لمن الكلمه ؟ وكيل شؤون البعثات او اللجنه المبتعثين ؟

اخواني بختصار شديد انا عندي مشكله في انتقال بعثتي لي امريكا ولاني ماوجت قبول هناك وارغب في اعاده قراري لي بريطانيا

وكيل شؤون البعثات / د ناصر الفوزان ... حفظه الله , تفهم الموقف ومشكلتي وقال : لا افضل لك ترجع بريطانيا ووقع على اوراقي

واللجنه رفضتني مرتين بدون سبب !

رجعت له مره ثانيه يوم السبت هذا وقالي مين رفضك ! قلت اللجنه , قالي : خليك انت بتتطلع معي فوق وانا اخلص امورك , قلت الله يطول عمرك يارب

المهم طلعنا انا ومعاليه و سكرتير ورحنا مكتب مستشار لجنه المبتعثين وقاله : الطلاب هذا تمشون اموره لا تعطلوه اكثر من كذا خلصو اموره اليوم ورجعوه

قال المستشار طيب ابشر لي الدكتور ناصر , وبعدها قالي انتظر

بعد ساعد انتظار جاني المستشار وقالي خلاص روح ويومين وراح نتصل عليك و ( اذا وافقنا تعال خذ ضمانك واذا مافوقنا عاد الله معك )

الحين له يومين وماتصل وانا مادري ليه كل هذا التعطيل

تنصحوني اروح لي الدكتور مره ثالثه ؟

وهل صحيح مستشار اللجنه كلمته فوق الدكتور ؟


اتمنى الافاده

الله يوفقك رح للجنة بكرة واسألهم ليش مااتصلوا .. فيما .. لو رفضوك تروح للوكيل .. والوكيل ماقصر جزاه الله خير يدل على حسن تعامله مع الطلاب .. المهم رح لهم ولا تخليهم يقضون يومهم لين تخلص اجراءك واذا تأخروا عليك وقالوا لك يومين ولا اسبوع رح للوكيل مباشرة ,, وقله وش صار ..