مساعدة مبتعث من المرحلة السآإبعة بخدمنكم والإجآإبه عن إستفساراتكم = )

الدورات الي تاخذها في بلدك ماتفيد الا فائده شخصيه لك انته ولكن هنا في امريكا على الاغلب لا يعترف بها

بالنسبه للمعدل تقدر تشوف شروط الابتعاث في التعليم العالي هذا اذا كنت تفكر تطلع كبمتعث على حساب التعليم العالي .... اذا كنت مرافق لا وضعك يختلف ... تقدر طبعا تدرس

بالنسبه للتوصيات .... الدكاتره ما اتوقع بتفيدك .... امــير ممكن تفيدك

نعم مسئله اللغه جدا مهمه قبل الابتعاث بشهرين على الاقل حاول تاخذلك دوره لغه انجليزيه وحاول تركز فيها بكل جهدك

انته رايح على بلد مايتكلمون عربي نهائيا ... فاذا ماعندك اساسيات الانجليزي راح تحوس خصوصا في المطار والفنادق اول ماتوصل ... وحتى عند دراستك اللغه هنا راح تحس انك مو فاهم المدرس ايش قاعد يقول ويجيك احباط وحاله نفسيه سيئه ... ان الوقت يمر عليك وانت ماتفهم شئ

لكن لو اخذت في بلدك دوره مبسطه وتعلمت الاسياسات ... بيختلف وضعك كثير ... بتصير تقدر توصل الي تبغاه بكلمات حتى لو كانت مكسره ولكنك على الاقل تستطيع ان توصل المعلومه

وراح تسهل عليك كثير الدراسه لانه عندك اساسيات ... تقدر تقول للمدرس مافهمت ... عيد ... وزي كذا ..

بالنسبه لتعلم اللغه الانجليزيه بشكل عام حتى لو كنت في بلدك وهي طبعا صعبه شوي تعلمها في السعوديه بحكم الي ممكن يتحدثون معاك انقليزي قليل لكن في شروط لو حققتها اضمن لك باذن الله تصير بلبل

1- التحق بمعهد قوي
2- كثر من زيارات الاماكن الي يتواجد فيها عماله تتحدث انجليزي وابدا مارس معهم اللغه ...
3- حمل افلام امريكيه مع ترجمه انجليزيه .... وهذي جدا مهمه ... انته لما تشوف شخص يقول كلمه وتنكتب قدامك بنفس الوقت هذا يخليها ترشخ في بالك لفتره طويله ..... يعني عادي تابع الافلام الي تحبها بس مع الترجمه الاجليزيه وكرر الفيلم اكثر من مره .... بالبدايه ماراح تفهم شئ لكن مع التكرار راح تلاحظ ان الكلمات تبدأ توضح شويه شويه
واعطي نفسك وقت يعني لا تتوقع انك بعد مشاهده فيلم واحد اكثر من مره تصير بلبل ... لا هذي الاشياء يكتسبها الانسان مع الوقت والتكرار
4- شارك في المنتديات الاجنبيه عن الشئ الي تحبه او هوياتك ... الاجانب مجانين لكل هوايه في الدنيا تلاقي لها تجمع ... اللجوء لتعلم اللغه عن طريق الهوايات ومشاهده الاشياء الي تحبها راح يخدمك بطريقه ماتتصورها في تعلم اللغه
5- بعض المنتديات العربيه يوجد بها اقسام لتعلم اللغه الانجليزيه .... خذلك فكره عن قواعد اللغه الانجليزيه وابدا تعلمها وحده وحده واعطي لكل قاعده وقتها
6- فيه كتب لتعلم اللغه الانجليزيه تبدأ بك من الصفر ... ومعاها سيديات تسمع فيها المحادثات الموجوده بالكتاب ... اشتري كتاب المرحله الاولى ,.... واجلس عليه ولا تتركه الا وانت فاهم كل شئ فيه وتراها سهله وفيه رسوميات تساعدك على فهم معنى الكلمه زي سلسله كتب تعليمه اسمها Interchange



شوف يااغالي ( من جد وجد ومن زرع حصد - ومن سار على الدرب وصل )

ركز على الجزئيه الي بالاحمر ...

اكمال الدراسه يعتمد على رغبتك ومستوى الطموح عندك ... كل مازاد طموحك راح يزيد نجاحك باذن الله مهما صعب الموضوع
تحتاج لاكمال الدراسه في الولايات المتحده الامريكيه لمرحله الماستر
لغه انجليزيه طبعا ممتازه تأهلك لاجتياز التوفل او الايلتس وهي اختبارات لتحديد مهارات اللغه ... معظم الجامعات تطلب 6.5 ايلتس او 80 + اكثر من ثمانين في التوفل
مع العلم انه فيه جامعات تقبل اقل من كذا
هناك اختبار اخر شبيه باختبار القدرات بالسعوديه لبعض التخصصات ولكن باللغه الانجليزيه ... الفائده منه معرفه قدرات الطالب واستعداده الذهني للدراسه

الحكومه ما عليها الا توديك وتعطي المعهد دراهمه بسس ..~

والباقي كله عليك = (

اخوي Btw7shny
بغيت اسألك عن المرافق
انا مرافقي اخويه ويبغى يكمل بكالوريوس في امريكا مع العلم ان تخصصه ادبي فهل هذا عائق كمان هو موظف وعنده خبره تعادل 8 سنوات في وزارة التعليم
درس في تخصص الاعلام بجامعة سعودية مدة ثلاث مستويات فهل راح تفيده ولا ما كانه درس ؟؟؟

اللي عنده معلومات تفيدني يا ليت يعطيني الله يكتب له راحة البال

اخ كازانوفا، هل بإمكاني تغيير بيانات الاتصال في نموذج طلب الالتحاق بالبعثه بعد الانتهاء من فترة التعديل؟ وازا لا هل يمكنني تغييره في موعد التدقيق؟

مرحبا اخوي يعطيك الف عافيه
اتمنى انك تقدر تفيدني
انا مقدم زماله طبيه ولحد الان ماوصلتني لارسالة رفض و لا رسالة قبول معظم الناس و صلتهم ؟
هل هذا يعني ان انا مو مقبول مع العلم ان الطلب مازال تحت التدقيق
هل في احتمال يرسلوا الاسبوع الجاي
شنو اسوي هل اروح الوزارة او انتظر التدقيق واروح اي يوم؟

شكرا جزيلا واسف عالاطاله

اي افضل قبول المعهد الوزارة تجيبه او أنا اجيبه
واذا حددت معهد معين للوزارة يجيبون لي قبول فيه

هل يطلبون نسخ طبق الاصل للمستندات المطلوبة


هل يطلبون نسخ طبق الاصل للمستندات المطلوبة