مآسي وحقائق صدمتني !!!! .. تكملة ..

السلام عليكم .. مساؤكم صوم وتعب ..
ومبروك لمن ترشح .. ولعلها خير لمن رفض ..
ما احب المقدمات فببدأ بالموضوع على طول ..

اول شي تحية للاخت مريم على موضوعها
( http://www.mbt3th.us/vb/forum163/thread380802.html )
وكان نقلها ليعم الخير .. ولينتبهون قليلو الخبره ..
ويحذروا من ضعاف النفوس ..

يقول ..
داؤنا فينا ولو اننا اعتصمنا بكتاب الله ما استفحل داء ..

معناه .. اتركوا كل شي لله .. لا تحاسبوا فلان وعلانه ..
كلن يخطئ .. ولكن خير الخلق .. التوابين ..
فيعني يعطى لكل شخص حريته .. حنا علينا النهي والنصح كما امرنا ..
لكن ما باليد حيله .. الرسول عجز ان يخلي ابو طالب يسلم ..
فحنا وش بيدينا .. وكلام الاخت جاء من حرقه .. والله لا الومها ..

يعني بعطي مثال .. كم عدد الي طلعوا للابتعاث ..
نص مليون .. مليون .. اقصد لجميع الطلاب ..
يمكن احد يجي يصحح .. ويقول 300 الف ..
طيب .. السوال هنا ..
كم عدد الي رجعوا بشهاده ..؟؟!!!!!
خلونا نحذف طلاب السابعه والسادسه ..
قل باقي 150 الف .. كم عدد الطلاب والطالبات الي رجعوا بشهاده ..؟
انا اعرف اثنين بس .. وماستر شهادتهم ..

ليش ما يكون عتابنا .. وين الشهادات .. ؟
موب ليش تسوون كذا .. وليش ما سويتوا كذا .. هذا عتاب العاجز ..
اما من يروح للخراب .. هذي التربيه ..
والشرهه موب على الي يسوي هالاشياء ..
الشرهه على الاهل لانهم ما علموكم .. الكلام موجه للجنسين ..
اسف على الكلمة .. لكن لنتكلم بصراحه ..
ابوك قال لك اشرب .. قال لك ازني ..
والله لو يدري .. الله العالم وش بيسوي بك ..
وانتي يالبنت .. اخوك لو يدري انك مع واحد وش بيسوي .. خطر يذبحك ..

ومشكلتنا اننا نتهم ولا نلقي لها بالا .. حنا برمضان وخافوا كلمة .. تطيحك بسبعين خريف ..

همسة ..
الي يبي الخراب .. يلقاه هنا .. مثل ما قال بعض الاشخاص ..


وربنا يكتب الي فيه الخير .. ويوفقكم يا رب ..

دعو الخلق للخالق
كل واحد يشوف نفسه و يحاسب نفسه بنفسه
ولو كل واحد ووحدة حطو قدام عينهم دينهم و أهلهم و الهدف اللي جايين عشانه اللي هو العلم و الشهادة
كان ما شفنا و لا سمعنا بهالأشياء اللي قاعدة تصير و اللي قاعدة تشوه البرنامج سنة عن سنة

جزاك الله خير على كلماتك

يا سيدي الفاضل انت و صاحبة الموضوع السيدة الفاضلة ،،
الانسان صاحب المبدأ و التربية السلمية و الاهم من هذا اللي يخاف من ربه ما راح يوقع في هالامور ،،
و ياليت مثل ما نذكر هالامور اللي تصير نذكر الناس اللي رافعت راس اهلها و اثبتت صورة حسنة و عظيمة للاسلام و المسلمين
احد الاشخاص المقربين لي جدا كان خربااان و اقولها بكل صراحة كان انسان ضايع ،، طلع ودرس برا و رجع سبحان الله ملتزم
غيرته البعثه و فوقته 180 درجة .. و هو كان الله اعلم باحواله وهو هنا بوسط اهله ،،

اهم شي الواحد يخلص نيته و يحافظ على قيمه ومبادئه ويراقب ربه في كل خطوة ،، و احب اقولك انه لازم تتعود ع هالمواقف
وتصدق و لاتنصدم لانك راح تواجه في حياتك الكثير كذا .. فـ اتعود انك تتعامل مع مثل هالامور ... و الله يحفظ.

اقتباس:

---

المشاركة الأصلية كتبت بواسطة Hirako

يا سيدي الفاضل انت و صاحبة الموضوع السيدة الفاضلة ،،
الانسان صاحب المبدأ و التربية السلمية و الاهم من هذا اللي يخاف من ربه ما راح يوقع في هالامور ،،
و ياليت مثل ما نذكر هالامور اللي تصير نذكر الناس اللي رافعت راس اهلها و اثبتت صورة حسنة و عظيمة للاسلام و المسلمين
احد الاشخاص المقربين لي جدا كان خربااان و اقولها بكل صراحة كان انسان ضايع ،، طلع ودرس برا و رجع سبحان الله ملتزم
غيرته البعثه و فوقته 180 درجة .. و هو كان الله اعلم باحواله وهو هنا بوسط اهله ،،

اهم شي الواحد يخلص نيته و يحافظ على قيمه ومبادئه ويراقب ربه في كل خطوة ،، و احب اقولك انه لازم تتعود ع هالمواقف
وتصدق و لاتنصدم لانك راح تواجه في حياتك الكثير كذا .. فـ اتعود انك تتعامل مع مثل هالامور ... و الله يحفظ.

---

ياخي .. انا ما اتكلم عن حسن الظن ..
صح فيه ناس تغير من الاسوأ الى الافضل ..
انا اقصد .. ليش يسالون وش سوو .. ورا ما يسالون وين الشهاده ..
بس .

السلام عليكم ورحمة الله وبركاته


بارك الله فيك اخي العزيز والغالي .. احسنت فيما قلت لو بنناظر سلبيات الأمور بنتحطم وماراح نقدر نعمل شيء .. فلذلك يجب علينا كطلاب مقبلين على الغربة في بلاد بعيدة ان تسبقنا اليها فألنا بمستقبل راقي يليق بنا وبجهدنا ..

شكرا لك اخي عبدالله

جزآك الله خير ، فعلاً كلَآم مَنطقي وَمقبُول

وَالله يَ حبيبي اِحنآ عآرفين فِيه طلآب الله يهديهُم جآبُوآ الطعععه هِينآك ، بس وَالله تنقهَر لَم يجيك شخص بعد مَ خلص وَانبسط وآخذ الشهَآده وحقق طمُوحه يقعد ينتقد وبل فوق ذلك يكذب ويجعل فئه لآ تتجآوَز الـ 6% شمّآعه !
لآ العقل يقبل وَلآ المَنطق بالحسآب يقبل !

وَفِي النهَآيه (( إنك لآ تهدي مَن أحببت وَلكِنّ الله يهدِي مَن يشآء وهُو أعلمُ بالمُهتدِين ))

وَبعدين يَ عزيزي تعآل نشُوف نحسبهَآ مَع بعض ، D=

عدد المُبتعثين السعُوديين فِي آخر إحصآئيه 130 ألف طآلب - [ إحصآئيه 2012 ]
يعني بمُعدل 18500 طآلب فِي كُل مَرحلَه مَ بين مَقبُول وَملحق

يعني نقدر نآخذ عدد تقريبي ونقُول 9 - 10 ألف يقبلُون فِي كَل مَرحلَه ، و8 - 9 آلآف إلحآق كَعدد تقريبي سنوياً [ قد يزيد وَقد ينقُص ]

إذآ قلنآ أن درآسة المَآستر قد تستغرق 3 سنوَآت فمعنآتهَآ أن المُفترض حآلياً أن المُتخرجين فقط طلآب المَرحلَه الأُولَى والثآنيه وَالثآلثه . . وَالرآبعه مُو أكِيد
أمآ البآكلَوريُوس فأول دفعه ستتخرج إن شآء الله فـ المُفترض تكُون الصيف المُقبل بسبب طُول فترة الدرآسه ، :) - [ 6-7 سنوَآت تقريباً ]

يعني إذآ بتحآسب أحد علَى الشهَآده مَآلِك إلآ المَآستر والدكتورآه ، D:
أممآ البآكلَوريُوس تنفآهَم الصيف الجآي إن شآء الله ;)

أدري أنك قآعد تتكلّم بشكِل عآم . . ومَ حددت بآكلَوريُوس أو مَآستر لكِن دآم أن المَوضُوع تكمَلَه للسآبق وَفيه حسآبآت ، قلت أكمّل ردي وأحسب =)) ، وشُكراً أخي العزيز . . لآيك للمَوضُوع <3

الله المستعااان وانا من راي وجود محرم او عدمه مو هوا الاساس .. الاساس هيا التربيه فعلا المتربي يثبت انو مهما كانت الاغراءات مستحيل انو يميل لها وانا معاك في نقطه الشهادة .. المفروض هيا اول حاجه ينسال عنها لان البعثه الغرض منها الدراسه اولا واخيرا ومع كده مافي مانع من جانب السياحه اكيد هيا بلد غير وفيه فضول انو الانسان يتعرف عليها وعلى اهلها .. وفالاخر زي ماركزتو على الجانب السيء ركزو ع الجانب الايجابي عشان الناس تعرف ايش الاشياء الكويسه الي ممكن يعملوها طبعا غير الدعوة الى الاسلام وغيرها مع انها مهمة بس اكيد فيه اشياء غيرها كثييير

معليش كلامك صحيح ومو صحيح ... صحيح انك تاخذ واحد\وحده توه طالع من البيضه وترميه للخارج للدراسة هذا غير منطقي ابدا ~~ لانه ابدا ما راح يقدر الشهاده اللي بيحصل عليها لو اجتهد
مو صحيح لانه الى الان احنا باقي في فترة الزراعة وما جاء وقت الحصاااد :) , ومن ناحية السرابيت والدجه انت صادق بس وش تسوي ؟؟ ترسل الهيئة وراهم ؟! حدث العاقل بما يعقل
البعثات فعلا نتائجها مطلوبه عن طريق العشوائية والدليل العدد الكبير من الطلاب والدارسين حول العالم لكن ارسل عشرة وخل 9 يجون مرضى وواحد صاحي ينفعني

مدري ليش بس حاس ان المواضيع هذي بتملى المنتدى منها


المهم الخلاصة:

قفلوا على المواضيع هذي وترى اللي مبتعثين اعمااااارهم فوووق 18 محد مسؤول عنهم اذا ما يعرفون مصلحتهم هذي مصيبة

والنصيحة اخواني مو ذكر عيوب الاخرين وتقولون فيهم وسووا وغلط ووو

النصيحة ذكر الايجابيات

يعين لو جاني واحد وقالي البنطلون اللي انت لابسة مسبل وحرام وغيروك الغرب ونت بجهنم وانت متشبهه بالكفاار وووو هل هذا مقنع؟؟؟؟

الموهم ترى قبل ع العموم كان السفر لبلاد الكفار حرا من غير ضروريات الحياة

والدراسة برى حاجة وليست ضرورية ،،، مدري الحين يمكن تغيرت وصارت الحاجة حلال وبس السكر والزني حرام؟؟

مع اني قلت سابقا السلف والصحابة ووو ابتعثوا لتعلم اللغة العبرية ...

الخلاصة اتركوا المواضيع هذي..... واللي بيخرب ما يشمله غيره،، والله ياما ناس ضاع مستقبلهم علشان غيرهم سجل بجامعة وخرب،،، عاد ابوه قاله شوف ولد عمك خرب :) وخلاص اقعد مافيه جامعة وخلك بالثنوي وتوظف ووو... وضيع مستقبل ولده ..

القمر جزء منه مظلم وجزء مضيءفاانظر يااخي للجانب المضيء واترك الجانب المظلم

اتمنى فهمت مقصدي