الابتعاث للماجستير أو الوظيفة ؟ .. حيرونا وبحاجة لآراء الجميع

الابتعاث فرصة ربما لن تتكرر

فكن فطن و اقتنص الفرص

الوظيفة ملحوق عليها و بالعكس بتجي بوظيفة احسن من الي لقيتا


و الله لو عندي وظيفة راتبها 15000 ريال و جاني الابتعاث لأترك الوظيفة

استخيري الله سبحانه ومن وجه نظري العالم في تطور وتقدم لو ما الاقي وظيفه بس ادرس واتعلم واكتشف العالم ايش صاير فيه الواحد كل ماكان متعلم ودارس وتداخل مع اشياء جديده راح يثق في نفسه وراح يوظف هو نفسه لا تعتمدين على الوظيفه على قد ما تعتمدين على تطوير نفسك اللغه حلوه واكتساب فرصه الابتعاث فرصه اكبر ممكن ما ترجع مره ثانيه روحي وطوري نفسك واكبي العلم والتطور والبلد قاعد يتطور راح تفتح شركات حكوميه وراح تتوفر فرص وظيفيه كبيره واكيد الماستر والدكتوراه اولى بشغل هاذي المناصب وانتي بس توكلي على الله واستخيري بس حطي في بالك شي مهم جدا جدا

رزق انكتبلك ماراح احد ياخذه غيرك وثقي بالله تعالى واعتصمي بحبله بالدعاء والاستغفاااار نصيحه راح تلاقي ان ربي يصدفلك ويسهلك اشياء عمرك ماكنتي حتى تحلمي فيها


والله يوفقك ويكتبلك الخير فين ما كان

إذا عمرك صغير ويسمح لك تقدم في المرحلة العاشرة بقولك وظيفة
وإذا جايتك وظيفة راتبها ممتاز وبتقدم لك خبرة بقولك وظيفة
الخبرة ضرورية لتفوقك وتميزك في الماجستير ( أنا معي ماجستير وسنه خبرة في مجال العمل عادلت عندي ٤ سنوات دراسة )
أما إذا عمرك كبير وراتب الوظيفة عادي بقولك بعثة
وحط في بالك إذا رجعت لاتتوقع وظيفة بعشرات الألاف ولا وظيفة أكاديمية إلا إذا تخصصك نادر ومطلوب أكاديمياً ( رجع قبلك وبيرجع الاف المبتعثين واليوم يوجد مئات المبتعثين بلا وظائف أو حصلوا على وظائف مناسبه ولكن ليست براتب ١٠٠٠٠ )

السلام عليكم و رحمة الله و بركاته
يا شباب ان خريج بكالوريوس هل أقدر اتوظف الان كمعلم ثم في المرحلة العاشرة اقدم يعني هل الخدمة المدنية توافق و الا لا ؟؟؟؟؟؟

يا ليت أهل الخبرة يفيدوننا لاني أعرف واحد خلص البكالوريوس و كمل ماستر و له سنتين يدور وظيفة ما لقى !!!!!!!!

يعتمد عالتخصص وفرصه الوظيفيه

مثلا تخصصات طبيه - مهما درست مو خساره ووظيفتك تكون افضل
بس لو قلنا مجالات زي الحاسب - غالبا ما يفضلون الماجستير والدكتوراه لانهم بيوظفون دبلوم وبكالوريوس وبراتب اقل ونفس الشغل

ماعندي خبره بتخصصك ...بس ادرس وضعك ...اذا وظيفتك حلوه وراتبها ممتاز ...

انا تخصصي طبي وظيفتي حلوه وما ودي اتركها ومقدمه عالدكتوراه ومتردده...بس قلت اقدم وبعدين استخير ...

اخي العزيز انا خريج هندسة كهربائية ومثلك راح تقتلني الحيرة ( اتوظف او اكمل ماجستير ) كل يوم اقول شي خاصة ان الوظائف لتخصصي متوفرة وفرصة الابتعاث ممكن ما تتكرر
الله يهدينا للي فيه الخير والصلاح واتمنى اذا احد عنده تجربة في نفس مجالنا يدلي بدلوه و يفيدنا .

انا نصيحتي أنك تشتغل سنه على الأقل وتقدم على بعثات المرحلة القادمة. عشان تكسب خبرة عمليه تفيدك بالتقديم الوظيفي وأنك راجع بالماجستير. لأن أغلب الشركات تنظر للي عنده ماجستير بدون خبرة عملية على أنه أوفر كولفايد يعني كثير فخبرتك العملية السابقة تنفعك وتضمن لك الوظيفة. أنت أخذ النصيحة من هل الناحية ومن ناحية أنك تشوف سوق العمل ممكن تقعد سنة كاملة بدون وظيفة فيعطيك دافع أكثر أنك ماتضيع سنينك بالأنتظار وتطلع تجيب الماستر.. وأذا الله وفقك بوظيفة تسأل خلال عملك عن مميزات صاحب الماجستير ويمكن هم يطلعونك ميزة أنك تدرس وأذا رجعتت تنضم لهم بمستوى أعلى.

الله يجزاكم خير على هالتعاون والروح الطيبة جميعآآآ يارب ..

اممممم بالبداية بالردود الاولى حسيت اني اميل لفكرة اني اكمل ماجستير لان توني بجو الدراسة ومخلص البكالوريوس قريب .. بالردود الاخيرة حسيت اني بعد اميل لفكرة اني احاول القى وظيفة وبعد سنة اطلع "اذا احد عنده اقتراحات لشركات معينة اكون شاكر له" ..

امممممم اللحين هل اذا رجعت بالماستر وقبلت بوظيفة مو خرافية وبعد سنة قدمت على وظيفة افضل تعتبر نفسها نفس لو توظفت سنة وبعدها حصلت على ماستر ورجعت ؟ > اتمنى وصلت الفكرة ..

لأن ماودي ااجل الابتعاث لمراحل قادمة ويطفى حماسي ومااضمن بكرة وش يصير .. وبنفس الوقت ماودي اروح وارجع عالفاضي ويكون التاجيل افضل لي > هالنقطة قللللق ..

انا حالياً ماعندي شي .. من تخرجت ماتوظفت .. صرت محتار احرص على اني ابحث عن وظيفة بعد العيد او اني اركز على موضوع الابتعاث .. اللي بركز عليه بقدر اجيبه ان شا الله لكني محتار بين الشغلتين ..

ومدري لو يقبلون يوظفوني واكون صريح معهم ان ممكن ابتعث واترك الشغل بعد فترة او الافضل استمر سنة وبعدها اقدم عالبعثة السنة الجايه.

نفس الاسئله اللي تمر علي..
البعض يقول توظف وارتاح والبعض الاخر يقول افضلك بعثه
فتلقاني مشتت بين هنا وهناك
اوقات اقول اتوظف بالبدايه واخذ خبره سنه او سنتين وبعدها اطلع ماجستير واتوظف فيها لما ارجع .. !!
بس فرضه البعثه الان اخاف تروح علي لا انا آللي توظفت ولا طلعت بعثه ..

^

اتمنى احد يقدر يفيدنا بهالنقطة وانا اخوك .. نقطعة الابتعاث ثم الوظيفة هل تفرق كثير عن الوظيفة فترة ثم الابتعاث.