تجمع طلاب كندا ( المرحلة 8)

اخواني المبتعثين والمبتعثات المعاهد التجارية كويسة فقط للطلاب اللي انجليزيتهم صفر والمعاهد هي

ilac
ilsc
canadian collage
globall volage
جيوس

في كثير من الطلاب يقولون اول ما اطلع كندا ابدي ادرس انجليزي وخلال سنة ونصف اجيب الايليس وللاسف مايتوفقون لانهم ضيعوا كثير من الوقت ممكن ٦ او٧ اشهر في المعاهد التجارية لان معاهد الاكاديمية ما تقبل الطلاب اللي ماعندهم اي خلفية عن الانجليزي او بالعامية ميح او ابيض

في يا اخواني واخواتي طريقة مميزه انا قريتها قبل كدي من قبل احد الاخوان قال

من اول يوم يقدم الشخص للبعثه اللين ما يوصل بلد الابتعاث فيه قريب ٦ اشهر او اكثر لو افترضنا ان المده ٦ اشهر فقط و جينا وحفظ الشخص كل يوم ٥ كلمات تعال وشوف كم كلمة يكون حافظ

٣٠* ٦ = ١٨٠ يوم

١٨٠ * ٥ = ٩٠٠ كلمة يكون الشخص حافظها قبل ما يجي على بلد الابتعاث

ثانيا حاول انك تقرأ نصف صفحة انجليزي كل يوم فقط لا تعمل عنتر وتقرا ٢٠ صفحة اول يوم يسير تبطل القرائه من ثاني يوم

والله بالطريقة هادي كل واحد بيوصل على كندا وانجليزيتوا فوق المتوسط وخلال السنة الاولي بيجيب اللغة اتمنى ان تكون الفكرة وصلت

ما أحلى هذا التجمع والمشاركة , بإذن الله نفيد بعض ,,
وانا جديدة عالمنتدى وقدمت على الابتعاث واخترت تسويق بكندا كرغبة اولى .. فسؤالي كيف اعرف أني انقلبت ؟؟ لحد الان ماجاني مسج
وشي تاني اللي هو (( كيف تخصص تسويق هل له مجال عندنا بالسعودية ؟؟ ))
وكمان أبغى وحدة مقدمة على نفس التخصص بكندا أتواصل معها لأني ميح مضيعة شوي !!
ووو سلامتكم ....

اختي نزلي اسالتك وان شالله نقدر نجاوبك

ممكن توضح اكثر .. لية ما أعطوها قبول وهي جايبة الدرجة المطلوبة ..
بديت أتخوف من سالفة القبول

ياجماعه

قبول مشروط هل يعني انو ادرس بالمعهد ليفيلز معينه تحددها لي الجامعهو لمن اجتازها ادخل الجامعه بدون ايلتز وبدون توفل ولا ايش ؟؟

ايه تدرسي مستوي معين ياهلك لدخول الجامعه

بس اهم شي شوفي الجامعه المناسبه لك

الاخ طموح الله ينور بصيرتك على المساعده

طيب بعد اذنك , القبول اللي بأيلتز وتوفل ايش اسمه ؟؟؟

- - - مشاركة محدثة - - -

يااصدقاء , هدا الرابط يساعدنا في المعلومات اللي نحتاجها للمدينه اللي نبغاها

http://www.city-data.com/canada/index.html

اشكرك ( جامعي طموح 88 )
سؤالي .. كيف اعرف أني انقلبت بالابتعاث لانه ماجاني رد هل قبلت ام لا ؟؟
سؤالي الثاني .. اخترت ماستر تسويق وانا تخصصي جغرافيا .. هل له مجال بالسعودية لأني قرات انه ماله مجال عندنا بالسعودية ؟؟
وسؤالي الثالث .. كيف اختار الولاية والمعهد والجامعة ومتى يطلبوها مني مركز التدقيق ؟؟
وشكرااااا مرة اخرى

اول حاجة مشكورين على هذا الموضوووع صراحة جاء في وقته ,,يعطيكم العافية

انا ابغى UOIT بكالوريوس في لندن اونتاريو ...تخصص علوم طبية اما المعهد Cultureworks
لكن سؤالي فهو هل لودرست مايكروبيولجي اقدر اكمل نانو ولا ؟؟؟

بنات , شباب

بقولكم شيء

نحنا تخصصاتنا مختلفه فممكن مانقدر نفيد بعض كتير من ناحيه التخصصات وتفرعاتها الدقيقه , متلا انا تمريض , لو سألت احد هنا عن الجامعات اللي تدرس تمريض بيقولوا جامعه كدا وكدا وكدا

بس هل التخصص الدقيق اللي انا ابغاه موجود في هدي الجامعه ؟؟ ماراح احد يعرف الا الين ماابحث انا واقرأ التخصص الموجود ايش .

فالطريقة الانسب للبحث عن الجامعه هو انت بنفسك وعن طريق هدا الرابط

http://ru.mohe.gov.sa/Must_Read.aspx?url=%2funiv.aspx%3fuc%3dsearchbynam e%26q%3d%26cid%3d47%26kid%3d2%26ctid%3d0%26sid%3d% 26sname%3d%26catid%3d0%26certid%3d4%26stid%3d0

كندا , اسم المدينة والجامعه نسيبه فاضي لو كنا بنبحث في كندا كووولها , نوع الجامعه حكومية او الكل عادي , وضع الجامعه غير موقوفه , اسم التخصص الدرجة العلمية على حسب بياناتكم .

تطلع لكم الجامعات ابحثوا فييها مقسمه على 6 صفحات تقريبا

لمن تدخلوا على الجامعه دوروا كلمة prospective student , future student , international student

وادا مالقيتوا وحده من الكلمات دي دورو كلمه programs , courses

وحددو المرحلة undergraduate <<< للي يبغا يدرس بكالوريوس
graduate <<< للماجستير والدكتوراه .

بعدين ابحثوا عن تخصصكم حتلقوا تخصصكم بشكل مفصل وبتلقوا كورسات تندرج تحت تخصصكم فبيكون عندكم الخيار انو تختاروا دي الجامعه او ماتختاروها

كتير من جامعات كندا تدرس تمريض بس لمن بحث للتخصص اللي انا ابغاه مالقيت ولا جامعه تدرسه

دورت لتخصص تاني لقيت جامعه وحده بس تدرس هدا التخصص , ولقيت تخصصات جديييده في التمريض ماقد سمعت بها .

فهمتوا كيف انو بالبحث تكتشفوا تخصصكم اكتر وتحددوا الجامعه بشكل ادق ؟

كل يوم امسكوا خمسه جامعات وشوفوا هل تخصصكم موجود في هدي الجامعه ولالا

وكل ماتلقوا تخصصكم موجود دونوا

- اسم الجامعه

- متطلبات القبول في الجامعه

-متطلبات القبول للانقلش زي درجة معينه في التوفل او الايلز

- متطلبات التخصص احيانا تطلبه الجامعه واحيانا لا متلا متطلبات التخصص حقي انو يبغوا اجيب لهم بطاقه مزاوله المهنه من عندهم من كندا

- اسم المنطقه و الولايه اللي هيا فيها

اعملوا جدول كداا


اسسسم الجامعه ,,,,,,, وجود التخصص ,,,,,,, الولاية ,,,,,,,,, المنطقه,,,,,, متطلبات القبول,,,,,متطلبات اللغة ,,,,, متطلبات التخصص



الييين تخلصوا كوووول الجامعات الكندية المعتمدة , تقريبا تحتاجوا من 10 الى 15 يوم

صار عندكم عدد معين من الجامعات ولنفرض عشر جامعات تدرس التخصص المطلوب

تروحوا تقروأ عن كل مدينة : المعاهد المتوفرة فيها ومناخها وناسها وسعرها ومساكنها ومواصلاتها

والاسلام فيها وكووول شيء , بعدها رح تقدروا تحددوا بوضوح المنطقه والمعهد والجامعه وتقررروا

حتروحوا على فين .

عشان تلقوا مواقع عن المناطق المرغوبه ادخلوا قوقل واكتبوا .......(اسم المنطقه )..........city of

وغالبا رح يطلع لكم موقع فيه المنطقه ومعلوماتها بالتفصيل زي كدا

http://vancouver.ca/

http://www.citywindsor.ca/Pages/Home.aspx

كمان من موقع مبتعث من قسم كندا زي هدا الموضوع

http://www.mbt3th.us/vb/forum93/thread45392.html


وبالتوفيق للجميع .