الأعضاء الإشتراك و التسجيل

الملتقيات
ADs

مستوفي الشروط وحاصل على 6 بالآيلتس ..وقتلتني الحيرة

مستوفي الشروط وحاصل على 6 بالآيلتس ..وقتلتني الحيرة


NOTICE

تنبيه: هذا الموضوع قديم. تم طرحه قبل 4249 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. عذراً احبتي
    لاكن كلام كثير مس قسم اللغه الانجليزيه وحز في قلبي
    انا خريجة قسم اللغه الانجليزيه من جامعة أم القرى
    واعذروني لاكن لازم ادافع عن قسمي


    اولاً
    انا أأكد كلام الاخت khado
    بالنسبه ان تخصص اللغه الانجليزيه مو من السهل ان الواحد يدخل فيه
    سار الدخول فيه جداً صعب
    وكل سنه مايقبلو الا عدد محدود من الطلاب والطالبات


    ثانياً
    القسم اغلب الناس يحسبوه شي سهل لانه لغه انجليزيه
    لاكن في الواقع هو اكثر من ان الواحد يدرس مجرد لغه انجليزيه
    الواحد يدخل ويتعلم علوم اللغات والادب
    وفي مواد كثير صحيح اننا ندرسها باللغه الانجليزيه
    لاكن لها علاقه بكل لغات العالم
    وبحر من المعلومات الرائعه الا تفيد الواحد يفهم مو بس طبيعة الانقلش
    بل يخليه يفهم طبيعة جميع لغات العالم
    هذا غير مواد الادب طبعاً


    الانقلش قسم يدخله الا يبغى يتعلم علم الانقلش واللغات والادب
    مو الا يبغى يتعلم الانقلش كلغه بحته!
    وهذا كلام انقال لنا من قِبَل معيداتنا من المستوى الاول
    حتى قالولنا الا داخله القسم عشان تتعلم اللغه ننصحها تسحب نفسها وتحول على قسم تاني
    لانه مو قسم لتعليم الانقلش كـ لغه !
    فـ ياجماعه لو سمحتوا لا احد يستهين بقسم الانقلش


    تعليقاً على كلام الاخ Expat
    الكلام هذا مو شرط ينطبق على الكل
    انه شخص يدخل شي ماكان يبغاه ويسير يحبه
    هذا الشي ما يحصل الا لـ القليل
    فـ اغلبية الناس مايمشو في شي الا اذا كانو يحبوه



    ودحين اوجه كلامي لـ الاخ يارب الخيره
    اذا انت حاب الانقلش كـ قسم نفسك تدخل فيه وتتعلم في علومه وفي علوم اللغات اكثر واكثر
    ادخله حتى لو ابتعثت!
    لانك طالما حابه حتمشي فيه وحيعجبك الا حتتعلمه
    واقول كلامي عن تجربه شخصيه مني


    اما اذا انت فقط حاب الانقلش ونفسك تتعلمه كـ لغه فقط
    انصحك لا تدخل قسم الانقلش وادخل اي قسم تاني تشوفه ممكن يناسبك
    واذا رحت البعثه راح تتعلم الانقلش كـ لغه وتتدرب عليها between native speakers
    بالتالي حتكون هذي افضل بيئه تتعلم فيها اللغه واراح تتعلمها كويس بإذن الله


    بالنسبه انك تطلع بعثه انا ماراح اقولك احسن اطلع او لا تطلع
    لان في النهايه هذا قرارك انت لحالك وانت الادرى بمصلحة نفسك
    وانت اعرف بطبيعتك وشخصيتك


    بس حقولك كلام ممكن يساعد انك تفكر
    بالنسبه انك ماتقدر تستغني عن اهلك
    فـ هذا شي طبيعي جداً
    محد مايقدر يستغني عن اهله
    لاكن احياناً الواحد لازم يضحي في سبيل مستقبله
    وطبيعي اي احد اول مايطلع البعثه حيحس بغربه ووحده ووحشه
    لانه دخل في دنيا جديده وعالم جديد لحاله
    لاكن مع الوقت راح يخف هـ الاحساس والواحد يتعود على وجوده لحاله
    والحمدلله احنا في زمن التطور
    عندنا نت ولابات وآيبادات وكل حاجه
    اي وقت اهلك يوحشوك تقدر تتواصل معاهم وتكلمهم
    كان ولد خالتي في بعثه و والله كان ٢٤ ساعه متصل سكايب مع اهله
    فكانو طول الوقت كانهم معاه
    يعني عادي الحمدلله الامور اتيسرت مو زي ايام زمان


    انا اعرف ناس زمان مررره كانو يدرسو في امريكا
    كانو كل ٣ شهور اعتقد يكلمو اهلهم مكالمه تلفونيه وحده!
    لان كان موضوع المكالمات جداً صعب
    وطبعاً ماكان في تطور ونت وحركات


    من ناحية الانطوائيه
    انا اقولك عن تجربه شخصيه
    ايام الثانوي كنت جداً انطوائيه وما اكلم احد غير my best friend
    بس اول مادخلت الجامعه (واعرف ناس كثير مثلي)
    اتغيرت ١٨٠ درجه
    لان طبيعة الجامعه تغير الناس الانطوائيين ويسيرو اجتماعيين
    ان كان مو بيدهم غصبن عنهم
    لان الواحد يضطر احياناً مثلاً في كورس معين يتعرف ع احد تاني عشان ياخد رقمه
    يسير يسالو عن اي حاجه يبغاها مستقبلاً


    صح انها يكون شي لتبادل مصالح
    لاكن مع الوقت حتلاحظ نفسك بسبب هـ الشي تسير اجتماعي اكثر
    ليش؟
    لان طبيعي محى تجي لاحد من الباب للطاقه تقوله اديني رقمك لازم سلام وكلام وخرابيط
    بعدين تاخد الرقم
    فحتسير تتعود تتكلم مع الناس وتسير اكثر انفتاحيه


    وانا صدقني وربي كنت مافي احد انطوائي في العيله اكتر مني
    لاكن سبحان الله اتخرجت من الجامعه وانا اعرف ٣ ارباع بنات دفعتي !
    ومو بس صداقة مصلحه
    لا صداقه صداقه
    احبهم كلهم واعزهم


    نجي في حال انك ابتعثت
    الوضع ماراح يختلف كثير
    بالعكس حيكون احسن


    لانه طبيعي بسبب الوحده وانه مافي احد معاك
    حتضطر انك تتعرف ع الاقل ع الناس الا في دفعتك من البعثه
    عشان يشغلو تفكيرك عن الوحده
    وعشان ممكن هم الوحيدين الا يكونو عرب حولينك
    فـ هذا الشي حيعودك شوي شوي انك تكون اجتماعي
    غير كدا الاختلاط مع الناس الاجانب برضو حيساعد
    وياريت ما انفهم غلط من هذي الناحيه
    لاني بتكلم عن الاختلاط بطريقه علميه


    يعني
    انك حتكون تضطر تتكلم معاهم وتتعامل معاهم في حياتك اليوميه
    منها عشان تقضي احتياجاتك من تسوق وغيره
    ومنها لانك تكون تبغى تقوي لغتك




    وفي الاخير
    اقولك مثل الكلام الا قاله الكل
    استخير وفكر في الموضوع واتوكل على الله
    واذا فيه خيره لك انك تبتعث
    ربنا راح ييسر ويسهل امورك بإذن الله




    الله يوفقك اخوي
    العذر والسموحه ان كنت طولت في كلامي
    وآسفه ان كنت اتطاولت ع احد في الكلام بدون قصد
    7 "
  2. بصراحه أنا أشوف انو الي يقلك ادخل ذا التخصص ولا تدخل ذاك وبتمشي هنا وما بتمشي هناك( يضحك عليك)
    ماشاء الله درجآتك تدخلك الي انت مقتنع فيه والي تحبه والي تبغاه
    يعني لو تحب شي مآبتشوفه صعب ولو كان صعب راح تستحمله ولو دخلت شي سهل ما تحبه راح تمل منه لكن بتكون مجبور انك انك تكمل
    وبعدين أنا أشوف الي يجيب ذي الدرجات ماشاء الله لازم يكون حاط فباله شي يبي يطوله
    بس لازم تفكر فيما بعد الدراسة ايش المجالات الي ممكن تشتغل فيها هل بتعجبك ولا لا
    وعن الغربه والأهل
    اكيد انه مافي احد يحب انه يسيب أهله لكن ذا مستقبلك الي تعبت وانت تذاكر عشان تجيب هاالمعدلات
    واكيد انو الكل بيتأثر انو بيسيب أهله ويسافر
    لكن أكيد انك بتتزوج وتسيبهم يعني بتبعد عنهم الحين ولا بعدين
    و عليك بالخيره....
    ما تدري فين ولا ايش ربك كاتبلك
    7 "
  3. أخت ميرو,,,, الله يجعل ترابك الريحان وملبوسك الحرير وحياتك كلها جنان ...دعوة صايم ..وكفيتي ووفيتي يا بنت الطيبيين...شعور غريب ورائع لما شخص ما تعرفه ولا يعرفك يتعب نفسه معاك ويتفاعل ويسترسل بالكلام...الله يوفقك بدينك ودنياك ويجعل حياتك كله علم ونور
    7 "
  4. المشاركة الأصلية كتبت بواسطة تحت التدقيق
    بصراحه أنا أشوف انو الي يقلك ادخل ذا التخصص ولا تدخل ذاك وبتمشي هنا وما بتمشي هناك( يضحك عليك)
    ماشاء الله درجآتك تدخلك الي انت مقتنع فيه والي تحبه والي تبغاه
    يعني لو تحب شي مآبتشوفه صعب ولو كان صعب راح تستحمله ولو دخلت شي سهل ما تحبه راح تمل منه لكن بتكون مجبور انك انك تكمل
    وبعدين أنا أشوف الي يجيب ذي الدرجات ماشاء الله لازم يكون حاط فباله شي يبي يطوله
    بس لازم تفكر فيما بعد الدراسة ايش المجالات الي ممكن تشتغل فيها هل بتعجبك ولا لا
    وعن الغربه والأهل
    اكيد انه مافي احد يحب انه يسيب أهله لكن ذا مستقبلك الي تعبت وانت تذاكر عشان تجيب هاالمعدلات
    واكيد انو الكل بيتأثر انو بيسيب أهله ويسافر
    لكن أكيد انك بتتزوج وتسيبهم يعني بتبعد عنهم الحين ولا بعدين
    و عليك بالخيره....
    ما تدري فين ولا ايش ربك كاتبلك

    هاذي هي مشكلتي ..والحمد لله على كل حال ربي ما عطاني هالدرجات وفتح كل الأبواب قدامي الا لحكمة خفية .... أنا لا أخفيك مهمل ولاني راعي دراسة ..أدخل الإختبارات بدون مذاكرة بس سبحان الله ما واجهت صعوبة أبدا لا بقدرات ولا بتحصيلي ولا بأي اختبار..والمشكلة لو أقول ايش كان طموحي قبل ما اتخرج من الثانوية تضحك....كنت أبشتغل بشركة بترول ببرنامج اسمه التدرج الوظيفي لخريجي الثانويات...ويوم جيت أسجل مسكني واحد من اللي اعرفهم وقال لي صاحي انت ولا مجنون ..وشوي ويطقني الحمد لله على كل حال
    7 "
  5. السلام عليكم

    الله يوفقك اخوي و يسرلك الخير اهم شي انت حط ببالك ان لاااازم تدرس شي تحبه و مقتنع فيه و الشي الثاني ان استشر اهلك و شوف ايجابيات وسلبيات الاالخيارات الا قدامك اما عن الغربه اكيييد الغربه صعبة بس ترى سعوودين ملياانين و ماشاءالله ما يقصرو مع بعض و الله يرزقك الصحبة الصالحة و اخر شي استخير و اوكل والله يسهل دربك
    7 "
  6. أمك أيش رايها .؟
    لانو بنظري الام تشوف شي احنا ماشفناه .. يعني مثلا احنا معجبين بدرجاتك وحاسين انو انت ممكن تبدع برا بس مانعرف كيف قدرت تجيب هالدرجات ممكن يكون السبب ورا هذي الدرجات بعد الله امك هي اللي كانت تتابعك .. بمعنى انو امك تشوف قدراتك اكثر مننا يعني ممكن هي بنظرها تعرف جبت درجات كويسه بس تعرفك تعرف شخصيتك تعرف قدراتك انك برا ماراح تقدر تكمل.. وممكن بعد تشوف انك تقدر تكمل برا وتبدع .. يعني هي عايشه معاك وعارفه وضعك فاستشيرها قبل واستخير وامش على رايها .. ولو كانت رافضه لاسباب غير مقنعه مثلا انت شخص بيتوتي ماراح تتأقلم هنا تقدر تناقشها انو هذا سبب مايمنع من الابتعاث وراح اقدر اغير من وحدتي شوي وناقشها بكل شي رايها راح يكون اصوب راي فينا لانو تعرفك وتعرف قدراتك اكثر .. مدري اذا فهمتني بس بالاخير انت انسان متفوق بنظرنا ونتمنى تاخذ فرصتك وتبتعث وتتفوق اكثر لكن استخير واستشير .. ويارب يكتب لك اللي فيه الخير
    دعواتي لك بالتوفيق ..
    7 "
3 من 3 صفحة 3 من 3 ... 23
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.