لطلاب المرحلة الثامنة لكم خبرتي خلال متابعتي للابتعاث 3 سنوات ..اسألوا وزيكو يجيبكم

الله يبارك فيك

طيب كم المكافأة طبعا امريكا

ياخي فدديتكم واحد واحد ... العباقره عيال جامعتي <<<<< متعصب لجامعته السابقه ههههههههه
اخوي البترول جامده
بس لو تبي تدرس وتشوف الدنيا .. اطلع بأي تخصص علوم صحية او علوم طبية ... وخلص اللغة .. وجيب قبول نهائي
والملحقية تحول التخصص لك ... بشرط ان تخصصك مو طب !!! لأن الطب يعتبر اعلى شيء عندهم

المصدر مشرفتي السابقه بالملحقية ..

اتوقع انك تقصد بيركلي الي بسان فرانسسيكو ؟؟
شووف اخوي

لو دخلت الجامعات هذي ... يال ..هارفورد... ماستيتيوش للتقنية ... بيركلي ... ستانفورد .. جنوب كالفيورنيا
فأنت تعتبر الفتى الذهبي ... ومستقبل راح يكون مدير اقليمي لأحدى الشركات العظام بالعالم

بس القبول فيها مو سهل

يعني يبي لك تدخل جامعه معترف فيها وتدرس فيها سنتين ... مايعادل 64 ساعه .. ومعدل مرتفع مررره يبيض الوجه

وتطلب تحوويل الى الجامعات المذكوره .. اضمن انا لك بنفسي راتب فوق 30 الف ريال .. هذا اذا ماجنسوك الامريكان ^^

ارسل لي السكايبي حقك ... لو تبي استفسارت زياده .. لأني انا اعششق الناس الطمووحه

واحس براحة لأني احس مو انا لحالي الي عنده طمووح ^^

اخوك زياد محمد

- - - مشاركة محدثة - - -

1847 دولار شهريا

طيب اخوي وش الشروط لجامعة ستنافورد وبيركلي

ونبذة بسيطة عن الاختبارات المطلوبة اذا سمحت

طيب كم المبلغ المطلوب او الافضل

الي يكون معاي قبل الذهاب لبلد الابتعاث

وممكن معلومات عن الجامع ــــه

rochester institute of technology

اخوي في طرقتين تدخل الجامعات هذي
وحده صعبه ووحده الطالب المجتهد يجيبها

الاولى انك تجيب توفل مرتفع فووق 85 ... الي اسمه اي بي تي ..... الجامعات العادية تطلب فوق 60 فقط ^
وتجيب اختبار ACT و SAT ... وتوصيات مترجمه من 4 من مدرسينك بالثانوي

وتجيب لهم اوراق انك كنت طالب مبدع .. وعريف للفصل ... وقائد لمجموعة طالبية ... الخ الخ

اذا قبولك ... بتصير فريشمان وعندك 4 سنوات دراسه

الثانية وهي سهله تجيب توفل عادي وتدخل جامعه متوسطه وتجيب معدل مرتفع خلال سنه ونص او سنتين .... وتجيب ضمان من الملحقية بغرض القبول <<< يعطونك اياه بسهوله بس الي عليك تعبي النموذج بالموقع

وتحول لها ويحطونك سفنمور عندهم ^^ ويبقى لك سنتين للتخرج


انتظر بااقي تساؤلاتك ^^


سوري نسيت حاجه ...

ACT هو نفس القدرات عندنا بس بالانجليزي ^^
SAT نفس التحصيلي بس بالانجليزي

فوق 2500 دولار انت بالسليم ^^

بالنسبه للجامعه .. انا قاعد اقرى لك عنها بالانجلش وبررجع احكيك ^^ .... خليك بالموضوع لا ترووح

السلام عليكم ورحمة الله وبركاتهــ ,,

أخوي انا خريج ثانوية عامة بنسبة 97 وقدرات 90 وتحصيلي 88

حاليا ملفاتي كلها بالبترول ,,

بصراحة انا امنيتي إني ادرس هندسة باليابان ,, بس المشكلة انه ماحد يبتعث لليابان غير الشركات مثل سابك وارامكو ,,

وانا ما ابي يكون مستقبلي متعلق فيها لأني ابي اكمل دراسات عليا ,,

فهل هناك طريقة اني ادرس هندسة باليابان ؟

واذا ما فيه وش افضل الجامعات بالهندسة وكيف طريقة التحويل لها من بعثة الملك ؟

وهل قبولي بالبعثة مضمون لأن مابي اسحب ملفي بالبترول وبالآخير اتوهق

وايش نصايحك ,, ؟؟

لأن صراحة مالي خلفية بالجامعات الي برا بس كل الي اعرفه أبي ادخل بجامعة قوية واثبت نفسي فيها

اخوي نسبتي 98 ثانوية و 92 تحصيلي و 89 قدرات ,, انقبل ولا لا طب ؟؟؟

السلام عليكم ,

الله يعافيك ودي أعرف عن شروط الابتعاث وإمكانية التجاوز فيها

هل يكون بسبب (الواو فقط)؟؟

أنا سمعت وأعرف مجموعة ابتعثوا ماتنطبق عليهم الشروط , لكن ماني متأكدة من تدخل الواو !

أو يعتمد عالتخصص , والمنطقة ونسبة المتقدمين من نفس التخصص ؟


أنا تخصصي صيدلة
والجامعات اللي خرجت صيادلة لحد الآن بالمملكة 4 فقط
فيه كليات جديدة كثير
بس لسه ماتخرجت أول دفعة


الخلاصة أن العدد المتقدم لإكمال الدراسات العليا في تخصصي سيكون قليل جدًا

هل هناك أمل لقبولي علمًا بأن معدلي أقل من المعدل المشروط بقليل


وشكرا

انت بطلع البعثة بتخصص ثم باغيره
هل أجيب قبول مشروط او لا لأني باغير التخصص
وهل اقدر أغير تخصص اذا كان عندي قبول مشروط