برجاء المساعدة حول قبول الدكتوراه في التمويل
السلام عليكم ورحمة الله وبركاته
أتمنى إفادتي حول موضوعي خطوه بخطوه
حيث أنني حاصل على الماجستير من السعودية وقدمت أوراقي للدكتوراه عبر البرنامج.
أريد معرفة التالي:
هل معهد اللغة الوزارة توفر القبول أم أنا؟
هل القبول الأكاديمي سهل الحصول عليه في الدول التالية (أمريكا - إيرلندا - كندا)؟ وماهي شروط كل دولة للقبول الأكاديمي ؟ وكيفية الحصول عليه في حال عدم توفيره من قبل الوزارة؟
في حال عدم الحصول على قبول أكاديمي هل أعود للسعودية بعد سنة اللغة أم أستطيع تحويل البعثة لدولة أخرى؟
شاكر لكم ومقدر حسن تنظيمكم وإدارتكم
محبكم
محمد
رد: برجاء المساعدة حول قبول الدكتوراه في التمويل
مافيه أحد يبي يساعدني؟؟؟ اهئ اهئ اجل هونا نطلع
بلييز ساعدوني
رد: برجاء المساعدة حول قبول الدكتوراه في التمويل
انا مثلك بالضبط ، اخترت تمويل وأنا مابيها لأني ناوي أحول لتخصص اقتصاد
اللي اعرفه ان قبول المعهد تجيبه أنت
وبخصوص القبول للدكتوراه أغلب الجامعات تطلب اختبار GRE وتوفل ولكل جامعه شروط
هذا اللي أعرفه وبانتظار أحد يساعدنا.
رد: برجاء المساعدة حول قبول الدكتوراه في التمويل
اقتباس:
المشاركة الأصلية كتبت بواسطة محتآآآآر
انا مثلك بالضبط ، اخترت تمويل وأنا مابيها لأني ناوي أحول لتخصص اقتصاد
اللي اعرفه ان قبول المعهد تجيبه أنت
وبخصوص القبول للدكتوراه أغلب الجامعات تطلب اختبار GRE وتوفل ولكل جامعه شروط
هذا اللي أعرفه وبانتظار أحد يساعدنا.
هلا وغلا اخوي محتار
هم طالبين يا جيمات يا جي ار اي وتوفل او ايليتس
اتمنى احد يساعدنا ويفهمنا
لاني بصراحه اخاف اطلع واجلس سنة اللغه وما يجيني قبول اكاديمي. ووقتها اكون خسرت وظيفتي وغيرها من المخاطر المترتبة على سفري كسياره ومنزل وغيره.
ارجو من الاخوان مساعدتنا لإنهاء حيرتنا
رد: برجاء المساعدة حول قبول الدكتوراه في التمويل
أنا مثلك موظف وأب لأسرة وناوي أستقيل من العمل إذا تيسرت امور في البعثه
رد: برجاء المساعدة حول قبول الدكتوراه في التمويل
والله إن وضعي مثلك تماماً. ياخي لا تكون انت انا؟؟؟
والله يا خوي إني خايف ومتردد أكثر شي من القبول الأكاديمي والا اللغه أمرها بسيط اذا الله أراد.
رد: برجاء المساعدة حول قبول الدكتوراه في التمويل
هههههههههههههههههه
سبحان الله وضعنا متشابهه جداً
رد: برجاء المساعدة حول قبول الدكتوراه في التمويل
اهلا ،،
قبول المعهد "حسب علمي من المرحلة السادسة" توفره لكم الوزارة قبل السفر ،، فما يحتاج انت تسعى له ابدا ..
مع العلم انك ممكن بعد ما تسافر لبلد الابتعاث تشوف معهد قوي وتاخذ منه قبول وبعدين تقدم طلب تغيير معهد في البوابه الالكترونيه ..
بالنسبه للقبول الاكاديمي انت توفره لنفسك "فيه قسم في ملحقية كندا يساعدك على الحصول عالقبول ،، ولكن وجودهم زي قلتهم ! "
سهولة القبول وصعوبته تفرق حسب الدولة ،، اعرف ان امريكا قبولاتها اسهل من كندا ،، وما عندي خلفيه عن ايرلندا ،،
عالعموم القبول للدراسات العليا هو تسويق لنفسك ! يعني انت كيف تقدر تنشب للجامعات وتبين لهم انهم يحتاجون يقبلونك في برنامجهم !
في حالة عدم الحصول على قبول اكاديمي بعد السنة ،، ممكن ترفع قدم تمديد ٦ شهور لغة .. وتبحث خلالها عن قبول ،،
اذا حصلت قبول في دولة ثانية غير اللي انت فيها تقدم طلب تغيير دولة الابتعاث ،، بس لازم يكون قبول نهائي وغير مشروط ..
اتمنى اكون جاوبت على اسئلتك
رد: برجاء المساعدة حول قبول الدكتوراه في التمويل
اخوي سعودي كثر الله خيرك ورحم الله والدينك
ماقصرت والله
طيب يا غالي أقدر اراسل الجامعات للقبول الاكاديمي من الان. علما بأن عندي سكور توفل ممتاز بس ما بقدمه ودي استفيد من سنة اللغه أكثر
وبأدخل اختبار الجيمات في 20 اكتوبر في جده وبشوف كم اجيب فيه.
تحياتي لك
رد: برجاء المساعدة حول قبول الدكتوراه في التمويل
اخوي تقدر تقدم ،، بس قبل لازم تشيك على الاقسام ومواعيد التقديم فيها ،،
نصيحتي .. تبدا من الان تجمع معلومات عن الجامعات وتسوي لسته حسب افضليه الجامعات ،، وكل جامعه تطلع على اقسامها ومجالاتها البحثيه والدكاتره .. كل هالمعلومات تجهزها عندك في ملف ،، وتختار من كل جامعه تقريبا ٥ دكاتره وتحط مجالاتهم البحثيه بحيث تكون قريبه للي انتي ناوي عليه ..
بعد ما تروح هناك .. دامك تبغى تجلس سنه ،، فيكون عندك وقت تقدم وترسل اوراقك حسب مواعيد التقديم .. مثلا انا لما قدمت كان التقديم للخريف مفتوح من شهر اكتوبر الى فبراير لقبول سبتمبر
ودامك عديت التوفل فباذن الله الجيمات ما ياخذ معاك وقت ،،
موفق