لطلاب المرحلة الثامنة لكم خبرتي خلال متابعتي للابتعاث 3 سنوات ..اسألوا وزيكو يجيبكم

بعد مايفتحون التقديم بشهر 9

بيعلنون الترشيح المبدئي ببداية شهر 11

ومن بعدها تدقيق الاولارق .. لمدة اسبوع ونص لجميع مناطق المملكة

ثم اسبوعين الترشيح النهائي

ومن بعدها تقدرين تروحين وكالة شؤون الابتعاث .. وتورينهم صورة الفيزا و الاي توني ومؤهلاتك .. وتقولين لهم ما احتاج الملتقى ياليت تعفوني منه

اذا ما اعفوك منه ... بتحضرينه لمدة يومين وبعدها

ترجعين وكالة شؤون الابتعاث ... ونفس الاوراق الي قلت لك عنها

نص ساعه يطبعون لك قرار الابتعاث ... اول ماتستلمينه .. تروحين تقصين التذاكر من مكتب الطيار بالوزارة ... وربي يحفظك على امريكا ^^

تحياتي


نسيت حاجه ... كثير طلاب المرحلة السابعه صلحوا مثلك ^^ لا تشيلي هم

رووح له بعد تدقيق الاوراق .. بيعلونها بالموقع فترة الاعتراض

شيك على مواضيعي السابقه

في شرح مفصل للأعتراض ^^

الطب بكندا .. 8 سنوات وصعب جدا .. بنسخ لك رد سابق لي لأني تعبان مافيني اكتب


اختي الوضع غير بكندا وامريكا ... مافي بكلوريس طب

هناك تدرسين بكلوريس .. بتخصص احياء او كيمياء او فيزياء .. وبعد ماتجيبين معدل اعلي تقدمين اختبار
بعدين تقدمين على مدارس الطب .... يعني 4 سنوات بكلوريس + 4 سنوات طب = 8 سنوات .. الطب بأروبا زي السعودية فأنصحك بأروبا

خليني انسخ لك كلام بعض الشباب ....


زيكو !!

انا اقولك الحكاية كيف نص المبتعثين الى كندا طب دكاترة اشوفهم معانا بالجامعه ما شاء الله

بس شلون نظامهم لازم تدرس علوم ( رياضيات- كيمياء-احياء-فيزياء)

نفس ما قلت ولما تتخرج لازم معدلك عال العال ما في شي اسمه 2ونص من 4 او 3 ونص من 5

لازم تجيب معدل قياسي مثلا 4 ونص من 5 او 3 و75 من 4

يعني بالعربي الفصيح الجامعات الكندية شايفة نفسها بجد وتطلب معدلات خيالية فوق قدرة الشخص مو كل واحد بيقدر يجيب هيك

والاولوية للكنديين وملعنة جد ومقاعد محدوده يعني تخيل

بجامعة الدلهوسي في هاليفاكس في كندا متقدمين 185 طالب من جميع دول العالم مع الكنديين لدراسة الطب

ويبغون 25 طالب بس يعني ال25 طالب كل واحد يقول المعدل الزين عندي

هاذي سالفة كندا فنصيحة اذا حاب طب ... وانا ابغى ادرس الطب كمان وعقدوني وبهذلوني

تبغى السهالات والدراسة الصح روح امريكا انا كلها شهرين بالكثير وماشي امريكا و5000 جامعه في امريكا

وكندا ما فيها الا 95 جامعة وازعجت العالم بشروطها وطلباتها الي ما ادري ايش تبي

وافضــل من كندا بمليون مره

استخر ربك وشوف

اتمنالك التوفيق يا الغالي ....... <<<<<< خخخخخخخخخ يحسبني هونت عن الهندسة بامريكا واني جاي كندا *_*

وهذا رد واحد بالمنتدى ....

الكلام الطويل الي تحت ينطبق علي كندا ايضا


بسم الله الرحمن الرحيم

طبعا اشكر اخي و حبيبي صالح الي دلني علي الموقع هذا و بالتحديد لي الموضوع هذا.

بداية كثرت الجدل حول دراسة الطب في أمريكا خذ الخبر اليقين من طالب طب سعودي في امريكا

بسم الله

اولا في امريكا لا يوجد بكلوريس طب بشري لازم تلحق باحدي الجامعات ودراسة أحياء لمدة 4 سنوات بكلوريس يعني وفي هذه المرحله يجب عليك المحافظه علي معدل عالي جدا جدا مثلا 3.8 من 4

بعد السنه الثالثه وقبل التخرج من البكلوريس تبداء اجرات التقديم علي كليات الطب الامريكيه
وهنا المرحله الاصعب الي هو اختبار MCAT
الاختبار هذا مقسم لي خمسة اقسام قسم الاحياء و قسم الكيمياء و الفيزياء و قسم الكمياء العضوية و قسم القراءه و اخيرا الكتابه
الاختبار صعب جدا و طويل مدة 6 ساعات تقريبا
دراسة الطب في امريكا 4 سنوات وبعد السنة الثانية تقدم علي اختبار الرخصة الخطوه الاولي في حالة نجاحك في اختبار الرخصه تقدر تمشي لي السنة الثالثه في الطب

يعني دراسة الطب مع اللغه في امريكا 9 سنوات

عدد كليات الطب في امريكا 150 كلية طب 50 كلية فقط تقبل الطلاب الاجانب
الطب محصور بشكل كبير لي الامريكان
قد قيل لي ان عدد الطلاب الاجانب الي يقدمون علي الطب كل سنه في امريكا 17 الف طالب اكثرهم من كوريا و الهند
للاسف عدد المقبولين كل سنه لا يتجاوز 150 طالب في احسن الاحوال هذا يعني كل كلية طب من ال 50 تقبل 3 طلاب فقط كل سنه

الان تعتقد ان الكلام الي فوق تحطيم صح؟ طيب فيه شي حلو في امريكا

القبول في امريكا لا يعتمد علي الدرجات فقط العمل التطوعي و كذالك الابحاث تلعب دور كبير في القبول
وايضا المقابلة الشخصيه
اختي اذا قررتي دراسة الطب في امريكا فا انصحك ان تبداي بجامعه سهله في مدينه صغيره عشان يكون معك معدل عالي و فيه فرصه تسوين ابحاث في معامل الجامعه

طبعا انا الان حاولت اوضح اذا فيه اسائله ثانيه انا جاهز
واعذروني علي الاخطاء الاملايئه لاني استخدم كيبورد عربي من النت

تحياتي


نصيحتي لك اذا تبغين طب روحي اروبا ^^

اخوك زياد بن محمد


المصدر: http://www.mbt3th.us/vb/forum163/thr...#ixzz20YxQVGAR
حفاظاً على حقوق الكاتب نرجو عدم حذف المصدر مبتعث

حبيبي زيكو كل ما ارسلك يقولي عدد مشاركاتي ما ادري كم لازم اوصل فلو حبيت ارسلي نكك سكايب عالخاص لاهنت تحياتي

حبيبي انا ابي اطلع طب برى
سوالي
انا ما عندي الايلتس .. على شنو ياثر هذا الشي هل هو على قبولي لدراسة الطب او على اختيار الدولة او شنو ؟؟
سوال ثاني الدولة و المهعد و الفيزا و الشغلات ذي كلها احنا اللي نشتغل عليها او الوزارة تتكفل ؟؟
طيب لو ابي مثلا جامعه معينة او بلد معين شسوي ؟؟

اخوي زيكو انا منطبق علي الشروط وان شاء الله مقبول في البعثة لدرجة البكالوريوس
بس عندي مشكلة انا اتمنى واللي احبب هندسه والطب عامة اكرهه
وحلمي من يوم كان عمري 9 سنوات ادرس برا ابي طريقة ادرس هندسه
يعني هل استطيع التحويل
ابي طريقة مؤكدة
وبششر وش صار على الاختبار ان شاء الله تمام

زيكو

انت زيكو زيكو

ماغيره من الساببعة

لما عترضت وقبولك صح

؟؟

انت هو


ماشاء الله ابتعثت

ربي يسعدك ويوفقك

تستاهل الخير

ويين السكن حقي اللي بترسل صورته <~ لاحظ صار حقه xD
لا والله سوورري ابن اللذين ماهو مصري ><" ... ناروتو /بليتش سحبت عليييهم من زماان ،،
ناورتو وصلت لما رجعوا يبنوا كونوها بعد دمار الاكاتوسكي لها و يوم بغى ييصير الشايب الـ هوكاجي
بس ربك ستر وفاقت تسونادي<~ احبها هالعجوز ،،
و فيري تيل حملته لاخر شي بس ماجاز لي من اول حلقتين سويت له درووب و الكل يمدحه مدري ليش
و جامعة سذرن كاليفورنيا كوييسسة <~ ابو الشطحه ،، و سؤال ليش ما اخترت بريكلي عن سذرن..! xD

جزاك الله كل خير

شاكر لك سرعة الرد ، وبالنسبة عن سؤالك ليش كندا ثم أمريكا ، أنا أخوي مبتعث يدرس في أمريكا ولاية OREGON ، وتعتبر من أرخص الولايات والسبب عدم وجود TAX في هذه الولاية ، ورغم ذلك فهو يعاني من ضعف المكآفأة الدراسية ويطلب من الوالد كل شهر ما بين 300 الى 400 دولار ، ولهذا السبب لا أريد أن أعيش مثل هذه المعاناة علما أن أخوي عنده سيارة هناك وتعرف أن عليه دفع تأمين شهري للسيارة وبنزين بسعر عال وغير صيانة السيارة وباقي المصاريف .

يعني السبب بصراحة اتعقدت من امريكا بسببه وسبب كثرة طلباته المادية ههههههههههههه .

لهذا السبب قلت اروح كندا وابحث عن معهد ممتاز والمكآفأة بكندا تكفي وزيادة وهذا على كلام بعض معارفي في كندا ، وبالنسبة للعودة لأمريكا بعد اللغة بسبب إني سمعت أن كندا من الصعوبة الحصول على قبول في جامعاتها وبالذات القوية والسبب لقلة الجامعات وقلة الكراسي التعليمية بالذات للدراسات العليا .

ايش رايك ؟؟