المشاركة الأصلية كتبت بواسطة فلسفة كيميائي
السلام عليكم .."
كل عام وأنتم بخير .."
انا طبعاً مازلت ادرس .. طالع لسنه الثالثه بكلية العلوم تخصص كيمياء تبقى لي سنه ..
معدلي : 2.21من4 ..
اوّد ان استفسر عن الابتعاث واجراءته .. مثلاً هل الدورات تفيد لمن يقدم على الابتعاث كالانجليزي والحاسب وغيرها من الدورات الاسبوعيه واليوميه .؟
هل اذا كان المعدل اقل من 2.75 يُمكنه من الابتعاث .؟ وكم تتووقعون أقل معدل يمكن أن يُبتعث .؟
اذا جبت توصيه من أمير ومن الدكاتره بالجامعه .. هل تُفيدني بالترشيح .؟
اللغه عندي ضعيفه جداً .. والسبب دراستنا مازلت باللغه العربيه ..! ماهو العمل اللذي اقوم به حتى اكون مُجهز للإبتعاث اذا حصل لي فرصه ان شاء الله او حتى لو كان بوظيفه .. الوظائف حالياً تشترط اللغه .."
أتمنى توجيهي لطريق الصحيح لإكمال الماستر .. بعد التخرج بأذن الله .. وكذلك ياليت توجهوني على الطريق الصحيح من هذا اليوم حتى تخرجي بأذن الله , .."
لأن معلومات الابتعاث لا اعلم عنها إلا بحاجات بسيطه كقبول من جامعه او معهد وغيرها .."
..
والله يعطيكم العافيه ."
الدورات الي تاخذها في بلدك ماتفيد الا فائده شخصيه لك انته ولكن هنا في امريكا على الاغلب لا يعترف بها
بالنسبه للمعدل تقدر تشوف شروط الابتعاث في التعليم العالي هذا اذا كنت تفكر تطلع كبمتعث على حساب التعليم العالي .... اذا كنت مرافق لا وضعك يختلف ... تقدر طبعا تدرس
بالنسبه للتوصيات .... الدكاتره ما اتوقع بتفيدك .... امــير ممكن تفيدك
نعم مسئله اللغه جدا مهمه قبل الابتعاث بشهرين على الاقل حاول تاخذلك دوره لغه انجليزيه وحاول تركز فيها بكل جهدك
انته رايح على بلد مايتكلمون عربي نهائيا ... فاذا ماعندك اساسيات الانجليزي راح تحوس خصوصا في المطار والفنادق اول ماتوصل ... وحتى عند دراستك اللغه هنا راح تحس انك مو فاهم المدرس ايش قاعد يقول ويجيك احباط وحاله نفسيه سيئه ... ان الوقت يمر عليك وانت ماتفهم شئ
لكن لو اخذت في بلدك دوره مبسطه وتعلمت الاسياسات ... بيختلف وضعك كثير ... بتصير تقدر توصل الي تبغاه بكلمات حتى لو كانت مكسره ولكنك على الاقل تستطيع ان توصل المعلومه
وراح تسهل عليك كثير الدراسه لانه عندك اساسيات ... تقدر تقول للمدرس مافهمت ... عيد ... وزي كذا ..
بالنسبه لتعلم اللغه الانجليزيه بشكل عام حتى لو كنت في بلدك وهي طبعا صعبه شوي تعلمها في السعوديه بحكم الي ممكن يتحدثون معاك انقليزي قليل لكن في شروط لو حققتها اضمن لك باذن الله تصير بلبل
1- التحق بمعهد قوي
2- كثر من زيارات الاماكن الي يتواجد فيها عماله تتحدث انجليزي وابدا مارس معهم اللغه ...
3- حمل افلام امريكيه مع ترجمه انجليزيه .... وهذي جدا مهمه ... انته لما تشوف شخص يقول كلمه وتنكتب قدامك بنفس الوقت هذا يخليها ترشخ في بالك لفتره طويله ..... يعني عادي تابع الافلام الي تحبها بس مع الترجمه الاجليزيه وكرر الفيلم اكثر من مره .... بالبدايه ماراح تفهم شئ لكن مع التكرار راح تلاحظ ان الكلمات تبدأ توضح شويه شويه
واعطي نفسك وقت يعني لا تتوقع انك بعد مشاهده فيلم واحد اكثر من مره تصير بلبل ... لا هذي الاشياء يكتسبها الانسان مع الوقت والتكرار
4- شارك في المنتديات الاجنبيه عن الشئ الي تحبه او هوياتك ... الاجانب مجانين لكل هوايه في الدنيا تلاقي لها تجمع ... اللجوء لتعلم اللغه عن طريق الهوايات ومشاهده الاشياء الي تحبها راح يخدمك بطريقه ماتتصورها في تعلم اللغه
5- بعض المنتديات العربيه يوجد بها اقسام لتعلم اللغه الانجليزيه .... خذلك فكره عن قواعد اللغه الانجليزيه وابدا تعلمها وحده وحده واعطي لكل قاعده وقتها
6- فيه كتب لتعلم اللغه الانجليزيه تبدأ بك من الصفر ... ومعاها سيديات تسمع فيها المحادثات الموجوده بالكتاب ... اشتري كتاب المرحله الاولى ,.... واجلس عليه ولا تتركه الا وانت فاهم كل شئ فيه وتراها سهله وفيه رسوميات تساعدك على فهم معنى الكلمه زي سلسله كتب تعليمه اسمها Interchange
شوف يااغالي ( من جد وجد ومن زرع حصد -
ومن سار على الدرب وصل )
ركز على الجزئيه الي بالاحمر ...
اكمال الدراسه يعتمد على رغبتك ومستوى الطموح عندك ... كل مازاد طموحك راح يزيد نجاحك باذن الله مهما صعب الموضوع
تحتاج لاكمال الدراسه في الولايات المتحده الامريكيه لمرحله الماستر
لغه انجليزيه طبعا ممتازه تأهلك لاجتياز التوفل او الايلتس وهي اختبارات لتحديد مهارات اللغه ... معظم الجامعات تطلب 6.5 ايلتس او 80 + اكثر من ثمانين في التوفل
مع العلم انه فيه جامعات تقبل اقل من كذا
هناك اختبار اخر شبيه باختبار القدرات بالسعوديه لبعض التخصصات ولكن باللغه الانجليزيه ... الفائده منه معرفه قدرات الطالب واستعداده الذهني للدراسه
المشاركة الأصلية كتبت بواسطة mohdqaz
الله يجزاك خير على التفاعل
سؤلي لك هل يوجد اختبارات بعد الانتها من فترة اللغة لابد من اجتيازها للقبول في الماجستير حتى وان كنت في معهد تابع للجامعة ؟ وهل تعبر الدرجه المطلوبه ان وجد شي تعجيزي
توجد امتحانات تدعى الجيمات ... عمليات حسابيه ومنطقيه باللغه الانجليزيه .......... ليس صعب على الي بيركز وهي ليست الزاميه لكل التخصصات على حد علمي
الدرجه المطلوبه تتفاوت على حسب قوه الجامعه ... مو كل الجامعات زي بعض
فيه جامعات ضعيفه ترضى بدرجات قليل وفيه العكس ... وكل ما اهتميت اكثر ابدعت اكثر المسأله نسبه وتناسب
ان اعطيت من وقتك 100 % للدراسه = راح تتفوق بشكل مو طبيعي ... ولكن قله في العالم من يملكون هذا النوع من التركيز
ان اعطيت من وقتك 80% للدراسه = بتتخرج بممتاز او جيد جدا مرتفع .... هذي مقدور عليها ولو انه يبغاله وقفه مع النفس
ان اعطيت من وقتك 60-50 % للدراسه = بتتخرج تخرج عادي ماعليه الكلام ... هذي الي معظم الناس ماشيه عليه ... لانه تقسم وقتك بين الدراسه والتسليه
ان اعطيت من وقتك اقل من كذا = تبدأ تدحدر في الدراسه الى ان تفشل لا سمح الله
موفقين ياجماعه
kaznofa August 23rd, 2012, 09:18 PM
- - - مشاركة محدثة - - -
يعطيك العافية اخي محب مالك