أنا قدمت على برنامج خادم الحرمين الشريفين للإبتعاث المرحلة الثامنة وعندي بعض الأسئلة

بسم الله الرحمن الرحيم
السلام عليكم ورحمة الله وبركاته

تقبل الله منا ومنكم صالح الأعمال في هذا الشهر الكريم الفضيل وجعلنا الله وإياكم من العتقاء من النار .
جزيل الشكر لموقع مبتعث والقائمين عليه من إدارة ومن مشرفين ومن أعضاء الذي يقدم الجديد والجديد والمساعدة للجميع علما أنه يفيدنا أكثر من مواقع الوزارة ومنتدياتها .

الموضوع : أنا قدمت على برنامج خادم الحرمين الشريفين للإبتعاث المرحلة الثامنة وعندي بعض الإستفسارات أتمنى المساعده والرد .

س1 – تم قبولي وتم تدقيق الأوراق وانتهيت متى وقت الطلوع للخارج ( يعني مثلا هم قالوا اطلع بتاريخ 3-3-1434 وانا ابي اطلع 6-6-1434 عادي ) ؟
س2 – افتح ملف طالب مبتعث من اللحين ؟ وإذا كنت على حساب خادم الحرمين الشريفين لازم أجيب قبول من المعهد ولا هم اللي يجيبونه لي ؟ لازم يكون القبول من معهد يكون تابع للجامعة اللي ابي ادرس بها وما هو افضل معهد ؟
س3 - وش تنصحوني به في ولاية كاليفورنيا يوجد أكبر أربع مدن لوس أنجلوس وسان دييغو وسان خوسيه وسان فرانسيسكو وفيه أيضا سكرامنتو أي ولاية أفضل من أربع نواحي السكان و المعيشة والسكن والمواصلات لأن في بعض الولايات غاليه ويمكن راتب الابتعاث ما يكفي ؟
س4- ما هي الوثائق المطلوبة لمرحلة الماجستير ( الوزارة والابتعاث وش يطلبون ) ؟
س5- هل السفارة توفر سكن لطلاب وهل يكون معنا ناس من الوزارة أول مره يعلمونا بكل شي ويحلون مشاكلنا ؟
س6- كم راتب الابتعاث بأمريكا ؟

شكرا للإدارة على السماح لي بطرح بعض الأسئلة ,,

وعليكم السلام
1- انت تجيب قبول معهد وعلى هالاساس راح يكون فيه موعد دراستك تطلع عليه الوزارة ماتقول اطلع بتاريخ كذا الا بحاله وحده ان تقول تاريخ اخر اصدار القرار كذا يعني لازم تطلع قبل هالتاريخ عموما اهم شي تطلع قبل بدايه المرحله 9 للابتعاث
2- اذا وصلت بلد الابتعاث تفتح ملف ( اللي يفتحون الملف الحين هم الدارسين على حسابهم ) وانت اللي تجيب قبول معهد ويكون مو متكدس ..عادي تابع لجامعه او مو تابع اهم شي مو موقوف والافضل يكون تابع لجامعه فيها تخصصك علشان تدخل الجامعه من دون اختبار توفل وفي بعض الجامعات حتى لو درست في معهدها لازم تختبر توفل
3- حسب تخصصك والجامعه اللي فيها تخصصك وان شاء الله الاعضاء يفيدونك
4- http://www.mbt3th.us/vb/forum163/thread377672.html
5- انت توفر السكن وبالراتب اللي تعطيك اياه الوزارة فيه بدل سكن وممكن تتواصل مع نادي الموجود بالولايه
دعواتك

السلام عليكم ورحمة الله وبركاته

بنيه الله يوفقك دنيا وآخره ويعطيك ما تتمنينه واسمحي لي بهذا الدعاء :

أسأل الله لك راحة تملأ نفسك , و رضا يغمر قلبك, و عملاً يرضي ربك , و سعادة تعلو وجهك , و نصراً يقهر عدوك , وذكراً يشغل وقتك , و عفواً يغسل ذنبك , و فرجاً يمحو همك .


طيب النماذج بالوزارة ما حصلتها كيف أحصل عليها .

ج6 : 1847 دولار :D

جاوبت الأخت بنية وفيه ايضًا إضافات لي في الرد ولذلك سأقوم بالرد مع الشرح والأمور التي تهمك

1- بعد الملتقيات يعني بعد تاريخ 27/12/1433 بإمكانك السفر .. بس اهم شي يكون عندك قبول من معهد اذا انت ماجستير ويكفيك قبول المعهد بحيث تحصل على قبولك الجامعي هناك وانت تدرس اللغة ... ويمكنك السفر بأي وقت بعد الملتقيات إلى ماقبل المرحلة التاسعة وممكن على بداية المرحلة التاسعة تسافر بس ماراح يكون في وقت يعني اظن الان المرحلة السابعة فيه ناس يسافرون بس على نهاية رمضان مااحد يقدر يسافر ..
وممكن لو قبولك نقول 15/2/1433 تجي للدولة بشرط ان لا تأتي قبل شهر من بداية الدراسة يعني من يوم 29 قبل الدراسة تقدر تجي ويبدأ الصرف عليك .. وقبل لاتسافر على الاكثر بثلاث شهور تصدر قرار الابتعاث ... ولو اصدرته بتاريخ 1/1/1434 فلازم تسافر واقصى موعد للسفر هو 1/4/1434 ... واذا ماسافرت بعد اصدار القرار بثلاث شهور يسقط حقك في البعثة ...

2- لا زيادة على كلام اختي بنية إلا انه يمكنك مراسلة المعاهد بمجرد اعلان اسماء المرشحين النهائيين وتراسل الوزارة او تروح لهم لتحصل منهم على ورقة ضمان مالي تراسل به المعهد لتثبت ان الوزارة متكفلة بمصاريفك الدراسية ويقبلك المعهد على اساسها .. (وقت المراسلة بعد اعلان القبول النهائي ..)

3- اولا ماذكرت هي مدن وليست ولايات كل اللي ذكرت تبع ولاية واحدة وهي ولاية كاليفورنيا .. فرق بين الولاية والمدينة فالولاية هي زي المنطقة لكن الفرق انه لها حاكم ولها وزاراتها وعاصمتها واهم المدن واقتصادها المستقل عن بقية الولايات ...

وماذكرت هي مدن كاليفورنيا الغالية جدًا وصدقني راتب الابتعاث لا يكفي لها .. انصحك بالقيام بالبحث الجاد في الولايات والمعاهد وهذه 3 مواضيع كتبتها انا توضح لك الفكرة وتشرح الطريقة الصحيحة للبحث .. (اهمها الموضوع الثاني)

أ- http://www.mbt3th.us/vb/forum163/thread368024.html
ب-http://www.mbt3th.us/vb/forum163/thread373752.html
جـ-http://www.mbt3th.us/vb/forum163/thread380524.html

4- مثل ماقالت بنية
5-السكن عليك وفيه اندية طلابية سعودية في بعض المدن المعروفة ويخدمونك بكل شي ويستقبلونك بالمطار ويعلمونك جزاهم الله خير ....
6-1847 دولار للمبتعث 977 دولار للمرافق و 272 دولار للطفل

عبدالله العتيبي الله يعطيك العافية ويبيض وجهك جزاك الله ألف خير .