عاجلا طلب المساعده

الله يوفقك ان شاء الله
انا بوضح لك كم نقطه مهمه
الولاية اسمها كانساس KANSAS
المدينه اسمها MANHATTAN مانهاتان
الجامعه اسمها KANSAS STATE UNIVERSITY
الي فهمته انك تقدمت بطلب قبول من الجامعة صح ؟
طيب دامك سبق وان تقدمت بطلب قبول جامعي لمرحلة البكالوريوس من الجامعه خل قبولك يكون قبول غير مشروط
بحيث بالبدايه تدرس اللغة بمعهد الجامعة ولما تجتاز اللغة تبداء دراستك الجامعيه

الله يبيض وجهك .. الله يوفقك ويعافيك ويجزاك خير .. الله يعافيك على مساعدتك وردك السريع ..
نعم صحيح لقد تقدمت بطلب وهو قيد الدراسه من قبل الجامعه وابلغوني خلال اسبوعين الى اربع اسابيع سوف يرسلون لي I-20 وانه لايحق لي الدخول الى الجامعه الا في SPRING-2013 وذلك بعد اجراء فحص اللغه الانجليزيه (قبول مشروط ).. (هل فيه مجال الحصول علي الدراسه من دون القبول المشروط ) .. وعلى ضوءها يتم دخولي الجامعه او يطلب مني الدخول الي معهد لدراسه اللغه وكما تعلم لايحق لي السفر الى امريكا الا قبل شهر من بدايه الدراسه .. وياخي كما تعلم ارغب الدراسه في احدي المعاهد الممتازه بهدف تقويه اللغه الانجليزيه قبل اختبار الجامعه لي ..
آمل تزويدي بإسماء المعاهد الممتازه التي يتم تعليمي فيها من الصفر وايضا الحصول علي I-20 من المعهد .. لان الفتره طويله مايقارب سته اشهر .. وارغب في تطوير لغتي قبل الالتحاق بالجامعه ..
بيض الله وجهك ... عافاك الله .. الله يجزاك الف خير .. الله يسلمك ياغالي .. من طيبك

طيب الحين فهتك
شف طال عمرك
بعطيك رابط المعهد حق الجامعه
عندهم اللغة خمس مستويات
طبعا انا انصحك انك تسجيل فيه ولا تفكر بغيره
لانك اذا شديت حيلك وخلصت هالخمس مستويات تدخل الجامعة دايركت من غير توفل او غيره
مع انك الله يهداك استعجلت بالقبول
المفروض تاخذ بالبدايه قبول لغة فقط او قبول غير مشروط
طيب انت متى سجلت بالجامعة ؟ اذا يمديك ارسل ايميل لمكتب القبول وقلهم انك غيرت رائك وتبي قبول مشروط
وتبي تدرس بمعهد اللغة حقهم
يمكن يقدرون يضبطونك ويرسلونك لك قبول مشروط
هذا رابط المعهد حقهم
English Language Program | Kansas State University

عافاك الله دنيا واخره .. وجزاك الله خير .. والله يسعدك دنيا واخره وكل من تحب .. الله يوسعها عليك دنيا واخره يارب .. الله يتسر عليك دنيا واخره يارب ..
نعم انا خاطبتهم وطلبت ان ادرس بمعهد اللغه عندهم واخبروني ان الوقت جدا ضيق لانه يبدا في شهر 10-اغسطس -2012 وخاطبتهم يوم الجمعه في وقت متأخر وانتظر ردهم في يوم الاثنين على اقتراحي في المعاهد المتوفره في الولايه والمعترف بها لديهم ..
ارجوك اخي الكريم .. ممكن مساعدتي بكتابه صيغه الخطاب الموجه الى الجامعه " كما قلت انت " والذي تنصح به لانها تجربه جديده لي حتى وان كان بالعربي وانا سوف اقوم بترجمتها ..
-اخي الكريم ماهو الفرق بين القبول المشروط وغير المشروط .. وايهما افضل ؟ لأنني لا اعرف ماذا تقصد بهما ..
اخي الكريم .. كلفت عليك كثيرا واخذت من وقتك الكثير لكن لك اجر كثير .. لانك ساعدتني كثيرا وساندتني في هذا الموضوع وفي هذا الوقت الحالك بالنسبه لي .. والذي يتعلق بمصير دراستي وهي مهمه جدا لي وفيها تتحدد ملامح مستقبلي كله .. ولك دعوات مني بظهر الغيب .. مره اخرى شكرا لك اخي
الله يسلمك ويسلم كل من يعز عليك .. الله يرفع مقدارك دنيا واخره .. الله يجزاك الفردوس الاعلى ..

ابشر من عيوني .. القبول المشروط معناته ان الجامعه تشترط عليك دراسه اللغه لديهم ولما تجتازها تدخل الجامعه
والقبول الغير مشروط معناته انك مستوفي شروط الجامعة وعندك توفل او ايلتس ..
لاتشيل هم امورك طيبه ..
بسالك مين الي قدملك ع الجامعة انت او صديق او مكتب؟؟
بعدين انت وش ناوي تدرس اي تخصص؟؟
ومتى قدمت طلبك للجامعة ؟؟ وهل ارسلت لهم متطلبات القبول من شهاده بنكيه وغيره؟؟

اخوي بعطيك رابط للنادي السعودي الطلابي بنفس الجامعة
ورابط معلومات عن المدينة من موقع السعودييون في امريكا
Manhattan

Sacm Clubs