تكفوون ريحوني ابي اسجل بس خايف من....
السلام عليكم ورحمة الله وبركاته
انا خريج هذا العام من الثانوية وودي بالهندسة اولا ويجي بعدها صيدلة طبعا كلهن بامريكا وبما ان الهندسة ماهي موجودة في القائمة انا قلت بروح علوم طبية واحول من هناك لكن خايف اتورط اذا رفضوا التحويل
واصير انبلش بالعلوم الطبية وانا ماابيها فايش تنصحوني اتوكل على الله واقدم على علوم طبية واحول ولا العب عالمضمون وادخل صيدلة
علما باني ابي هندسة مرررره
ارجوكم طمنوني هل التحويل مضمون ولا لا وايش هي الشروط اللازمة للتحويل
رد: تكفوون ريحوني ابي اسجل بس خايف من....
نفس حالتك اخوي :(
ياليت يجي من يفيدنا
رد: تكفوون ريحوني ابي اسجل بس خايف من....
وكمان مكتوب عند موقع الوزارة اتعهد بأن لا أغير التخصص
زادت الحيرهـ
طيب العلوم الطبي لها مستقبل؟؟؟؟
رد: تكفوون ريحوني ابي اسجل بس خايف من....
مشكلتكم هابين بالهندسه مدري على وشو
ترى العلوم الطبية قويه حييل وافضل من الهندسه باشياء واجد
اقلها يمديك تضمن تشتغل جنب بيتكم سواء كنت ساكن بشروره او بالقريات او بهجرة وسط الصحراء
لان الخدمات الصحيه منتشره بارجاء المملكه والنقل فيها سهل جدا وميسر
بالاضافه كونك تعمل في المجال الصحي راح تنفع نفسك واهلك وتكون عندك خلفيه كبيره عن المشاكل الصحيه وحلولها
بالاضافه الى انك راح تتعين على وظيفة اخصائي
اول راتب 12000 ريال
الحين لاتفكرون بهندسه او بغيره
المهم شد حيلك وتجاوز مرحلة االلغة بسرع وقت ممكن
والامور الباقيه تتضح لك بعدين
رد: تكفوون ريحوني ابي اسجل بس خايف من....
مشكور اخوي لكن انا رغبتي هندسة لاني احب الرياضيات وزي كذا
بعكس الاحياء اللي ماحبيتها
معقولة مافي احد يعرف
رد: تكفوون ريحوني ابي اسجل بس خايف من....
والله الحال من بعضو ياعيال
شوفو لنا الحل
رد: تكفوون ريحوني ابي اسجل بس خايف من....
رد: تكفوون ريحوني ابي اسجل بس خايف من....
مالنا غير نشتغل على أمر التحويل
بس أساسا وش التخصص الضعيف الي راح تسجلون فيه ؟
رد: تكفوون ريحوني ابي اسجل بس خايف من....
شباب .. وين مكتوب فيه ..
اتعهد بان لا اغير التخصص
رد: تكفوون ريحوني ابي اسجل بس خايف من....
لقيتها ..
الشكوى لله .. ما لك الا تروح للوزاره .. وتسال عن هالنقطة ..