الأعضاء الإشتراك و التسجيل

الملتقيات
ADs

جامعة البــــــــــــــــترول ام برنامج اللملك عبدالله (الله يحفظه) للابتعـاث الخارجي

جامعة البــــــــــــــــترول ام برنامج اللملك عبدالله (الله يحفظه) للابتعـاث الخارجي


NOTICE

تنبيه: هذا الموضوع قديم. تم طرحه قبل 4279 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. حبيب قلبي ،

    جامعة البترول ولا تتردد، انا مثلك اول مرحلة للبعثات كنت اوريا في البترول، والحين تخرجت ولقيت احسن وظيفة ولله الحمد. جامعة البترول ما في زيها، حتى لو انك انقليزي ضعيف. اهم شئ تشد حيلك شوي وما شاء الله باين عليك شاطر. خلي تفكيرك بالبعثة ماجستير ان شاء الله. ومالك ومال غربة الوطن.

    وربي يوفقك.

    - - - مشاركة محدثة - - -

    حبيب قلبي ،

    جامعة البترول ولا تتردد، انا مثلك اول مرحلة للبعثات كنت اوريا في البترول، والحين تخرجت ولقيت احسن وظيفة ولله الحمد. جامعة البترول ما في زيها، حتى لو انك انقليزي ضعيف. اهم شئ تشد حيلك شوي وما شاء الله باين عليك شاطر. خلي تفكيرك بالبعثة ماجستير ان شاء الله. ومالك ومال غربة الوطن.

    وربي يوفقك.
    7 "
  2. شف يااخوي انا ادرس لي سنتين في البترول اقسم لك برب العظيم ماكذب ولا اكتب من فراغ

    شفت الويل بهالجامعه ممكن اكون مهمل او الدراسه معقده بس يشهد الله اني كرهت كل شي يتعلق بالدراسه هنا بسبب تعقيد الاداره هناك بالاسئلة الغبية وكله من اجل يرفعفون االافرج او ينزلونه

    صدقني انك تجيب معدل كويس في البترول هذي يبي لها جهد مضااعف جدا يبيلها تنقطع عن مجتمعك وعلاقاتك وفلتك وتصير حياتك كلها محاطة بالاختبارات والواجبات

    و اللي معدلة 2.5 في البترول ممكن في اي جامعه سعودية بنفس الجهد يجيب 3.5 وفوق من 4

    وبعد هالسنتين .. الان انا افكر اسحب ملفي وروح ابتعاث ..

    واذا عندك اي سؤال الخاص عندك
    7 "
  3. انا خريج بترول ،،، الوضع باختصار يعتمد عليك وخياراتك ،،، بختصر لك الوضع على شكل نقاط

    * مميزات البترول
    1- وظيفه مضمونه ( باذن الله ) وتجلس تنقي في الوظايف وتحتار بين الشركات ( من تجربتي وتجربة الكثير من الشباب اللي اعرفهم شخصيا ) حتى لو كان معدلك وسط
    2- تتخرج بفايده لنفسك وحياتك ( يعني مو بس وثيقة وشهاده !!! لا تتخرج بمهاره وعلم وقدرة ووووو تفيدك في بيئة العمل مستقبلا ، وتقدر تشوف ان قيادات الشركات الكبرى كثير منهم خريجين بترول )
    3- لكل مجتهد نصيب ،، يعني تعبك مايروح ،، مافي شغل الواسطات واللعب وووو إلخ ،،،،

    * سلبياتها
    1- الكررررررررررررررررررررف ،،، يعني اذا ماتقدر تتحمل الضغط النفسي والاكاديمي تجي البترول وتتعب نفسك ،،،، كثير ناس درست سنه سنتين وتركتها ، يعني لا كملت ولا تجنبتها من بدري ،، ضيعوا كم سنه من اعمارهم ( والرد اللي فوق مثال مشابه ،، هو حاليا يفكر يترك الجامعه )


    بالنسبة للابتعاث ،،، فالموضوع يعتمد 100% على اختيارك للجامعه ,, بقارنها بالبترول بالامثله
    1- اكاديما ومن ناحية الوظيفة : مثلا لو طالع بعثه لهارفرد ولا MIT ولا اي جامعه قويه ،،،،، فوقتها بقولك انها افضل من البترول كثيرا من ناحية الوظيفة والاستفادة الشخصيه ووووو
    لكن لو بتروح جامعات ضعيفه ونص كم ،، فأقولك لاتعب نفسك ،، شوف اللي رجعوا من البعثات ومالقيوا وظايف !! هل تبغى يكون حالك زيهم بعد 5 سنوات !!!!! ولا تروح البترول وتتوظف بالراحه ؟

    2- من ناحية الاستفادة ،،، الابتعاث افضل من ناحية الاختلاط بناس وثقافة جديده وووووو ،،،، يعني من ناحية بيئة الابتعاث افضل بكثير ،، بس من ناحية استفادة عملية تفيدك في مستقبلك الوظيفي فنفس ماذكرت في 1 ، يعتمد ع الجامعه ،،،،،

    3- من ناحية الكرف ،، بصفه عامه الابتعاث غالبا بتكرف اقل بكثير من البترول ، والدراسة بتكون اسهل نسبيا ،،،، ( من تجارب زملاء جربوا الدراسة في البترول وامريكا)
    لكن لو درست في الجامعات القوية ،،، فراح تواجه كرف مشابه او اكثر من البترول !!


    عشان ألخص لك الموضوع ،،، رأيي الشخصي اذا انت شخص تبغى ( تدرس + تستفيد + تبني لمستقبل مهني على اعلى مستوى ) انك تركز على القبول في احدى الجامعات القوية في امريكا ،، او تروح البترول

    امريكا فيها آلاف الجامعات ،،، حرام تضيع عمرك ونسبتك العاليه وترجع تدور وظيفة ماتلقى بسبب تخرجك من جامعه عاديه ( والمبتعثين اللي رجعوا البلد عبرة)
    اذا بتتغرب وتسافر روح على شي يستاهل ،،، شوف اقوى الجامعات الامريكية ،، عشان ترجع تلقى الشركات تترجاك تتوظف عندها !!!! او روح البترول وبتضمن مستقبل وظيفي باذن الله

    سهولة الحصول ع الوظيفة يعتمد على قوة الجامعة المتخرج منها ،،، مره ثانيه اقولك ،، اذا بتترك البترول ، لاتتركها الا على شي قوي ويستاهل في امريكا !!! حرام تتركها وتضيع عمرك في جامعه نص كم
    7 "
  4. يعطيكم العافيه والله استفدت انا الي باسويه ان شاء الله ان حصلت قبول باقوى 100 جامعه بالعالم لاسحب على البترول وان ماحصلت ابي اظل بالبترول واظغط على نفسي لاني بكلتا الحالتين راح انعزل واتفرغ
    لدراسه لاني من الشمال ماعرف احد بالشرقيه ويعطيكم العافيه مره ثانيه وقراري قابل لتعديل بإي وقت والله يوفقكم
    7 "
  5. انا درست سنتين بالجامعة وطلعت منها وبقدم عالبترول

    ميزة البترول سمعتها بالسعودية

    لكن سلبيتها البترول همها الوحيد انها تنزل المعدل حقك راح تلعب بالسؤال بكل الطرق علشان تغلط واكثر الي فيها ما ينكرون الشي هذا اذا كنت ناوي على معدل 3 من 4 او اكثر لازم تذااكر يوميا ساعتين لثلاث مع اني اعرف البعض يذاكر 6 ساعات باليوم وروح منتدى البترول واسأل

    انا ارشح الأبتعاث بقوة والأفضل لو تخش البترول سنة وتشوف الوضع كيف اذا ما عجبك تقدم عالأبتعاث المرحلة التاسعة لكن فيها مخاطرة احتمال الأبتعاث يغيرون الشروط

    القرار قرارك وبالتوفيق
    7 "
  6. أخوي العزيز ..من واقع و تجربة لا رأي عالطاير....أنا العام كنت مثلك محتار بين الثنتين وأخترت البترول لكن ما أستمريت هناك ..وراح أختصر الأمر عليك....هذا كله يعتمد على توفيق الله سبحانه ثم عليك وعلى شطارتك وطول نفسك وصبرك...هناك بجامعة البترول بالسنة التحضيرية النجاح فيها يعتمد على شطارتك بالرياضيات والإنجليزي لأن هالمادتين تقدر تقول انهم هم الأساس والمعيار حق النجاح بالسنة التحضيرية ولازم تجيب فيهم سي(جيد) عشان تنجح أما المواد الباقية فرعية وأكيد لازم تنجح فيهم بس لو تنجح بضعيف عادي أمورك حلوة .. بالنسبة للإنجليزي راح يختبرونك اختبار تحديد مستوى أول ما تروح هناك للبترول . اذا جبت فيه درجة عالية تطيح عنك المادة بكل السنة التحضيرية يعني أربع ساعات من دوامك اليومي تروح عنك أما اذا جبت فيها درجة ضعيفة وحطوك مع البتدئين راح تدرس اللغة بشكل مكثف وراح يصير الدوام شوي متعب يعني من 4-5 ساعات للإنجليزي كل يوم.... بالنسبة لي كان الرياضيات هو كابوسي والدوام اليومي من الساعة ثمان الصباح الى 3-5 العصر مجهد طبعا يتخلله ساعة غدا وبعض الأيام ساعة فاضية زيادة...وحاجة ثانية راح تختبر كل أسبوع كويز بالرياضيات والإنجليزي..وبالنسبة للرياضيات فيه هوم ورك بالنت تسويه كل أسبوع غير الواجب اللي محطوط لك بالبريك اب... بالنهاية أقول لك استخر ربك وراجع نفسك واستشر اللي حولك...وأعيد وأقول اذا كنت بالرياضيات شاطر وبالإنجليزي تفهم وتقدر تمشي نفسك توكل على الله لأن مجتمع جامعة البترول مجتمع راقي ما عمري شفت مثله بالسعودية ...قابلت ناس هناك ما راح أنساهم طول حياتي وتركوا فيني أثر لن يغيره الزمن وغيروا في شخصيتي وتفكيري بفضل الله وكرمه
    7 "
  7. والأخوان اللي فوق صادقين من ناحية ان الجامعة مرغوبة بشدة من الشركات ...أذكر بكلمة مدير الجامعة ببداية السنة قال لنا..حنا نظمن لكل طالب يتخرج من عندنا لا يقل عن ست جهات يتوظف فيها....بس أنا أقول لك راح تقابل مصاعب الله المستعان...انا عن نفسي تجربة دراسية قاسية بس كسبت صداقات من ذهب هناك
    7 "
2 من 3 صفحة 2 من 3 123
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.