ماستر حاسب اي الدول اختار ...تكفووون ضروري

السلام عليكم


انا ناويه اقدم بعثه ماستر حاسب ومحتااااره وين اروح

كنت مخططه على استراليا او نيوزلاندا لكن انصدمت انها مستبعده

وين تشورون علي

في بالي اختار امريكا كندا ايرلندا لاني ابي دوله لغتها الانجليزي

ماني عارفه وين اروح واي الدول تكون الدراسه فيها سهله
وكمان الاجواء تهمني يقولون كندا بااااارده طول السنه وخوفوني من هالناحيه وكمان الدراسه فيها صعبه ومعقده

اللي ابيه منكم تعلموني اي دوله تكون دراسة الحاسب فيها سهله وكمان الاجواء تكون حلوه والاسعار مو غاليه وكمان الامااااااااااااااان والحجاب

تكفووون ردو عشان يمديني اقرر واقدم

وشكرا

بما إنك رايحة للماستر ولتخصص الحاسب ع وجه الخصوص أرشح لك أمريكا بشدة..
أولاً فيها عدد مهول من الجامعات المتفاوتة وهذا يمنحك فرصة لضمان قبولك في جامعة ما، وغير كذا للحاسب تعتبر أمريكا أفضل خيار بما أنها تضم أكبر عدد من أفضل الجامعات في هذا التخصص..
ومن ناحية المعيشة تعتبر الأفضل لتعدد الخيارات بين ولاياتها المتباينة، يعني يمديك تحددين الولاية اللي يناسبك طقسها ومجتمعها..
في أمريكا من ناحية الحجاب متاح بكافة أنواعه ومحد يقدر يمنعك تلبسينه، وهي من ضمن أكثر الدول المتعودة عليه بحكم عدد المبتعثين فيها فعندهم تقبل لهالشي..

كندا حطيتها كخيار ثاني بالنسبة لي وفي الواقع هي ما تعتبر خيار جيد من ناحية القبول، لأن عدد الجامعات الكويسة فيها لتخصص الحاسب قليل وأغلبها حكومي وقبولها للدارسات العليا جدًا صعب صعب..
لذلك أتمنى قبولي يجي ع أمريكا إن شاء الله..

الخيار الثالث كان إيرلندا حطيته لأنها الدولة اللي لغتها انجليزية.. بس أسأل الله يكون قبولي ع أمريكا لأنها أفضل خيار، ولو كانت بريطانيا مفتوحة كان حطيتها الخيار الثاني..

بالتوفيق لك

مشكوره Abeer

طيب كيف دراسة الحاسب هل هي سهله

او احول على ادارة الاعمال

انا اقتصاد منزلي وكنت ادبي ايام الثانوي

اخاف اتوهق فيه

والله دراسة الحاسب يبغالها جهد ما أقدر أقول صعبة بس مو سهلة، أما عن الماستر وبكالوريس حقك اقتصاد منزلي فأتوقع بيكون تقييم مستوى الدراسة مختلف جدًا،،
أنا درست خمس سنوات بكالوريس علوم حاسب تتطلب مهارات عالية في الرياضيات والمنطق.. وباخذ ماستر علوم حاسب بإذن الله وعارفة إني راح أبذل جهد مضاعف لهذا الشي، فما أدري بالنسبة لك كيف بيكون الوضع إذا ما عندك أساسيات ولا اهتمامات برمجية عميقة..

يعني ما أقدر أضمن لك بتمشين فيه ولا لا..
وفيه نقطة ثانية تأكدي من الوزارة لأنها تعطي بعض التخصصات امتداد محدد يعني ما تسمح باختصاصات مختلفة جدًا عن دراستك في البكالوريس، فالأفضل ترسلي للوزارة تسأليهم عن التخصصات المسموحة لك إذا كان معك بكالوريس اقتصاد منزلي، والأفضل ترسليلهم اليوم عشان يمديك تعدلين رغبتك قبل نهاية التسجيل..

بالتوفيق يارب

السلام عليكم...
أنا متخرجة قسم تقنية معلومات ومقدمة ماستر حاسب باذن الله .. وكانت رغبتي الأولى أمريكا ..بس كنت محتارة بين كندا وايرلندا للرغبة الثانية والثالثة....
فهل تنصحوني ايرلندا قبل كندا ...يعني في تخصصات الحاسب أحسن في ايرلندا...؟؟؟ شكراا

انا اخترت ايرلندا

لعدة اسباب :

قربها جغرافيا من المملكة عن امريكا
شعبها ودود ومحب للمساعدة وبعيد عن العنصرية
جامعاتها بشكل عام جيدة
مدة الماستر قصيرة

فعلا ناس قالولي انو ايرلندا فيها أقدر ألبس الحجاب وأنا مرتاحة ومايضايقوني وانو نظامها قوي بما أنها قريبة من بريطانيا بس أنا استغربت أنو تعليمها ممكن يكون أقوى من كندا ...
الله يسهل اللي فيه الخير للجميع

طيب كيف اقدر اراسل الورزارة

حاولت وجاتني مراسله عن طريق اوت لوك ولازم كلمة مرور ومدري شو

ابي البريد الالكتروني الله يعافيكم

والله الحاسب يبيله احد طووييييييل بال ،
يعني صراحه ابداً مو سهل ولا تتخيلينه بسهولة تعاملك مع الجهاز !
لكن فيه ناس خلفيتها قليله ومشت فيه .. يعني انصحك تقارنين بين قدراتك ومتطلباته
شوفي نفسك واقري عن المواد وشرحها أسلم لك .

من ناحية أفضل دولة بلا منازع أمريكا مثل ماقالت عبير ;)
وهذا بريد الوزارة للاستفسارات = kasp@mohe.gov.sa
لاتنسينا من دعوآاتك ؛ )

الحاسب جدا صعب بالذات موضوع البرمجه ولغاتها اللي تشيب شعر الراس انا كمان محتاره ودي ادرس ماستر حاسب بس يكون التخصص الدقيق سهل وباقي محتاره في هذا الشي :(
سبحان الله ماكل مايتمناه المرء يدركه اتمنى اكمل ماستر ادب انجليزي ولكن ماينفع لاني بكالوريوس حاسب ولازم الماستر نفس الامتداد :(
اتمنى لك التوفيق وانك ماتتحطمي من كلامي ولكن هذا هو الواقع للاسف ,,,