للبنات بس,, وش أفضل مدينة وأفضل معهد ما فيه سعوديين كثار, واقدر اخذ راحتي

طيب االجو شلون ومعاهد اللغه شلون بعد تابعه للجامعه ؟
وبالنسبه للحجاب شلون الوضع في منقبات او محجبات كثير اولا ؟
والامان درجته كيف
وايضا والاهم ايش افضل التخصصات الي في جامعاتها عشان يكون عندنا فهم كامل عنها المدينه
يعطيك العافيه اخوووي افيدنا لاهنت اكثر

انا شفت بعض الردود .. وجيت بكتب ردي على طول ..
في بنيه وكم وحده .. كلامه صح .. اما زين واضح انك ما قريت الا رد فوزا ..

اخت رشا .. قسم بالله .. لو بتروحين سطح القمر بتلقيين سعوديين ..
خلي عنك ابي ولايه ما فيها سعودين .. ما اشتيكتي من شي الا ومتعبك هنا ..
وكيف لو رحتي هناك .. اذا ما تبين احد يحتك فيك .. جيبي احد من اهلك وخليه معك .. ولا خلي اهلك يزوجونك ..
لا تجلسين تتشرطين .. هذي دراسة موب لعبه .. ولو انك جيتي تدرسين .. ما كتبتي هالموضوع ..
وبعدين يا رشا انا مابي سعوديين .. تدرين ليش ..؟
لاني ابي اتعلم بسرعه ..

بعيدا عن الموضوع ..
لا احد يقول بتزوج مبتعثه .. ولا تبي ولايه مافيها سعوديين .. يا عالم .. كلام الفاضي ذا .. اتروكوه ..
خلوا فكركم ارقى من كذا .. حتى اتفه الامور مكبرينها .. استغفر الله بس ..
خلونا ندور ولايه كويسه .. وفيها شي كويس .. يفيدنا ..
وبعدين لا رحنا هناك .. فكروا بالتفاهة ذي ..

اشبكم تضاربتوا ؟

خوفني كلامكم خاصة اللي كتب عن الجرائم بامريكا الله يحفظنا

بالنسبة لكلامك انا صراحة أتمنى الاقي سعوديين كثير ولو انو يقولوا الافضل انو مافي عشان نتعود ع اللغة بس ارتاح لما اشوف مسلمين معي

افضل ولاية هي ولاية كاليفورنيا يدرس فيها اخوي وانا باذن الله باروحلها وبيوصلني ابويا اذا ارتحت كملت واذا لا رجعت < شايفه قد ايش انا جبانه اخوي هناك وباخلي ابوي يجلس معي ههههههه

ما أدري صراحة كيف بتجلسي لوحدك بس انا اسمع انو قروبات بنات يكونوا بدون محرم يتعرفوا ع بعض ويعينوا بعض

ومن ناحية المضايقات خخخخخخ خوفتيني الله يهديك بس اخويا يقول انو مرة وحده ضايقها واحد اجنبي وكل يوم يجي عند بيتها واتصلت ع الشرطة وبلغت وتقول من يومها ماشافته

يعني أمان الحمدلله واذا ع السعوديين تشتكي ع الملحقية زي ماقالوا بعض الاخوان

وآسفة على الاطالة

ماعليك رشرش انا بعد بابا بيقعد معي فتره همن احتمال كبير بيسحب علي
فوقتها اذا تبين نعيش سوا وبيني وبينك انا بنت بين ٩ اولاد اخوان يعني يسموني بالبيت ام العيال واحبهم اكثر من البنات ولا تخافين راح احميك منهم




^ ياخوفي انا وانتي نهايتنا برنامج ٩٩ وجايبيننا حاله ومغبشين وجيهنا

ههههههههههههههههههههههههههههههه ستيف اوستن مو سمسم
الله يوفقك يارب

اولاً اسلوبك وضيع جداً و اعتذر عن الحديث معك .. للأسف شهادة الماجستير او البكالوريوس اللي من برا مابتفيدك كثير .. الله يهديك

اولاً العذر لتأخري على الرد عليك ولكن يعلم الله من الدراسه ورمضان الله يديمه على الكل
في كوربس كريستي الكثير من اللي تبينه كا بنت سعوديه اولاً عدد السعوديين عدد معقول
لكن هنا لا يخفيك ان المدينه هادئه وفيها اناس طيبين وفيهم بشاشه
لكن عن الجامعه انا لسا ما دخلته ولكن يمكنك تزورين موقع الجامعه وتشوفين التخصصات
اغلب الشباب على الهندسه وهنا الهنسه رغوبه وقويه وترتيب الجامعه عالي لكن ما اذكر كم
عندك التخصص الطبي انا داخل ما قبل الطب تمهيداً للطب ولله الحمد جاني القبول وماشيه اموري
الصرف رخيصه اذا ما تطلعين برى الجامعه مثلي انا ما اطلع يكفيك 400 دولار ويمكن انا مو مقياس لاني انا ما اصرف حيل او اني مع اخوي مدري
يمكن بعد تسكنين باسكن الجامعه وعلى رجولك تروحين للمعهد والجامعه ايضا ما تجي 200 متر ((بحساباتي))
توكلي على الله وتعالي
وعلى طاري السعوديات عندك سعوديات كثير ومن الشرقيه ومن مكه عرفناهم باللهجه ولم نعرفهم كشخصيه الكل محترم

واحب انوه لصاحبة الموضوع لو تجي للمعهد عندي راح تغير نظرته

بس للامانه الكل يقول المعهد مادي وانا اقول المعهد يبي اللي يدرس نقلت لك كلام الطلاب وكلامي

والله يوفقك ويسر لك دربك

أختي بارك الله فيك
اتمنى لكم التوفيق للطلاب والطالبات
انا زوجتي تخصصها قانون وانا مرافق معها إحنا طلعنا على ولاية الينوي اربانا شامبين الولاية جداً جميلة وتعتبر رخيصة والطلبة السعودين والطالبات اللي فيها جداً محترمين وانا والله أنصحك فيها في كثير من الطالبات الموجودات هنا بالولاية ماخذين راحتهم وانا وزوجتي ندرس بمعهد الجامعة والمعهد جداً قوي ومعتمد من الملحقية وايضا الجامعة معتمدة من الملحقية
الجو فيها جداً رائع بالشتاء بارد وبالصيف حار
المدينة مش غالية وقريبة من شيكاغو 3ساعات التنقلات بالباصات متوفر ومجاني اذا انت طالبة بالمعهد او الجامعة

والله شوفي البنت اللي محترمه نفسها

محد يكلمك ولا احد يقولك شي

وانتي حطي انطباع عن نفسك من اول يوم تجي فيها المعهد

وصدقيني السعوديين محترمين .اهم شي فكري في ولايه كويس معهد ممتاز يكون تابع لجامعه مو تجاري ولايه رخيصه ,انا ولايتي غاليه مراا بسبب مافكرت في هذا النقطه من البدايه بتوفيق يااختي

مستر أحمد

الا قريت كل الردود

وكلها غلط في غلط


انا ماقصد بنيه


اقصد الثانين اللي بدووؤا يغلطوا انها استفزتهم
وانهم ماشاء الله اسلوبهم مقنع

اسلوبهم غلط في غلط

لو وضحوا لها الصورة اللي هناك وريحوها بدل هالاستفزاز اللي سووه


مثلك انت وضحت لها الفكرة باسلوب محترم

احيييك على الاسلوب واحترمك بصراحه



لكن الردود الللي قبل الله يحفظنا من أصحابها وأفكارهم