عرض للطباعة
السلام عليكم جميعا ،،
حابة استفسر في البداية عن التخصصات ..انا تخصصي بيوكميستري وماني حابة اكمل في ماستر،يسير في خيارات التخصص اختار احياء او كيمياء ولا لازم كيمياء حيوية او مختبرات طبية ؟؟؟
ثاني سؤال متى اجيب قبول للجامعة او المعهد بعد اصدار الضمان المالي ولا قبلو ؟؟؟ ويسلممممو *
اممما مافي احد يعرف !!!!
حبيبتي تخصص كيمياء حيوي تقدري تكملي بعده ماستر في تخصصات اخرى
وحسب الدولة اللي راح تدرسي فيها
وحسب الجامعة
مسموح تكملي في مختبرات طبية وغيرها من الاقسام العلمية
واذا بتدرسي في امريكا
تقدري تكملي طب بشري
و اتوقع انه حتى الصيدلة والكيمياء العامة مفتوحة عندك
وخيارات اكثر متوفرة عندك بالذات في المجال الطبي
الله يسهل عليك
انتي ف البدايه بتدرسين مرحلة اللغة
ولما تجتازي اللغة
انا اسمع ان الملحقيه تتساهل بموضوع تغيير التخصص
مايعقدونك
اهاااا والله عن نفسي اتمنى من كل قلبي اكمل تغذية ... مين يعرف الجامعات اللي فيها تخصص تغذية في امريكا ؟؟ لقيت في جامعة وحده لين دحين وحااااايسة حوسسسة في البحث عن دا التخصص :(
انا عندي اهم شي انو عند التقديم يقبلو اني اتخصص تغذية اخاف يقولو مو امتداد للبيوكيستري مع انو اقدر ومسموح اني اكمل ماستر في جامعتي الموقرة عزوز ؛تغذية *
ايش اسم تخصص التغذية بالانجليزي اختي
scince of nutrition*
طيب ان شاء الله يفيدك موقع الوزارة
الجامعات الموصى بها
حطي الدولة امريكا والدرجة العلمية ماجستير
واكتبي اسم التخصص انا كتبت scince of nutrition ما طلع ولا جامعة
بعدين كتبت nutrition بس وطلعت جامعات كثير
بس ادخلي على كل جامعة واتأكدي من اسم التخصص لأن فيه اكتر من اسم زي Foods and Nutrition Science
Nutrition and Dietetics
Medical Nutrition Science
وزي كدا تقدري تحوطي ولاية معينة ومدينة معينة
ان شاء الله فهمتي
بالتوفيق
اوك شكرررررا جزاك الله خير ...دحين اشوف