بخصوص خيارات الجامعات في مرحلة الماجستير
السلام عليكم ورحمة الله وبركاته
اخواني بخصوص اختيار الولاية والجامعة في مرحلة الماجستير ، في شيء وحيد ما قدرت افهمه
الحمدلله معدلي عالي وابغى ادرس (ماجستير) ، هل الوزارة تختار لي الجامعة او انا الي اختارها ،
الي اعرفه اني احط لي خيارات وهم يختارون لي ، لو مثل حطيت 5 خيارات للجامعة لكن هالجامعات كلها قوية ومن افضل 10 جامعات في امريكا
هل يقبلوني في 1 منهم ولا يقولون لي دور غيرها او يختارون لي هم اذا ما حصلي قبول فيها !!
انا صراحة ابغى شرح بالتفصيل كيف الطريقة (لاني بكل صراحة اتمنى كذا جامعة) وما ودي ادرس في غيرها ..
لما اختار كذا جامعة ، الوزارة الي توافق علي ام الجامعات نفسها ، و بعدها وش الاجراءات هم الي يراسلون الجامعات او انا ؟
والقبول وش يعتمد عليه ؟ سواء في الجامعات او في الوزارة
اسأله كثير للحين ما فهمتها ، وابغى اجوابتها الله يعطيكم العافية
رد: بخصوص خيارات الجامعات في مرحلة الماجستير
انت تختار الولاية اللي تناسبك وتختار الجامعة اللي تبغاها سواء الاولى ع مستوى العالم او الاخيرة شي راجعلك .. و امريكا حاول ما تطلع عن التوب 50 و لو ان البعض يقول التوب 100 كويسة :P
دام انت طالع ماجستير كل اللي عليك تجيب قبول لدراسة اللغة في احد المعاهد و يفضل يكون معهد تابع للجامعة اللي حاب تلتحق فيها
و السبب ان بعض الجامعات لو درست في معهدها يمكن تعفيك من التوفل\ ايلتس و لو انها شي بنظري مقدور عليها مع الوقت وتعلم اللغة
كل جامعة لها شروطها في القبول .. كل اللي عليك ادخل موقع الوزارة وشوف الجامعات المتاحة فيها تخصصك و غير موقوفه .. اكتب اسم تخصصك بالانجليزي هنا
الجامعات الموصى بها
ضبط لك قائمة باسماء الجامعات المتاحة و ادخل عليها وشوف ايش متطلباتهم للقبول و بس .. و لو تقرأ بمواضيع المنتدى هنا بتفيدك كثيير و تلاقي اجوبة لكل استفساراتك :p
رد: بخصوص خيارات الجامعات في مرحلة الماجستير
يعيك العافية اخوي الله يجزاك خير ، طيب القبول متى اجيبه ؟
وهل لو اجيب القبول من المعهد يرفضونه الوزارة !!
رد: بخصوص خيارات الجامعات في مرحلة الماجستير
انتظر حتى تنزل قائمة المعاهد المحدثه علشان نعرف وش اللي ممكن نقدم عليه لان بعضها بيكون مغلق لتكدس الطلاب
يرفضوه في حال كان المعهد مغلق بسبب تكدس الطلاب.. لذلك انتظر لين تنزل القائمة افضل.
رد: بخصوص خيارات الجامعات في مرحلة الماجستير
ماشاءالله ماقصر Hirakoكفى ووفى
ومثل ماقال كل الي عليك تنتظر ينزلون قائمة المعاهد المتاحة !
مُووفق = )
رد: بخصوص خيارات الجامعات في مرحلة الماجستير
الجامعة اللي تعجبك وتكون معترف بها من قبل الوزاره انتا تراسلها وتشوف متطلباتها واذا حصلت على قبول فيها ترسلها للوزاره عشان تعطيك موافقه عليها
اتوقع هذي الخطوه مو الان الا في الجامعات اللي تعطي قبول مشروط اما افضل 10 جامعات اظن انه ماعندها ها الخاصيه
فلازم انك تجيب درجه عاليه في التوفل والايلتس كـ 7 من 8 في التوفل و 100 من 120 في التوفل وانتا طالع
ولاتنسى اختبار الجيمات والجي اي ار برضو لازم درجات عاليه فيه
وبعد كذا تقدم في الجامعة وانشاء الله ربنا يكرمك وتنقبل
للمعلوميه اقوى عشر جامعات في العالم اذا حصلت فيها لك على مقعد الدوله راح تدفع لك تكاليف
الدراسه والابتعاث فيها حتى لو ماكانت في موقع الوزاره او ماكنت من المبتعثين
بالتوفيق لنا ولك
- - - مشاركة محدثة - - -
عفوأ 7 من 8 في الايلتس *
رد: بخصوص خيارات الجامعات في مرحلة الماجستير