للبنات بس,, وش أفضل مدينة وأفضل معهد ما فيه سعوديين كثار, واقدر اخذ راحتي
السلام عليكم
انا توني مقدمة على برنامج خادم الحرمين,, وبصراحه تعبت ما أدري وين اروح أي ولاية وأي مدينة وأي معهد,,
لاني أنا بطلع أكمل ماستر قانون, وبيجي أبوي معاي مرافق أول شهر بعدين بيرجع وبقعد لحالي, وبصراحه أبي معهد السعوديين فيه شويين عشان افتك من المضايقات الي اسمع عنها من المبتعثات, وبرضه المدينة ما يكون السعوديين كثار,, طبعاً أقصد الشباب العوايل ماعندي مشكله معاهم أبد,,
اهم شي ابيه بالمدينة يكون جوها وسط, اسعارها وسط مو غاليه مره ولا رخيصه تكون مليانه سعوديين,
يعني ابي مكان مره كويس
بلييز عطوني من تجاربكم والكلام الي سمعتوه عن المدن
رد: للبنات بس,, وش أفضل مدينة وأفضل معهد ما فيه سعوديين كثار, واقدر اخذ راحتي
شبابنا فيهم الخير
وان شاء الله ماتجيك مضايقات
واذا البنت ماحترمت نفسها اكيد بتلقى مضايقه من سعودي او غيره
وانتي ان شاء الله واثقه من نفسك واكيد كلنا بنحترم المكان اللي فيه سواء هنا او هناك
واكيد لو سمح الله وصار فينا اي ضرف ماحد بيوقف معنا الا اخواننا السعوديين
لاتفكرين بهالشي اهم شي ولايه فيها تخصصك
والمعهد تقدرين بمجموعه من البنات تطلبون الاداره كلاس خاص فيكم
رد: للبنات بس,, وش أفضل مدينة وأفضل معهد ما فيه سعوديين كثار, واقدر اخذ راحتي
تخصصي الحمد لله في كثير من الولايات,, بس المشكله مو في الجامعه
الجامعة أمرها سهل,, المشكله في المعهد, لأني والله اسمع كلام الناس وشلون المضايقات تجيهم, إما غزل وقلة حيا, وإما تدخل بتفاصيل حياتها كأنهم أهلها,,
أنا ابي اسلم من هذا كله,,
رد: للبنات بس,, وش أفضل مدينة وأفضل معهد ما فيه سعوديين كثار, واقدر اخذ راحتي
كيف مضايقات من الشباب
احنا نبيهم يساااعدونا والا نبي مضايقات
وانا اشووفهم هنا بالمنتدا خدووومين مايقصروون
رد: للبنات بس,, وش أفضل مدينة وأفضل معهد ما فيه سعوديين كثار, واقدر اخذ راحتي
بارك الله فيك اختي بنيه
كفيتي ووفيتي طلعتي اللي بقلبي واللي كنت بقوله
والله يوفقكم ان شاء الله وتتيسر اموركم
رد: للبنات بس,, وش أفضل مدينة وأفضل معهد ما فيه سعوديين كثار, واقدر اخذ راحتي
حبيبني والله ونعم بشبابنا,
لكن إسالي أي وحده مبتعثه, حتى المتزوجات ما سلموا من بعض العينات,,
بس أنا بروح لحالي وبصراحه خايفه مره من هالموضوع
- - - مشاركة محدثة - - -
وعشان ما يتشعب الموضوع ,, ابي مدينة عائلية وامان فيها كبير,, وتقل فيها نسبة المراهقين
رد: للبنات بس,, وش أفضل مدينة وأفضل معهد ما فيه سعوديين كثار, واقدر اخذ راحتي
واهم شرط من شروط البعثه يكون معاك مرافق مو لوحدك
رد: للبنات بس,, وش أفضل مدينة وأفضل معهد ما فيه سعوديين كثار, واقدر اخذ راحتي
اقتباس:
المشاركة الأصلية كتبت بواسطة رشا KSA
تخصصي الحمد لله في كثير من الولايات,, بس المشكله مو في الجامعه
الجامعة أمرها سهل,, المشكله في المعهد, لأني والله اسمع كلام الناس وشلون المضايقات تجيهم, إما غزل وقلة حيا, وإما تدخل بتفاصيل حياتها كأنهم أهلها,,
أنا ابي اسلم من هذا كله,,
ياخيتي والله ماحد يقدر يتدخل الا اذا بتعطينهم مجال
خليك انتي بدراستك وماتلقين اي مضايقات ان شاء الله
ومثل ماقلتلك في معاهد اذا جيتو مجموعه من البنات يخلونكم بكلاس لحالكم
وفي بعض المعاهد اصلا نسائيه بس على ماعتقد تكون مسيحيه مادري بس تاكدي
والله يسهل دربك
ويكتب لنا البعثه
رد: للبنات بس,, وش أفضل مدينة وأفضل معهد ما فيه سعوديين كثار, واقدر اخذ راحتي
ما عندي مرافق دائم,, أبوي بيجي معاي أول شهر بعدين بيرجع
وانا بكون لحالي,, وهذا الي مخوفني مره,,
- - - مشاركة محدثة - - -
طيب ممكن أعرف المدينة الي انتي تفكري فيها, وليه؟
لاني والله محتاجه أحد يساعدني بتحديد المدينة,,
كنت أبغى أوستن طلعت كلها شباب , والبنات والعوايل شويين فيها
رد: للبنات بس,, وش أفضل مدينة وأفضل معهد ما فيه سعوديين كثار, واقدر اخذ راحتي
اسالي بملتقى دول امريكا بتلقين اجابه كافيه ان شاء الله