وش صار لي اليوم في سفارة الظهران
السلام عليكم شباب رحت اليوم السفاره وجيتهم بدري مره وقالوا ما تدخل الا الساعه 7 ورجعت سبع حكم والهندي الي برا اخلاقه حلوه وتخش وتوقف السياره وانتظر لين الساعه 7 ونص ونزلت ووقفت عند الخط الاصفر وانتظرنا في ها الشمس المولعه لين نادوني ودخلت وانواع الحراسه المشدده ولا تصير زيي وتركز وانت تطالع في الحرس وتنكب لين دخلت القاعه وسلمت الاوراق تمام التمام وجتني مشكله في البصمه احد الاصابع قام يستهبل وعيا يقبله النظام وجلست ونادني الامريكي سالني كم سوال مباشر وجاوبت بدون تردد رجع لي الاوراق وقالي معاملتك تحتاج اجراءات اداريه اضافيه وتم قبول التاشيره راح نتصل فيك عشان ترسل الجواز عند انتهاء الاجراءات الادرايه الي قد تاخد من اسبوعين الى شهرين ولا تتصل الا بعد شهرين ادا ما تمت الاجراءات وانا يا شباب اخر موعد لي هو 20 شهر 8 على الاي توني فهل صارت لكم من قبل ووش السواه وشكرا
رد: وش صار لي اليوم في سفارة الظهران
الله يعينك شكلها مطولة انا اشوف الناس بالمنتدى تتأخر فيزهم حتى 5 شهور !!! ويروحون يجيبون اي توني جديد بعد تأجيل الدراسة هالسؤال اطرحه في المرحلة السابعة هذي الثامنة تو الناس
بس عموما الطلاب اغلبهم ماتجيهم مشاكل ..
رد: وش صار لي اليوم في سفارة الظهران
الله يستر الله يستر بس كاني خايف وشايل همها في نفس الوقت
رد: وش صار لي اليوم في سفارة الظهران
ليش ماقدمت عالسفارة بالرياض اجراءاتهم سريعة
رد: وش صار لي اليوم في سفارة الظهران
اقتباس:
المشاركة الأصلية كتبت بواسطة رآقي
ليش ماقدمت عالسفارة بالرياض اجراءاتهم سريعة
اخوي انا في الدمام والي في الرياض تجي فيها مشاكل اما الظهران اغلب الناس يعدون وما عليها ظغط على كل حال صار الي صار
رد: وش صار لي اليوم في سفارة الظهران
ياخوي انت تبي تروح بعثه الملك عبدالله ؟؟
^^^ بالعربي ابي اطلع بعثه علي حساب الملك عبدالله اطلع تاشيره من الحين ؟؟
هل التاشيره نفسها الفيزه ولا تفرق