استسفسارآت .. تحملونا الله يعينكم

السلام عليكم ورحمه الله ...وبركآاته ,,

اسعد الله صباحكم/ مسائكم .. بكل خييير أحبتي ..

والله يتقبل منآ ومنكم صآلح الأعمآآآآل

انا قريت موواضيع كثيره بالملتقى بصراحه ماقصروا اخواني / اخواتي ربي يجزاهم خييير

من ضمن قرائتي لمواضيعهم طلعت بعدة استفسارات ... بصرآحه تفاجأت وانصدمت ... وكويس اني عرفت عشان ارتب اموري

انو أحنآ نجيب القبول .... ومابي اسبق الاحداث يمكن يلغون هالقرار بالمرحله هذي لكن اللي يسأل مايتوه


صراحه شي تعقيدي اذا لقيت المعهد مالقى الجامعه يكون فيها تخصصي وان لقيتهم الاثنين مو بنفس الولايه اللي ابيها وان لقيتهم كلهم وبنفس الولايه

مالقيت تخصص محرمي خصوصآ انه بيكمل هو دبلوم وحاب يكمل بكالوريوس

وان حصلت كل هالاشياااء الجامعه مو معترف فيهآآآ يعني بجد راااااااااااسي افتر ...شي مرآآ معقد ....


المهم .... كيف ابحث عن تخصصي وكيف اعرف ان الجامعه كويسه او لا ؟؟

وهل صحيح انو محرمي لازم يكمل بالجامعه اوو المعهد اللي انا فيه ؟؟؟


انا حابه ارتب وضعي بدري عشان مانزحم بالوقت الضايع وتصير قراراتي خطأ


تخصصي كيمياء .. وحآبه اكمل بنفس التخصص للماستر ..


الله يجزآه الف خييير اللي يسآعدني ويحقق احلآمه ويرزقه من حيث لايحتسب ...

الوولايات اللي فبالي ..

كاليفورنيا ... اوريقن ... كولورادو .. << بس اللي بالي وعارفه اكثر الاشياء عنهم


وان اضطريت حختار ... ميرلاند .. جورجيا .. فيرجينيا ...<< توي اخذ معلومات ع السريع عنهم وقررتهم والا ماعندي اى خلفيه




ادري كلامي كثير ودوختكم لكن بجد كتبت بدون مافكرولا ارتب كلامي ومتضايقه ومشوشه افكاري ...


هذا كل اللي عندي .. اللي حاب يسآعد ع الاقل يذكرلي جامعه كويسه + معهدها في احدى هالولايات اللي ذكرت ويكون فيه قبول مشروط


موكله امري لله ومعتمده عليه لكن الواحد لازم يعمل بالاسباب مو يجلس وكل شي يجيه عشان كيييذا انا كتبت هالموضوع


ومشكووووووووووووووووووورين من هنااااااااااااااا لامريكآ

اختي ريم بالنسبه للمحرم عادي يجيب قبول بجامعه ثانيه سواء نفس المدينه او بمدينه قريبه منك
ولكن الافضل لكم يكون قبولكم بنفس الجامعه
بالنسبه لك انتي مايحتاج قبول مشروط يكفيك لغه
ياليت لو تعلمينا وش حاب يدرس مرافقك علشان نبحث لكم عن جامعه تناسبكم الاثنين
وترى موب شرط يعادلون له شهادة الدبلوم

طبعا مدير البرنامج اكد لي ان الطريقة لن تتغير ...

وهو افضل

العام قبل الماضي كانوا يجيبون لهم القبولات عن طريق مكاتب فتلقى الطالب غصب عنه قبوله يكون في مدينة خطرة جدا زي ديترويت او غالية زي نيويورك او غالية وخطرة والمعهد سيء والجامعة اي كلام زي شيكاغو ولا يقدر يغير الطالب اي شي كل اللي عليه انه يسافر لتلك البلدة !!!!!!

الضمان المالي ممكن تاخذينه وتروحين للمكتب ويجيب لك هو قبول او انك بنفسك تراسلين كلها بريد واحد ويجيك رد واحد وخلصتي احسن من التعب اللي بيصير لو غصبوك على ولاية

1- عن طريق موقع الوزارة للجامعات الموصى بها ابحثي عن التخصص والدولة والولاية والمرحلة الجامعات الموصى بها
2-لست متأكد لكن اظن انه عادي
3- في جامعة حلوة في مدينة بورتلاند بولاية اوريقون اسم الجامعة portland state university ومعهدها حلو ايضا

السالفة يختي يبيله صبر وبحث وتمحيص ,,,!!
وشي لا بد منه

وما حد يقدر يختار عنك انتي ,,


وهذا موضوع حلو يساعدك فالاختيار
http://www.mbt3th.us/vb/forum163/thread373752.html


وعندك هذا رانك ( قائمة بأفضل الجامعات) Ranking Web of World universities 2012

وهذا رانك ثاني ,, بس ميزته انه ,, أفضل الجامعات في كل تخصص على حدا World's Best Universities Subject Rankings; Top Universities by Subject | US News

افتحي وصيري شيكي كل جامعة تجذبك ,,
وشوفيها بالجامعات الموصى بها

شوفيها زينة بالتخصص الي يبيه مرافقك

وحطيهن بقائمة على جنب

اذا خلصتي بحث ,, صيري ابحثي عن كل جامعة بالتفصيل ,, عن ترتيبها عن الولاية عن المدينة ,, وسجلي ملاحظاتك

اذا خلصتي ,, شوفي قائمة المعاهد ( بيحدثون قائمة المعاهد أتوقع قبل الملتقيات)

وتوكلي على الله
واستخيري
واستشيري

هلا اخوووي ... بالنسبة لمحرمي ... هو متفوق وحرآآم يبدأ من الصفر يبي يكمل يعني مافيه جامعات تعادل له الموآد

تخصصه قوى كهربائيه ... من كليه التقنيه ...

بالنسبه لي تقول انت الافضل قبول مو لازم مشروط ... انا ابي يكون المعهد اكاديمي اكثررر لان اللغه مو شايله همها كثر اللغه الاكاديمه لان هي الاساس

والباقي نتعلمه مع الممارسه ...

معليش تأخرت بالرد بسبب ظروف

اى بصراحه اقتنعت الحمدلله اجل افضل دام السالفه كذا
ع بالي انا اختار وهم يحطوني كويس اجل قرار سليم يارب مايغيروووه ...

انا حاطه فبالي بورتلاند ... او يوجن المهم في اوريقن ... يعطيك العافيه ..

مشكووور اخوووي ع الروووابط ويعطيك العافيه

من جد الشغله يبيلها صب الله يكتب لي ولكم الخير حيث كان ويعوض تعبنآآآ

ونشوف ثمرة اجتهدانا يارب

اول شي حابه اشكر اللي ردوا علي استفساراتي ...

وفبه عندي اسئله ثانيه .....بلاش افتح كل شوي مووضوع


الحين محرمي لازم يكون متواجد بفترة التدقيق والملتقى ,,, واوراقي انا من وثيقه وسجل وجوزاي باخذهم عشان التدقيق اكيد

لكن لازم اخذ اوراقه يعني جوازه وكذا وان كان الجواب نعم ... ينفع صور ؟؟؟

وكمآن ..بالنسبه للوكاله من ولي امري لازم بالمحمكه يعني لان قريت موضوع لبنت تقول كذا يوم قلت لاخوي قال لا ورقه من الجوازت

والوكاله والتعهد اللي من المحرم .. اخذهم بالتدقيق لازم ,,,

وهو حاليا برا يدرس ع حسابه لغه بس اذا جا وقت سفرتي بيجي عشان كذا اسألكم بليز ردوا


وبالنسبة انا قررت اخلي مكتب يجيب لي القبول وانا احدد له الجامعه والولايه مو كذا اريح واضمن وبرضو كم يكلف تقريباآ

وطلعت بمشكله ثانيه الحين لازم اجيب توصيات من الدكتورات ومتى لازم يكونوا جاهزين يعني لأي خطوه

انا ع بالي بس للدراسه بالداخل توصيات وربي اليوم عرفت المعلومه الله يصبرني ع كثره اللخبطه ...




ماراح اتأخر عليكم بالرد المره هذي ومشكووووووووووووووووووووورين الله يوفقكم ويبلغكم من الخير اكثره


أعذب الود لكم ..

الله يسعدكم ردوا ... *_*

اذا كنتي اختي تبين رقم مكتب يخاف الله من ناحية المبلغ ويجيب لك القبول باالوقت اللي تحددينه يعني اقل من شهر اذا شاء الله

بلغيني على الخاص لان مكتبه باالرياض

انا بساعدك لان نفس المكتب هو اللي جاب قبول لزوجتي في اسبوعين
ولاية واشنطن مدينة سياتل