مساعدة مبتعث من المرحلة السآإبعة بخدمنكم والإجآإبه عن إستفساراتكم = )

السلام عليكم أنا حاب استفسر أنا اخترت التخصص علوم طبية و اريد أغيره الى الهندسه هل لما اروح التدقيق أقولهم ولا بعد سنة اللغة في دولة الابتعاث؟؟

السلام عليكم .. اخوي حاب اسألك ,, اللحين اذا طلبت قبول مشروط من اي جامعه و وصلني و قدمته للملحقيه هل استطيع ان اغير الجامعه او التخصص قبل ابتدأ الدراسه ؟ وشكرا

السلام عليكم

أنا وصلتني رساله بالقبول بالمرحلة الثامنة
بس قبل شهر لما سجلت بالمرحلة الثامنة ,, وضعت النسبه 3.75
لأن وقتها باقي ما نزلت نسبتي
وبعد التخرج بنصف رمضان , ظهرت نسبتي = 3.67

فهل أذهب لموعد التدقيق ,, وهل فيه أمكانية بأن يتم قبولي في البعثة

روح كلمهم ... وعدل .... او تقدر تحطهم امام الامر الواقع وتجيب لك قبول هندسه من احدى الجامعات

وفي كل الحالتين وضعك راح يمشي ان شاء الله لاتخاف

والافضل اثناء دراسه اللغه تطلب تغيير تخصص الدراسه الجامعيه وهذا الخيار اعتقد موجود عندما تفتح ملف طالب بالملحقيه

بس ترا الوضع سهالات لاني سمعت عن ناس غيرو لتخصصات حتى غير موجود بالقائمه الي واضعتها لالمحقيه ومشي الحال

زي البعض مثلا رياض اطفال ووضعوهم ماستر تسويق لعدم وجود قسم رياض اطفال

بس بعد سنه اللغه جابو قبول ماستر رياض اطفال ومشي حالهم

انت تعال وامورك كلها بتتيسر باذن الله

سلاااااااااااااااااام

كيفك اخوي ؟؟

كل عاام وانت بخير بعد الزحمه

حبيت اسألك > انا قدمت ع طب في المانيا كرغبه اولى وكلنا نعرف انه في مفاضله في الطب وانا ما عندي ايلتس والي بغيت اعرفه هل اختبار الايلتس لازم احضر النتيجه وقت التدقيق ام فيه موعد اخر ؟؟

هل يشترط حضوري لنفس مركز التدقيق لاني كتبت الرياض وانا في جده
وهل لابد من وجود طبق الاصل للشهادة لاني برضه في جده والجامعه في الرياض
ولا استطيع الذهاب للرياض لظروف خارجة عن ارداتي

ارجوا مساعدتي ولكم جزيل الشكر مقدما..

السلام عليكم
صراحة أشكرك على الجهود وأشكر كل المساعدين
عندي استفسار
هل أنا إلي اجيب قبول المعهد والجامعة ؟
إدا كنت أنا إلي أجيب قبول المعهد والجامعة متى أبدأ أراسلهم
ومتى يعطوني الضمان المالي علشان أبدأ هدا لو كنت أنا الي أجيب القبول
ومتى تقول لي الوزارة بالبلدة الي راح أدرس فيها
وإدا عندكم معلومات من بعد التدقيق وش صار اللعام
وشكرا واسمح لي على الاسئلة الكثيرة

اخواني انا شايف ان البعض الله يهديه يسئلني وكأني موظف في الملحقيه

اخواني انا لا اعمل بالملحقيه انا طالب مثلكم ولكن من المرحله السابعه ... وكل الاجوبه الي عندي هي خلاصه تجاربي ومحاولتي قبلكم فلذلك اعتذر للبعض لأنني الحقيقه لا اعرف الجواب ويحتاجون لسؤال موظفي الوزاره عن الجواب الصحيح
اتمنى محد يزعل مني وانا بحاول افيد بقدر المستطاع

اخوي بالنسبه للجامعه او المعهد تقدر تغير على كيفك طالما انت في السعوديه ... بس اذا جيت هنا امريكا ... يصير لك تغيير واحد فقط للمعهد وتغيير واحد فقط للجامعه .... وتحتاج واسطه اذا حاب تغير بعد كذا

اخوي هذا يعتمد على اذا كانت نسبتك الحقيقه ... يشملها الابتعاث اولا ؟؟؟

اذا كانت نسبتك بعد التعديل تطابق الشروط فروح عادي وقول انك غلطت في الادخال

اذا كانت نسبتك بعد التعديل لا تنطبق على شروط الابتعاث ... تحتاج واسطه علشان تعدي

هلابك الله يحفظ

وانت بصحه وسلامه يارب

بالنسبه لسؤالك ... الحقيقه ليس لي علم نهائيا لا بالطب ولا بدراسته ... وانصحك تسئل موظفي الوزاره تطلع لهم الرياض او ترسل لهم احد من معارفك


عادي مراكز التدقيق في اي مكان ماعندك مشكله اهم شئ تحضري

طالما بتحضري في مدينه غير ال ي اختاروها لك

نصيحتي اذهبي في اول يوم ومن الصباح الباكر واشريحلهم الوضع علشان يسوون لك بطاقه حضور الملتقى ويسجلون اسمك في جده



نعم انته الي تجيب قبول المعهد والجامعه ... مع العلم ان هناك موظفين تابعين للملحقيه الثقافيه بالولايات المتحده الامريكيه وموزعين على معظم الولايات ومن مهاهم جلب القبول ... ولكن طلباتهم كثيره وماتضمن يحطوك في معهد زي الناس .... لذلك انصجك بجلب القبول لنفسك بعد السؤال

تبدأ تراسلهم بعد حصولك على الضمان المالي فورا

الضمان المالي عاده يعطى في الملتقى او قبله او بعد باسبوع

البلد الي راح تدرس فيه حسب الي اخترته ياغالي في استماره التقديم .... وغالبا راح تجيك الرغبه الاولى

سؤال الاخير مافهمته ياليت توضح لي علشان اقدر افيدك

موفقين يارب

تسلم ماقصرت واسمح لي على الاسئلة الكثيرة
والله يا غالي الواحد في حيرة مايدري وش يسوي والوزارة ماتعطي معلومات كفاية
واشكرك مرة ثانية

- - - مشاركة محدثة - - -

تسلم ماقصرت واسمح لي على الاسئلة الكثيرة
والله يا غالي الواحد في حيرة مايدري وش يسوي والوزارة ماتعطي معلومات كفاية
واشكرك مرة ثانية

سؤالي لكم مرافقي اجنبي الجنسيه ..
هل ستصرف له مكافأه ؟؟
هل يستطيع دراسه اللغه علي حساب الوزاه؟؟
انا اتمني اللي يرد علي سؤالي يكون مجرب او يعرف شخص مجرب مو من توقعات او ظنون
وشكرا