تجربتي مع المرحللة السابعة - من الى - كطالب بكلوريس .. اسئله .. مشاكل
تجربتي مع المرحللة السابعة - من الى - كطالب بكلوريس .. اسئله .. مشاكل
تنبيه: هذا الموضوع قديم. تم طرحه قبل 4273 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
7 " - ايه نعم الفيزا هي التاشيرة F17 "
موب لازم الحين بس الافضل تكون معك بشهر ذي القعدة قبل السفر بشهرين يعني ( اذا كان ودك تطلع على بداية جنوري ) بس الاهم منها قبولك لازم توفرة بالاول
حاليا مافي اجراءات - باذن الله انا حاط ببالي ابتعاث ، ورايح علوم طبيه وبكّمل علوم طبيه! "اشعه بالتحديد" ..7 "
لغتي الحمدلله تمام! بس حبّيت اسألك عن امور مالقيت حد ثاني اسأله اياها!
المكافأه الي يعطونك اياها .. هل تكفي ولا تحتاج مساعده من الاهل كل كم شهر؟
غير كذا بما ان لغتك جيده ماشاء الله وجبت 7 بالايلتس وهالشيء يعتبر عالي نسبياً ، ليه اخذت 4 شهور ع ماتخلصها؟
هو اجباري انك تدرس 4 شهور عالاقل؟ لو لا ممكن انّك تعدّي سنة الانقلش؟
السكن .. كيف مع السكن؟ انت مع عيلة "homestay" ولا رومميت ؟ ووش الافضل والارخص وكيف تسوي اجرائاتهم؟ "عطنا نبذه عن السكن بشكل عام فضلاً وليس امراً"
اختيار المعهد والجامعه مقلقني .. هل لازم المعهد الي اختاره يكون تابع للجامعه الي بدرس فيها بعدين ؟
وقبول الجامعات صعب ولا يبّيله شغله كمان ؟
شكراً لك. -
باين عليك ما شاء الله مهتم
المكافئة 1847 دولار بالضبط تكفيني واوفر منها بولايتي حدود 500 دولار شهريا مع البذخ
صادق انا اختبرت قبل لا اطلع وجبت 6 وما كنت محتاج ادرس لغة .. جلست 4 شهور لسببين اولا حبيت اتاقلم على الجو والدراسة .. شعور جديد لحالك وبغربة والسبب الثاني ان الراتب ما بنقطع ( بحيث انك تاخذ اجازة 3 شهور وترجع تكمل جامعة ) اشرح لك زود
مثلا لو خلصت بشهر 3 وباخذ اجازة 3 شهور .. تكون تنتهي بشهر 6 والفول يبدا ب 8 .. ف ماسمحولك تاخذ اجازة ويعطوك تاجيل بعثة بدون راتب طبعا
اللي انا سويته خلصت ب بنهاية 3 وجلست لين نص 5 وطلبت تذكرة بحيث تكون الفترة 3 شهور .. ووافقو والحين باجازة ويمشيلي الراتب
^^ اتمنى تكون فهمت ( والاشهر بالميلادي )
والدليل اني يوم جيت المعهد واختبرت البليسمنت جبت درجة حلوه ويوم جيت اطلع نقصت عنها بدرجة < هههههه لحد الحين ما اعرف كيف
اقدر ااكد لك ان الاكسنت تحسنت بشكل رائع
^^ هاذا اللي استفدته بهالفترة
اختيار السكن على حسب راحتك انت .. فيه موقع يساعدك وومتاز
Craigslist
سكن العائله بالعاده ينسق مع المعهد او الجامعة
الدورم او سكن الجامعة تنسق معهم برضو
اما الشقة فانت تتحمل كل شي
طبعا الاسعار تختلف باختلاف الولاية والمنطقة .. اللي افضله انا سكن العائله اول شهرين وبعدها تدور على راحتك .. اذا انت شخص تحب الاستقلال تدور بعدها عن شقة لك او تشوف الدورمز .. او تكمل مع العائله
بخصوص فترة اللغة وهال لازم تدرسها .. ما ادري بصراحة .. واذا انت خايف تضيع سنة من عمرك ف ما اعتقد انها بتكون خسارة ولا تنسى انك بتطلع على جنوري وهاذا ابكر شي .. بيكون قدامك 8 شهور على الفول استفيدها باللغة
موب لازم يكون تابع لها بس الافضل يكون عشان ما تنقل بعد مرحلة اللغة
اما بخصوص قبولات الجامعة ف تختلف من جامعة لاخرا بشكل عجيب جداااااااا
جامعات متساهله تقبل كل اوراقك سكان والامور تمشي تمام .. تجيب القبول باسبوع
وجامعات متوسطة تطلب الاوراق ( نسخ مصدقة ) عبر البريد ودرجة الايلتس ترسل دايركت من مركز الاختبار وتاخذ شهر .. الديد لاين يختلف
وجامعات قوية تطلب شهادات الثنوية مرسلة من ثنويتك بالمملكة بضرف مختم دايركت للجامعة !! وتاخذ 4 – 5 شهور .. والديد لاين بالعادة يكون بشهر 2 -3 ميلادي
وجامعات قوية جداا تطلب اختبارات امريكية ( زينا تحصيلي وقدرات ) وايسيات ومقابلة .. وتاخا 6 او 7 شهور اقل شي .. والديد لاين يسكر قبل الدراسة بسنة !!!
امنى اني جاوبتك عن كل شي
واذا عندك استفسار ثاني تفضل -
7 " - اخوي متأكد انه هذي السنه هم الي بيختارون لنا معاهد اللغه؟؟7 "
كيف قبولات الماستر صعبه او لا ووش اكثر الجامعات يطلبون؟؟؟؟ شهادة البكالريوس ووش؟؟ - ماني متأكد بصراحة بس هذا اللي سمعته7 "
يطلبون
درجة البكلوريس
درجة اختبار اللغة ( سواء ايلتس او توفل )
GMAT
بعض الجامعات يطلبون الخبرة اذا كنت موظف << موب لازم بس يفضل تقدمه لهم اذا عندك
وبس - صادق انا اختبرت قبل لا اطلع وجبت 6 وما كنت محتاج ادرس لغة .. جلست 4 شهور لسببين اولا حبيت اتاقلم على الجو والدراسة .. شعور جديد لحالك وبغربة والسبب الثاني ان الراتب ما بنقطع ( بحيث انك تاخذ اجازة 3 شهور وترجع تكمل جامعة ) اشرح لك زود
مثلا لو خلصت بشهر 3 وباخذ اجازة 3 شهور .. تكون تنتهي بشهر 6 والفول يبدا ب 8 .. ف ماسمحولك تاخذ اجازة ويعطوك تاجيل بعثة بدون راتب طبعا
اللي انا سويته خلصت ب بنهاية 3 وجلست لين نص 5 وطلبت تذكرة بحيث تكون الفترة 3 شهور .. ووافقو والحين باجازة ويمشيلي الراتب
^^ اتمنى تكون فهمت ( والاشهر بالميلادي
)
حركة رهيبه! اي احد يقدر يسويها؟ لأن اعتقد ان كل الجامعات تبدأ بنفسك الوقت؟ والي هو عالفول؟ فيعني حتى هالسنه لو بيطّلعوها ع شهر 1 نقدر نسويها؟
كيف الوضع هناك اول مارحت؟ انا شخصياً لغتي الحمدلله تمام واختبرت اختبار دولي وجبت فيها مايعادل 6+ بالايلتس ..
وطبعاً كثير قالولي لو قدرت عد السنه التحضيريه بس فكرتي زيّك بالظبط! اني اروح وع ماأتعود عالوضع هناك .. وبرضو ابغى احسن اللسننق والاكسنت حقي ..
برضو سؤال خارج عن الموضوع شوي , وش سويت بالفتره بين من لما خلصت المعهد والى مارجعت بلدك؟
> سؤال احترت كان اسأله او لا! بس العلوم الطبيه " الأشعه" وش رايك فيه عموماً؟ مستقبله؟ هل تنصحني بشيء مشابه له افضل منه مستقبلياً؟ لأن انا ببداية هالاجازه قرأت وسألت واستشرت كثير! رسيت على التخصص هذا صراحةً! بس برضو ماعرف كثير عن المستقبل , فأخاف ادخل شيء ومستقبلاً اضيع.. اي نصايح؟
لما تكون مع عائلة, هل هذا الشيء يساعدك دراسياً؟ + هم وش الي يتكّلفون به عموماً؟ لأن بصراحة فكرة العائلة كثير داخله راسي...
حالياً بما ان عندي فتره طويلة قبل الابتعاث .. وانا تخرّجت من آخر مستوى بالمعهد الي كنت داخل به.. في نصايح لتحسين اللغه اكثر بما انّي فاضي؟ , الي اسويه حالياً اني اشوف مسلسلات اجنبيه بسكربت انقلش! وهالشيء نافعني كثير, بس عندك نصيحة او اي شيء؟
وبرضو ان مقّرر واخيراً اني ولأول مره بحياتي اشتغل! ابغى اطلّع لي كم قرش كذا قبل ماأبتعث .. منها فايده ومنها تضييع وقت!
فهل بالفتره ذي راح افضى كلياً ولا راح يكون شغله الفيزا والاشيا هذي بتشغلني؟
آخر شيء للآن, ياخي لمّا اروح هناك ماودّي يكون معي سعوديين كثير! لو ولا سعودي بعد يكون افضل ..
وش رايك بالوضع هناك؟ تحس عدم وجود السعوديين والعرب بشكل عام افضل من عدمه؟
شكراً لك كثير! - لازم ايلتس او توفل مافيه قبول مشروط لغه سنه وبعدين ادخل ولا الايلتس لازم في كل الحالتين؟؟7 "
اختبار الجيمات مطلوب من كل الجامعات او فيه جامعات ماتطلبه
؟؟؟؟ الله يعين -
7 "
بشرط يكون عندك قبول بتخصصك الجديد ( هندسة كيميائية )
بخصوص الولايات مقدر افيدك بشي يمكن ما اشوفها حلوه وتعجبك انت تختلف من شخص لاخر
بس اهم العوامل يوم تختار ولاية
1- المعيشة ( الغلاء )
2- الطقس
3- حدد هل تبغى مدينة جامعية او مدينة كبيرة
وحط ببالك انك تختار ولاية بتكمل فيها مرحلتك الجامعية .. مو اذا خلصت اللغة تروح تنقل لولاية ثانية وتبدا من جديد