الأعضاء الإشتراك و التسجيل

الملتقيات
ADs

داخل علي الله ثم عليكم تساعدوني تخصصي انقليش

داخل علي الله ثم عليكم تساعدوني تخصصي انقليش


NOTICE

تنبيه: هذا الموضوع قديم. تم طرحه قبل 4280 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية متعـــــــــــــــب
    متعـــــــــــــــب

    مبتعث مستجد Freshman Member

    متعـــــــــــــــب الولايات المتحدة الأمريكية

    متعـــــــــــــــب , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى English , بجامعة >>>
    • >>>
    • English
    • ذكر
    • <<<, >>>
    • السعودية
    • Jul 2012
    المزيدl

    July 11th, 2012, 06:01 AM

    السلام عليكم ورحمة الله وبركاتة

    اخواني خواتي ارجو منكم مساعدتي الله لايهينكم ويوفقكم دنيا واخره

    قسم بالله اني حايس ولا ادري وش اسوي

    انا تخصصي انقليش ولا فيه في البعثه تخصص انقليش سمعت وقريت من بعض الناس يقولون تروح تدرس تسويق ومادري وشو وبعدين تحول

    والبعض يقول تجيب قبول من جامعة ثم تعرضه علي المشرف قبل الذهاب لدولة الدراسه وهو يغير تخصصك وكيف اجيب القبول اهي اهي حوسه

    طيب القبول في الانقليش انا اجيبه والا المسؤلين عن البعثه هم اللي يجيبونه

    انا مابغى ادرس الا ماجستير انقليش وبس

    وبعدين جواز السفر والفيزا بالذات اسويهم انا بنفسي واطلعهم الان والا ادارة البعثه تتكفل بكل شي يعني هم اللي يطلعون لي الفيزا والا كيف ؟؟

    ومتي اطلعها الحين والا بعد التقديم اهي اهي يمين بالله اني ضايع

    تكفوووووووووون افيدوووووني

    ابي معلومات من الالف الي الياااااااء الله لا يهينكم والله اني مادري وش الطبخه

    ممكن شرح وافي والله يوفق من يرد علي ويتحملني في اسألتي ويسعده دنيا واخره يارب
  2. جزاك الله خير
    هات اي معلومة يارجال تنفعنا

    وبعدين ودي اعرف الحين اختبر اختبار التوفل والايلتس ؟؟ ضرووري اختبرهم

    واي واحد اختبر فيهم اذا كنت ابغي امريكا بلييييييييييز هيلب ؟؟؟ اهي اهي
    7 "
  3. انا نفس حالتك
    سمعت انو قبل مااقدم على البعثه لازم اجيب قبول من الجامعه اللي ابغى ادرس فيها ؟؟ هل هذا الكلام صحيح ؟؟
    والا اكتفي بالتسجيل على البعثة واحدد الدول بس وباقي الاجراءات من قبول وتسجيل بالجامعه الوزارة متكفله فيها علما باني مستوفيه بشروط المرحلة الثامنه

    أرجو افادتي جزاكم الله خير
    7 "
  4. طيب يا مستر انت و الانسة هنوو اسمعوني كويس

    طبعا كخريجين لغة انجليزية مثلي مثلكم و ناوي اطلع ماستر ع المرحلة 8 و من خلال قراءتي اقدر افيدكم بالتالي:

    1- اهم شي شوفوت شروط البعثه لو منطبقة عليكم بالكامل فـ مبروك البعثه.. وتقدروا تشوفوا اعلان المرحلة 8 + شروط الماستر هنا
    إطلاق المرحلة الثامنة لـ “الابتعاث الخارجي” في 2 رمضان بـ 19 تخصصاً

    2- التقديم راح يفتح ان شاء الله يوم 2 رمضان يعني بعد 11 يوم جهزوا معلوماتكم الاساسية.. ولو قدرتوا تجهزوا الجواز في هاليومين افضل
    مع انكم ما راح تحتاجوه وقت التسجيل المبدئي لكن ضروري وقت التدقيق واللي راح يكون بشوال تقريبا ،،الجواز ما ياخذ ساعتين و يطلع.. و التكلفة 150 ريال .. مدته 5 سنوات.

    3- ضبطوا اوراقكم (وثيقة التخرج + سجلكم الاكاديمي ولازم تكون مترجمة ومختومة) + التوصيات + جواز السفر .. و هذا الرابط يفيدكم بكل ما تحتاجوه من اوراق
    http://www.mbt3th.us/vb/forum163/thread367855.html

    4- فيما يخص التخصص .. وقت التسجيل المبدئي راح نقدم ( تسويق ) ومن ثم نقدر نغير التخصص في بلد الابتعاث ان وصلنا هناك لاي تخصص انجلش بالماستر سواء لغويات ادب الخ
    ولا احد يدور ترجمة لان دورت و حست مالقيت بجامعات امريكا للاسف ..يمكن جامعتين وشروطهم صعبه :/ ،، عندكم TESOL - Linguistics -Literature و الجامعات كثير.

    5- أختبار التوفل / الايلتس يمكن تأجليه عند الوصول لبلد الابتعاث .. بس لو اختبرتوه الحين كتجربة لا بأس في ذلك .. و ان اختبرتوه برا في بلد الابتعاث الملحقية تعوضكم رسومه
    علما ان قيمة التوفل حول 850 و الايلتس مو بعيد عنه ينقص 50 او 25 .. اما هنا ما راح تعوضكم الملحقية قيمة الاختبار.

    6- لو كنتوا تفكروا بالدخول للماستر ع طول دون الالتحاق بمعهد للغة لازم تكونوا مختبرين توفل/ايلتس و تدورا جامعات تقبلكم من الحين (و انا افضل الواحد يدخل معهد بالبداية افضل بحيث يستفيد اكثر)
    + على مهله يدور الجامعات و يجهز نفسه للتوفل علما ان دراسة المعهد تكون سنة وفي امكانية تمديدها لـ6شهور (كطلاب انجلش ما اتوقع نحتاج هالمده كلها ومن الممكن وقت دراسة المعهد الواحد يحضر نفسه للتوفل يعني وقت ما حسيتو انكم جاهزين للاختبار اتوكلوا ع الله سواء بعد شهر شهرين 3شهور من دخول المعهد الخ).. و ان جبتوا الدرجة المطلوبة ابدأو دوروا فالجامعات ... و الماستر سنة ونص -سنتين.

    7- علشان تريحوا انفسكم ابدأو البحث في المعاهد من الحين علشان وقت ما تطلع اسماء المقبولين راح تطلبكم الوزارة باسماء 3 معاهد اخترتوها علشان يعطونكم الضمان المالي
    بحيث تقدرو تستخرجو فيزا الدراسة الخ الخ الخ من باقي الاجراءات. (الوزارة مالها دخل في جلب القبولات .. كل طالب يدور الولاية الانسب له و هذا الافضل)

    سمعت انو قبل مااقدم على البعثه لازم اجيب قبول من الجامعه اللي ابغى ادرس فيها ؟؟ هل هذا الكلام صحيح ؟؟
    لا مو صحيح .. اهم شي بعد ما تطلع الاسماء ان شاء الله .. تحاولي تدوري قبول للمعاهد فقط و ما يتطلب كثير غير انك تشوفي الولاية اللي تناسبك
    + المعهد و الافضل يكون معهد تابع لجامعة مو معهد تجاري .. ولا وصلتي هناك ادرسي بالمععهد و خلال دراستك ابدأي و دوري قبول جامعة للتخصص اللي تبغيه
    لان قبول الجامعة شوي مشششوار و شروط و توفل الخ مو سهالات زي المعاهد ..

    8- اقرأو عن الدولة اللي حابين تروحوها وهنا ملتقيات الدول .. مع العلم ان بريطانيا + استراليا مغلقة (لايمكن الابتعاث لها) عندكم امريكا و كندا.
    http://www.mbt3th.us/vb/forum.php

    9- انصحكم بهذه المواضيع و القراءة فيها:
    http://www.mbt3th.us/vb/forum163/thread339826.html
    http://www.mbt3th.us/vb/forum8/thread297447.html
    http://www.mbt3th.us/vb/forum163/thread368024.html
    http://www.mbt3th.us/vb/forum163/thread371026.html

    اخيرا:

    القراءة في المواضيع المطروحة هنا .. يومين بالضبط و انا اضمن لكم تلقوا كل شي تبحثوا عنه ،، أي استفسار حياكم ..
    و بالتوفيق للجميع
    7 "
  5. جزاك الله خير
    انا اشهد انك كفيت ووفيت
    الله يوفقك دنيا واخررره
    ودي ابوسك ياشيخ اخ بس ليتك عندي <<< دعابه دعابه

    وان شاء الله نكون من المقبولين ونتعرف ع بعض اكثر وندرس سوا بأذن الله
    وتشكر ع مجهودك
    7 "
  6. ^
    يخليك ربي ،، و ان شاء الله تتسهل امورنا كلها

    و الله شوف اغلب الجامعات تمشي بنظام البرقراف .. اما نظام الجداول هذا عندنا بالسعوديه...
    وفي جامعات حتى لو اعطيتهم التوصيه راح يراسلوا الدكتور و يطلبوا منه يعبي نموذج معين خاص بالجامعة اللي برا
    و كل ما كان معدلك عالي كل ما كان امور قبولك سهالات و التدقيق في بعض الامور اقل ... عموما حاول تروح الجامعة و تدبر لك توصيات مكتوبة و خذ قد ما تقدر و صور و ختمها طبق الاصل
    و خذ ظروف من الجامعة و ان ما عطوك اشتري الظروف الصغار و طبق الورقة و داخل الظرف و ختم ع الظرف .. حط ببالك كل جامعة راح تقدم عليها
    تحتاج (صورة سجل اكاديمي مختوم طبق الاصل "و لو قدرت تاخذ حول 8-10 نسخ للسجل الاكادييمي اصلية يكون افضل" + شهادة مختومة طبق الاصل + 3 الى 4 توصيات)
    عاد انت احسب كم عدد الجامعات اللي ممكن تقدم عليها و شوف كم تحتاج من توصية // و لاتنسي السجل الاكاديمي + الوثيقة + التوصيات تكون بالانجلش ومختومة ختم انجلش يكون افضل

    و بالتوفيق
    7 "
  7. الله يعطيك العافيه
    اما عاد اثار فيه تقديم ع اكثر من جامعة هذي والله الحوووسه
    طيب كيف نراسل الجامعات ونجيب القبول
    والا ادارة البعثه تتكفل بذا الموضوع

    يالله سترك يارب وتوفيقك لي وللمتقدمين

    يالربع اللي عنده خبره يفيدنا بعد

    وتشكر ياهيكرووو لبى قلبك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.