الدكتوراة في العلوم الإجتماعيه !

طيب الحين طلعنا الجامعات
ادخلي جامعه جامعه من قوقل وشوفي اذا فيه القسم اللي تبيه وكم طالبين درجات وشي شروطهم
انسخي اسم الجامعه وحطيه بقوقل
طيب بتطلع لك صفحه قوقل وفيها اسم الجامعه وعناوين كثيره ...تحت اسم الجامعه اول رابط اضغطي على ترجم هذه الصفحه
اوك
تدخلين الموقع تلقين فوق او على جنب مكتوب ادمشن او اكاديمي بالانقلش والباقي مترجم اهم شي حوسي فيه لحد ماتطلعين شروطهم
بالمعدل وشرط التوفل والجيمات
وخلي عندك دفتر وسجلي كل شي بهالجامعه
اوك تمام؟

من بدايتها لازم تبحثين وتقرأين لان الموضوع معتمد عليك سوا هنا وإلا هناك والمشوار قدامك طويل .... عندك بحث عن جامعه لتخصصك وأفضل معهد وإجراءت الابتعاث من ملتقى وفيزا وقرار ابتعاث الخ
واذا سافرتي عندك السكن وفتح ملف وحساب في البنك وتأمين وووووسوالف كثيرة لازم تكونين مستعده لها يا أسلمية <<<< مشوار طويل بس نتيجته حلوه والحمدالله كل شي متوفر لنا اليوم وينك عن اللي راحوا لامواقع ولا نت بس بإصرارهم وعزمهم حققوا اللي يبون وحنا أحسن منهم إن شاء الله

اللي عليك الحين زي ماقالت لك بنية البحث عن تخصصك في الجامعات

هذا رابط الجامعات الجامعات الموصى بها وحطيت أسم تخصصك في البحث وإنتي كملي البحث لأن مسارات تخصصك كثيرة وبعد كذا
شوفي المعهد التابع لجامعتك أو معهد في نفس المدينه وقريب من المدينه الجامعية وفي تاريخ ٩/٢ سجلي وبعدها بنتعاون في الخطوات الجايه



الله يوفقك ويوفقنا يارب

يؤؤؤ كتبت رد طويل وانمسح
المهم
نجي للخطوة الثانيه
انسخي اسم الجامعه وحطيه بقوقل واذا فتحت صفحه قوقل بالجامعه قبل ماتدخلين على موقع الجامعه فيه مكتوب تحت العنوان ترجم هذه الصفحه اضغطي عليه
بيدخلك على موقع الجامعه
في موكتوب فوق او على جنب ادمشن او اكاديمي بالانجلش والباقي بيطلع مترجم ادخلي عليهم وشوفيهم واقريهم
وتاكدي انه قسمك موجود ودكتوراة
وشوفي شروط المعدل
والتوفل وكم الدرجه
واذا مطلوب اختبار الجيمات وكم الدرجه
ووين موقع الجامعه تلقينه تحت اخر الصفحه باي ولايه
وكذا لحد اخر جامعه
وسجلي كل شي بدفتر ويكون مرتب علشان ترجعين له وماتلخبطين
اوك
واااضح؟؟؟

طريقة تغيير عنوان موضوعك

إعملي تعديل مشاركة بعد ذلك إنتقال للوضع المتطور ثم غيري العنوان ,,,

السلام عليكم ورحمة الله وبركاته

موضوعك يااسلميه جاء بوقته

انا مثل حالتك بالضبط وابي اتخصص بتخصص اجتماعي ( خدمة اجتماعية )

وكنت شايله هم التخصص بالتسجيل في البرنامج

بس متخوفه من نقطة

اني لسا باقي لي ترم واخلص ماستر يعني ب 15 يناير بخلص وعلى ماتطلع الوثيقة يمكن نكون في فبراير

ومحتارة اقدم الحين والا بعدين مع ان ودي الحين قبل لا يرتبط المحرم بجامعة

ومن ناحية الجامعات اللي باأمريكا اقوى جامعة ( جامعة نيويورك ثم جامعة بوسطن ) من كل النواحي

وانا ودي بأحد هالثنتين لان اعتمادتها كثيرة وفيها تخصص دقيق للمجال اللي حابه اكمل فيه

المعروف إن وزارة التعليم العالي لاتمنح الطالب مقعدين ولكن هذا لايمنع من المحاولة وتفضلي هذا الرابط يمكن تستفيدين http://www.mbt3th.us/vb/forum163/thread375259.html
ومن ناحية الجامعات أختيار موفق ومن الأفضل إن الطالب يختار أقوى الجامعات ...

بالتوفيق يارب

بريطانيا مقفله الا اذا كان لك مرافق هناك يتساهلون معك

الخطوة اللي بعد كذا
اذا خلصتي من الجامعات وشفتي اللي يعجبك وتقدرين على شروطهم
شوفي مواقع الجامعات باي ولايه واطلعي على الامان والموقع الولايه او المدينه
وفي موضوع مثبت للاخ عبدالله العتيبي حلو اطلعي عليه وكذا موضوع له
وبعده بيصير عندك كذا جامعه ابدي راسليهم وانتظري يجيك القبول
ووممكن يجيك قبول من كذا جامعه ابدي قارني بينهم وارسي على جامعه وابدي معه
هذا بالمختصر
يالله عاد ورينا همتك شوي
واي سؤال ان شاء الله نفيدك فيه
وان شاء الله يجيك القبول وتدعيلنا

وخلو هذا تجمع
وغيري العنوان علشان مايتقفل
واكتبي ولا عليك امر تجمع دكتوراه علوم اجتماعيه
وبالتوفيق لكم
والله يكتب لي ولكم البعثه