تنبيه ..! بتطلع على حسابك تكمل دراستك في شرط جديد بالوزاره انتبهوو يا اخوان

السلام عليكم ورحمه الله وبركاته

كل ما لها وجالسه تضيق لكن ما نقول ما بعد ضيق الا الفرج

الموضوع مثل ما قلت بالعنوان

فيه شرط تأخذ قبول مبدئي من الوزاره قبل لا تطلع تكمل دراستك في الخارج على حسابك (وهذا مو معناتها انهم قبلوك في الابتعاث)
ومن غير هذا القبول ما راح تمشي اوراقك اذا طلعت ودرست

الصفحات - إعلان إطلاق الخدمة الإلكترونية للحصول على موافقة الوزارة للدارسين على حسابهم الخاص في الخارج
واللي جرب وقدم عليهم لا يبخل يا اخوان ويعطينا العلم لا هنتو

اللي عنده علم لا يبخل علينا .. اذا فيه احد جرب وقدم عليهم يعطينا خبر

اللي قريت وعرفت ان اللي سفره قريب وقطع التذاكر يسجل ويسافر لانهم نزلو القرار فجاءة وماحطو اعلان من قبل

طيب انا مقدمه علي ماجستير في المرحلة الثامنه ، ومرافقي زوجي ويبغاء يكمل دراسه هو بعد
والي عرفته من هنا انو لازم يدرس علي حسابه اول وبعدين يقدم اوراقه علي الملحقية عشانه يضمونه للبعثه
يعني الحين بعد القرار ذا ، لازم ياخذ إذن أول قبل يدرس ... مو كيف ياذخ اذن وهو اصلا موظف وبعد قرار ابتعاثي بقدم اجازة مفتوحه ...؟

هنو سالفه المرافق غير
شوفي بروح معك مرافق ويدرس معهد على حساب الملحقيه واذا درستو جامعه يصير اسمه (مبتعث مرافق )
يعني يصير مثله مثل المرافق بما ان زوج
لكن لو بتاخذين اخوك واصبح اسمه مبتعث مرافق مايقدر يجيب زوجته لانه مرافق بالاساس

أخت بنيه ، يعيطك العافيه ... ابي اسئلك من اول كم سؤال
بس لسه حسابي جديد ، والرسائل الخاصة ما تفعلت

بس ما فهمت محتوى ردك هذا
قصدك عادي يقدر يطلع معي الحين مع البعثة علي اساس انه هو مرافق حالياً ، ويقدر يدرس بمعهد علي حساب المحلقية .. لو صحيح شيء حلوُ
لانه هو معه شهادة ثانويه فقط ، وانا بكمل ماجستير ... يعني لو درس بكالرويس ما بيمديه يخلص معي الدارسة .. بيخلص بعدي
والمشكلة هو عسكري يعني ما بيسمحون له بإجازة إستثنائية الا لمدة دارستي فقط .. ولو درس معهد بيكون شيء احسن من لا شيء
وعندي سؤال آخير اذا امكن اختي ، وضع الدراسة بـ امريكا مع الحجاب والإختلاط ، يعني فيه خصوصيات للمحجبات او لا ...

واذا امداك زوري هالموضوع ... ومشكوره
http://www.mbt3th.us/vb/forum163/thr...post1061994946

ايوة فهمتني زين واول ماتوصلون للبلد الابتعاث اطلبي له ضمان مالي ( بس الافضل يكون من الاول معه قبول معهد بشهاده بنكيه علشان موضوع الفيز وتغيررها وماتبلشون )
اذا خلص 75% من دراسته ممكن انه يكمل دراسته بس مادري عن موضوع الوظيفه هل بتسمح له زياده اجازة او لا
بس ممكن انتي تسوين ترقيه وتكملين دكتوراه وبكذا يوكون الوضع حلو
حسب الولايات يعني في ولايات تلقينهم متعودين على الحجاب وفيه لا هذا الموضوع مقلقني بس مهمها يكون الوضع حافظي على الحجاب وغيري اللون
ان شاء الله بشوف الموضوع :)

طيب شلون وضع المرافق الاخ ,, يعني لازم ياخذ اذن من الوزاره هنا و لا عادي يقدر يطلع بشهاده بنكيه خاصه فيه و هناك يقدر ياخذ قبول جامعه ويتحول مبتعث او تغير النظام ؟؟

اقتباس:

---

المشاركة الأصلية كتبت بواسطة ملاك الجود

طيب شلون وضع المرافق الاخ ,, يعني لازم ياخذ اذن من الوزاره هنا و لا عادي يقدر يطلع بشهاده بنكيه خاصه فيه و هناك يقدر ياخذ قبول جامعه ويتحول مبتعث او تغير النظام ؟؟

---

ماله دخل
المرافق مثل ماقلتي ياخذ شهاده بنكيه :)
بالتوفيق