ممكن تفهموني

ممكن تتخصصين باي تخصص قريب من التخصص حقك يعني ممكن مالية وانا افضلها لك ..

المحرم لازم ان يكون عندك محرم ولا مجال للقبول بدونه .. وعلى فكرة كثير من الطالبات يسجلون محرمهم اخوهم او ابوهم ويسافر معهم اول اسبوعين ثم يرجع للسعودية ولا فيه اي اشكال ..

اما بخصوص القبول والسكن الخبرة فيهما ليست مهمة الان .. وقت القبول والتقديم حتكوني فهمتي كل شي .. المهم سجلي في البرنامج واقرأي ..

ملاحظة اللي عليك تسوينه الان تسجلين بياناتك وتحطين 3 رغبات دول .. امريكا من رايي الافضل .. وانا برضو محاسبة .. ولازم تختارين التخصص .. واخر موعد للتسجيل هو 15 رمضان

لازم تكونين مستوفية الشروط .. يعني معدلك 3.75 من 5 او 2.75 من 4 .. أو 80% ..... على حسب نظام معدلات الجامعة
ولازم عمرك مايتجاوز 27 سنة .. ولازم يكون تاريخ تخرجك مايكون قبل 5 سنوات ...

ولو انتي مستوفية الشروط انتي مقبولة في البعثة ..

سيتم اعلان الترشيح المبدئي باخر رمضان ..

وبعدها بشوي يعلنون مواعيد لتدقيق اوراقك من وثيقة وسجل اكاديمي وجواز وبطاقة احوال او دفتر عايلة .. واوراق المحرم .. واذا تأكدوا ان كل الامور تمام .. ومعلوماتك اللي حطيتيها صح يقبلونك نهائيًا ..
ويعلنون قبولك نهائيا بعدها بفترة

بعد مايعلنون قبولك نهائيا تراسلين معهد .. (لا يلزمك قبول جامعة .. فبامكانك تجيبين قبول جامعة اذا وصلتي هناك ان شاء الله لك 9 شهور في بلد الابتعاث تراسلين جامعات ^_^ )

طبعا قبول المعهد يختلف من واحد لاخر بعضها اسبوع والقبول عندك وبعضها شهر ...

لما يجيك القبول تبدأين باجراءات التأشيرة ( الفيزا ) حقت البلد حق الابتعاث ..

ثم يصدر الفيزا ..

وممكن خلال الفيزا او حتى قبول المعهد او حتى بعدهم تحضرين ملتقيات للوزارة مهمة جدًا .. وبدونها قد تلغى بعثتك .. ويعطونك بحضورك ورقة تثبت انكي حضرتي ..

بعد الملتقيات والفيزا .. تروحين تصدرين قرار الابتعاث قبل السفر ب 3 شهور .. ممكن تسافرين علطول بعد الملتقيات لا مشكلة .. وممكن بعدها لك لين 8 شهور او 10 شهور ..

وتاخذين امر اركاب من الوزارة ( تذكرة مجانية )

وتسافرين ..


اللي مفروض تسوينه الحين ..

1- قدمي واختاري 3 دول والتخصص والمحرم قبل تاريخ 15 رمضان .. وهناك موضوع يشرح طريقة التسجيل ..
2-اقرأي في دولة الابتعاث واقراي في معاهدها المعترف فيها تلقينه على موقع الملحقية السعودية في بلد الابتعاث..
3-اختاري معهد ومدينة لين ينزل القبول النهائي لك الفرصة ..
لما يجي الترشيح راح تعرفين من المنتدى كيف توصلين هناك وتعرفين انتي مرشحة او لا
لما يجي التدقيق راح تنزل شروحات وامور كثيرة تفهمك
لما يجي كل خطوة بيجون ناس يشرحونها

كما بإمكانك مراسلتي على الخاص فيما لو كان لديك اسئلة اخرى ومن الممكن ان افهمك امور كثير بإذن الله .. وانا مستعد للتواصل مع اي شخص يرغب في ان يسأل حول الابتعاث واجراءاته والتخصصات والدول او امريكا بالذات ..

اخوي شاي ماقصر

بس ترى المحاسبة اشوف عليها طلب احسن من الماليه

وحتى بامريكا معروف انها افضل وقبولها اصعب بحبتين من الماليه

انا زيكم خريج محاسبه وانشالله بكمل فيها

بالتوفيق

موووفقه
دعواتك لي بالقبول

رد أفادني كثير جزاك الله الف خير

ادري ان المحاسبة افضل وانا محاسبة ترا تخرجت من جامعة الملك سعود ... لكن البنت تقول ماابي اكمل في نفس تخصصي فقلت لها لو ماتبين تخصصك خذي مالية

الله يعطيك العافيه شاي ويسهل دربك كفييت ووفيت لكن مازلت محتاجة معلومات اكثر عن الدول اهم شي عندي الامان وانه مايكون فيه عنصرية
مره محتارة وللحين ماسجلت طلبي لاني محتارة في الدولة