايكون طبعا انا متخرج من الثانوية العامة عام 2002
وراحوا درسوا برى
وللاسف صارت الدراسه برى لهم طريق ضياع وانحراف
انا ماعمم ولكن اقول الي رايح بيدرس وشاد حيله وحاط هدف اكيد راح يحققه
بالاخير
انت الي بيدك القرار
وتعرف نفسك اكثر من غيرك

خذ ورقة وقلم
وقارن بين الجامعة اللي بتدرس فيها هنا وجامعات برا
وش السلبيات والايجابيات لكل وحدة
انت تتحمل الغربة ولا لا؟
انا أختي تدرس برا وتنصحني اني اروح عالرغم من الصعوبات اللي تواجهها
لا تحط كلام الناس في بالك
يمكن قال لك هالكلام لانه مضغوط وتعبان ومتضايق
ونصيحة :: جامعة الدمام مرمطة ما بعدها مرمطة
ففكر زين قبل لا تقدم على هالقرار

إذا نقبلت هنا ليه تسجل برى جامعاتنا وبذات الصحية محد تخرج منها وجالس بالبيت توكل على الله ودرس هنا وخل الإبتعاث وبلاويه

انت حدد هدفك اذا تبي شهادة عشان تتوظف ادرس هنا واذا تبي شهادة ولغة متقنة وتبي تواصل لدراسات العليا ادرس برا
واذا انت من النوع الاجتماعي مررة وابد ماتستغني عن اهلك اجلس عندهم
انا زميلاتي اللي سبقوني مرتاحين هذا واهم بنات دائما البنات يكونو متعلقين باهلهم ولا اشتكو
انت حدد هدفك اولا واخيرا

بس الحين جامعة الدمام مسارات وبعد السنه الاولى ياخدون عدد قليل للطب انتبه لهدا الشي

أنا بقولك قصتي من السنة الماضية الى اليوم بثلاثين ريال للكلمة هههه دعابة دعابة
خلصت الثانوية السنة الماضية يعني 1431\1432 وحصلت ولله الفضل درجات طيبة في الثانوية و القدرات و التحصيلي ومثلي مثل أي طالب حصل درجات طيبة >>>يعني أنت . قدمت أول شئ في جامعة الملك سعود و الملك فهد و باقي الجامعات
وقبلت بفضل من الله ورحمته فيهن كلهن طبعا قدمت أوراقي في جامعة الملك سعود سنة تحضيرية كليات صحية على أمل أن أدخل طب بشري المهم بدت المرحلة السابعة في 1رمضان قلت خلني أسجل بجرب على أساس أني ما أبغى أدرس برا يعني لقافه ..و,يوم 6\10\1432 بداية البرنامج التعريفي في السنة التحضيرية جتني سلمك الله و القارئين رسالة يوم السبت تقول ( قبلت في برنامج الملك عبدالله للأبتعاث مبدئيا) انا ماصدقت رحت وسحب شهادتي من الجامعة و يوم 17\10\1432 سلمتهم أوراقي في الرياض ثم أنتظرت حتى 12\12\1432 أعلنوا النتائج النهائية طبعا رغباتي كانت 1-المانيا .2-ايطاليا .3-هولندا و جت الرغبة الاولى و حضرت الملتقى يوم 5\1\1433 تفاأجأت أن بكالوريوس طب المانيا صعب للغاية لأنك تروح لألمانيا بدون قبول جامعة الوزارة تتعاقد مع ونظمة DAAD الالمانية التعليمية المهم قالوا في المانيا فيها 7000مقعد طب 5 بالمئة فقط للأجانب من جميع الجنسيات يعني 400مقعد لألمانيا كلها يعني تنافس الكوري و الهندي و جميع الجنسيات
المهم طلبت تحويل من الدكتور ماجد الحربي الله يحفظه الرجال هذا ماشفت رجل زيه في الاخلاق و الاحترام الله يوفقه المهم قلت ابغا احول الى بولندا طبعا الكلام هذا كله اثناء الملتقى المبتعثين ثم حولوني على بولندا ووصلني القبول المهائي من جامعة لبلين و معهد epic في أوزلتين أستاتست أول شئ لأن بولندا للغة الدراسة الانجليزية اما المانيا الماني اجباري إلى مرة جيت أستلم قبولي من الوزارة لقيت واحد يدرس في بولندا جلست ساعة كاملة أسولف معه الرجال يسب البلد و الناس و المستوى التعليمي هناك يقول الشعب مايتلكلم انجليزي الى فئة الشباب و كم كلمة يعني فأنت مجبور تتعلم اللغة البولندي لتشوف حياتك بعدين الدول هذي نامية يعني يبغالها سنوات نصيحة إذا ودك تأخذ طب بكالوريوس من جامعات قوية عندك الملك سعود و فيصل وعبدالعزيز و الدمام قويات جدا جدا بعدين المناهج الي في جامعاتنا كله من برا يعني مافيه شئ من عندنا افضل ابتعثات للماجستير و الدكتوراة بنظري المانيا تدري كم سنة عشان بكالوريوس (1.5لغة لانها صعبه +سنة تحضيري +5طب+1امتياز=8.5سنة أيرلندا وبريطانيا (سنة ونص للغة +سنتين تحضيري الأي ليفيل +5طب +1امتياز ومع الاجازات و الحالات الطارئة لاقدرالله 6شهور يعني اجماليا =10سنوات