الأعضاء الإشتراك و التسجيل

الملتقيات
ADs

استفسارات ذبحتني ( انا .. بعثتي .. زوجي ووظيفته .. وكل شي يخص البعثه؟؟؟؟

استفسارات ذبحتني ( انا .. بعثتي .. زوجي ووظيفته .. وكل شي يخص البعثه؟؟؟؟


NOTICE

تنبيه: هذا الموضوع قديم. تم طرحه قبل 1992 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مدمع الغيم
    مدمع الغيم

    مبتعث مستجد Freshman Member

    مدمع الغيم الولايات المتحدة الأمريكية

    مدمع الغيم , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى اقتصاد منزلي , بجامعة جامعة الملك خالد
    • جامعة الملك خالد
    • اقتصاد منزلي
    • أنثى
    • ابها, منطقة عسير
    • السعودية
    • Dec 2010
    المزيدl

    August 6th, 2012, 06:17 AM

    السلام عليكم

    انا قدمت عالبعثه وكل الشروط تنطبق علي وعندي امل اني اكون مرشحه

    لكن زوجي متخووووف

    اولا لاني مقدمه على امريكا وانتو تعرفون الاوضاع السياسيه الحاليه

    وثانيا زوجي معلم ويخاف على علاواته وتقدمه في المستويات لانها راح تتوقف

    قريت موضوع بخصوصه يقولو لازم يجيب قبول جامعي ويقدم اجازه دراسيه وبكذا كل شي راح يمشي تمام .. سؤالي :

    1/
    هل لازم شهاده بنكيه عشان يحصل على قبول لان حسابه صفرررر وعايشين عالراتب

    2/ ولو جاب قبول جامعي هل يعتبرونه مرافق ويصرفو له راتب مرافق او يعتبرونه دارس على حسابه ....

    3/ ولو قدم القبول للوزاره ممكن يضمونه للبعثه على طول بما اني مبتعثه ...قبل لا اسافر دولة الابتعاث

    4/ هل من الضروري شراء سياره وكم راح تكون اسعارها .. او نشحن سيارتنا ..او نكتفي بوسائل المواصلات وكم راح تكلفنا كل شهر


    هذا بالنسبه لموضوع زوجي


    الشي الثاني

    الوضع الامريكي السياسي الحالي يساعد اني ادرس بأمان وبدون اي مشاكل ؟؟



    الثالث

    افضل جامعه لدراسة التغذيه وافضل ولايه تكون الاسعار فيها متوسطه وطبيعه واسواق وترفيه لاني مقدمه دراسات عليا وضروري منها كلها



    اتوقع انتهت اسألتي ولو واجهني شي جديد راح اجيكم على طووول


    واشكركم انكم اعطيتوني وجه

    الله يسعددددكم

    انتظركم
  2. وعليكم السلام ورحمة الله وبركاته ..
    راح ارد اختي على بعض الاسئلة اللي اعرف اجاباتها الباقي والله ماعندي خبر بس اكيد ان شاء الله بقية الاعضاء راح يساعدونا ..
    بالنسبه للشهاده البنكيه قدامك حلين 1. يطلع شهاده بنكيه عشان يقدر يجيب قبول لغه ويطلع فيزا f1 يعني فيزا طالب وبعدين في بلد الابتعاث يصير انتي والمرافق تدرسون اللغه على حساب الوزاره .. 2. مايطلع شهاده بنكيه ويسافر معاك وهناك ببلد الابتعاث الملحلقيه تعطيه ضمان مالي يجيب فيه قبول لغه ويبدا يدرس لغه معاك
    ..لكن الفيزا تصير فيزا سياحيه او فيزا مرافق وعشان يغيرها لفيزا طالب صعبه مره..
    السؤال الثاني هو لما يخلص لغه وطبعا بتكون على حساب الوزاره ويجيب قبول جامعي يصير مبتعث مو مرافق يعني مكافاته تصير مثل مكافاتك يتحول من مرافق الى مرافق مبتعث له نفس خصائصك ..
    السؤال الثالث اتوقع ومو متاكده ماراح توافق الوزاره الا لما تسافرون لبلد الابتعاث انهم يضمونه للبعثه ..
    بالنسبه للسياره السيارات هناك مو غاليه لكن البنزين غالي حسب كلام مبتعث بشارلوت يقول البنزين 180 ريال .. عموما هناك الباصات سهله ومريحه تاخذين بطاقة طالب وتركبين الباص اي وقت ..
    اما الامن شوفي كل مكان فيه سلبيات وايجابيات ومخاطر .. لكن بشكل عام شعب اميركا شعب حبوب ومتقبل للشعوب الاخرى وعندهم احترام الديانات .. بس الامن ابعدي عن الولايات المشهوره بالجرائم .. وهذا راح تلقينه في هذا الموضوع بيفيدك ان شاء الله

    http://www.mbt3th.us/vb/forum163/thread368024.html
    http://www.mbt3th.us/vb/forum163/thread373752.html
    http://www.mbt3th.us/vb/forum163/thread368024.html

    وبالنسبه للجامعات والولايات ماعندي خلفيه بس عموما ترا الولايات اللي فيها ترفيه كثير وتعتبر مدن كبيره هذي غاليه مو متوسطه واقراي في ملتقي اميركا راح تلقين اشياء كثيره بتفيدك
    http://www.mbt3th.us/vb/forum8/
    اتمنى اني افدتك وياليت البقيه يساعدونا بارائهم ..
    موفقه
    7 "
  3. المشاركة الأصلية كتبت بواسطة مدمع الغيم
    1/ هل لازم شهاده بنكيه عشان يحصل على قبول لان حسابه صفرررر وعايشين عالراتب

    2/ ولو جاب قبول جامعي هل يعتبرونه مرافق ويصرفو له راتب مرافق او يعتبرونه دارس على حسابه ....

    3/ ولو قدم القبول للوزاره ممكن يضمونه للبعثه على طول بما اني مبتعثه ...قبل لا اسافر دولة الابتعاث

    4/ هل من الضروري شراء سياره وكم راح تكون اسعارها .. او نشحن سيارتنا ..او نكتفي بوسائل المواصلات وكم راح تكلفنا كل شهر



    الوضع الامريكي السياسي الحالي يساعد اني ادرس بأمان وبدون اي مشاكل ؟؟



    الثالث

    افضل جامعه لدراسة التغذيه وافضل ولايه تكون الاسعار فيها متوسطه وطبيعه واسواق وترفيه لاني مقدمه دراسات عليا وضروري منها كلها
    وعليكم السلام ورحمة الله وبركاته .. لاتخافين انتي مستوفية الشروط يعني منقبلة في البعثة ...

    1-لازم شهادة بنكية لأن زوجك مو مبتعث ... اما انتي فالضمان المالي يجيك من الوزارة بلا مشاكل ..
    2- دام انك انتي مبتعثة فهو مرافق ولا مشكلة كون معه قبول جامعي أو لا ... ويتم صرف راتب المرافق له .. ويدرس اللغة على حساب الابتعاث .. وممكن يتم الحاقه ويكمل جامعة
    3- في ما مضى لا يمكنه الإلحاق إلا بعد الوصول هناك .. لكن ... في نظام جديد ماله الا اسبوع يتم تقديم الدراسة على حسابه الخاص هنا .. ولا اعلم حقيقة ما إذا يتم إلحاقه قبل السفر أم لا لكنه بنسبة97% لا لازم يسافر
    4- لا يختلف بحسب المدينة فيه مدن النقل فيها قليل واكثر المدن في امريكا فيها مواصلات وباصات وقطارات ... وبصراحة للعوائل أفضل لهم السيارة لانه فيه خطورة في القطارات في بعض المدن ... اما الشحن لا تفكرون فيه .. ضرايب = قيمة السيارة فأفضل شي تشترون سيارة من هناك .. والسيارات هناك رخيصة بس البنزين غالي جدًا ...
    5-امريكا شبه قارة .. في ولايات عنصرية زي ولايات الجنوب .. بس ولايات الشمال والشمال الغربي والشمال الشرقي مناسبة للدراسة والناس فيها تحترمك لو انتي لابسة نقاب .. يحترمونك ويحترمون ثقافتك ونادرًا ماتسمعين ألفاظ أو اي شي الكل محترم .. وستتفاجئين بأخلاقهم ..
    6-بالنسبة للجامعات لتخصصك لا اعرف حقيقة ...
    7 "
  4. 1- لازم ضمان بنكي وهو عبارة عن كشف حساب زوجك لمدة ثلاث شهور ويكون حساب زوجك فيه مبلغ لا يقل عن 50 الف ريال ( بالنسبة ل50 الف لو تسلفوها من احد وترجعوها له بعد ما تطلعون الكشف وانا نفس وضعك وزوجي سوا كذا ). لكن بمجرد توصلين امريكا تطلبين الحاقه بالبعثة
    2- يعتبر مرافق ولا شان للوزارة بدراسته الا بعد طلبك الحاقه بالبعثة
    3- المضمون حتى الان ا نه بمجرد دخوله امريكا وطلبه الالتحاق بالبعثة فانه يلحق
    4- مو شرط وبعض الاخوان يقولون سيارة نص عمر تسير على كيفك

    وبالنسبة لك انت انا زوجي كان نفس وضع زوجك متخوف وكذا لكن الحمد لله وافق بالاخير بعد ما طمنوه الاخوان اللي فيها وفي مثل يقول امش عدل يحتار عدوك فيك وهناك محد مستقعد لك مثل ما الكل يفكر بالعكس الشعب طيب جدا المهم احترام نظام البلد
    اما سؤالك الثالث فما ادري والله انت ادخلي موقع وزارة التعليم العالي وروحي للجامعات والمعاهد المسموحة واكتبي تخصصك وبتحصلي الجامعات المتاحة ومنها تنقي
    الله يسهل لك يا رب حاسة بمعاناتك لكن تاكدي ان الابتعاث فرصة ولا تضيعيها
    واي استفسار انا جاهزة
    7 "
  5. ^^^^

    اختي albo قلتي لازم ضمان بنكي وهذا خطأ .. اللي لازم هو الشهادة البنكية ... وعرفتي الضمان البنكي بأنه كشف حساب .. وهذا خطأ آخر ..

    الضمان البنكي غير الشهادة البنكية غير كشف الحساب ..

    الضمان البنكي هو عبارة عن مبلغ يقتطع من حسابك لشراء سلعة معينة ..

    مثلا واحد يبي شيء معين من شركة والشركة ماتضمنه يسدد وهو مايضمنها تعطيه السلعة ... فيروح يطلب من البنك اقتطاع قيمة السلعة من حسابه لصالح الشركة ويعطونه ورقة ضمان بنكي يخلي الشركة مطمئنة له وتعطيه على اثره السلعة .. واول ماتوصله السلعة الشركة ترسل اوراقها للبنك وان العميل استلم السلعة بتوقيعه .. البنك يرسل المبلغ للشركة

    اما كشف الحساب فهذا يطلبونه السفارة الأمريكية .. وهي عبارة عن وش يصير بالحساب من سحب وايداع خلال فترة معينة ... (والسفارة الامريكية تطلب 3 شهور للكشف) فيصير كشف الحساب يوضح خلال هالثلاث شهور وش سحبت وكم اودعت كل شي واضح بكشف الحساب ..

    أما الشهادة البنكية فهي عبارة عن ورقة توجه للمعهد أو الجامعة وبإسمهم مكتوب فيها أن هالشخص ترا عنده بالحساب المبلغ اللي تطلبونه .. ومافيها اي ايداعات او سحوبات ..

    ممكن الوالد او احد من المعارف يقوم بتحويل المبلغ لثواني على حساب زوجك ويسحب بها شهادة بنكية ويحطون في هالشهادة البنكية المبلغ اللي موجود بالحساب واول مايستلم الشهادة البنكية يرجع الفلوس لصاحبها بدون مشاكل ..
    7 "
  6. الله يسعدددددددددكم ويسهل اموركم

    من جد فرحت بردودكم

    لكن من خلالها طلع عندي كذا سؤال وتحملوني

    1/ طيب هل ممكن زوجي يطلع اجازه دراسيه من عمله بدون ما يجيب قبول جامعي .... يعني هل بتقبله الوزارة

    2/ الشهاده البنكيه لازم تكون الـ 50 الف خلال الثلاث الشهور او عادي نعطيهم كشف حساب ثلاث شهور وبعدها يكون الرصيد 50 الف <<<<< مدري فهمتوني او لا

    3/ اذا سوينا القبول الجامعي وزوجي قدم اجازه دراسيه من عمله وضبطنا امورنا ورحنا امريكا كم يحتاج زوجي عشان ينظم للبعثه كم شهر وهل خلال الانتظار يصرف له راتب او لا ... واذا كان لا هل مصروفي انا راح يعيشنا انا وزوجي خلال هالايام



    اسفه كثرت عليكم اسأله لكن تحملوني ابي اناقش زوجي وانا فاهمه كل شي
    7 "
  7. المشاركة الأصلية كتبت بواسطة مدمع الغيم
    الله يسعدددددددددكم ويسهل اموركم

    من جد فرحت بردودكم

    لكن من خلالها طلع عندي كذا سؤال وتحملوني

    1/ طيب هل ممكن زوجي يطلع اجازه دراسيه من عمله بدون ما يجيب قبول جامعي .... يعني هل بتقبله الوزارة

    2/ الشهاده البنكيه لازم تكون الـ 50 الف خلال الثلاث الشهور او عادي نعطيهم كشف حساب ثلاث شهور وبعدها يكون الرصيد 50 الف <<<<< مدري فهمتوني او لا

    3/ اذا سوينا القبول الجامعي وزوجي قدم اجازه دراسيه من عمله وضبطنا امورنا ورحنا امريكا كم يحتاج زوجي عشان ينظم للبعثه كم شهر وهل خلال الانتظار يصرف له راتب او لا ... واذا كان لا هل مصروفي انا راح يعيشنا انا وزوجي خلال هالايام



    اسفه كثرت عليكم اسأله لكن تحملوني ابي اناقش زوجي وانا فاهمه كل شي

    هلا اختي ..
    1. ممكن يطلع اجازه من عمله حسب عمله اذا بيوافق ولالا .. بس يعطيهم خطاب انو مرافق معاك وهذا تعطيك اياه الوزاره ..
    2. الشهاده البنكيه مو شرط ثلاث شهور يعني عادي تدخلين فلوسك الحين وتطلعين شهاده بنكيه بعدين تسحبينها بعد يوم او يومين.. الشهاده البنكيه تختلف عن كشف حساب وشوفي رد العضو shy heart .
    عشان ينضم زوجك للبعثه اتوقع لازم يخلص لغه وبعدين ينضم للبعثه.. واللغه يدرسسها على حساب الوزاره هي تتكفل بدراسته للغه .. .. وخلال هذي الفتره لين يضمونه للبعثه له مكافاة مرافق يعني انتي مكافاتك1847 دولار والمرافق 990 دولار ..
    موفقه واي استفسار لاتترددين بجاوب ان شاء الله اذا اعرفه ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.