توني جيت من الوزارة .. اللي مستوفي وجته رسالة رفض واللي ماجته رسالة رفض ..

الله يجزاك خير ويوفقك

الله يسهل عليك البعثه وتتفوق بدراستك

بشرتنا عسى ربي يبشرك باللي تتمناااه

- - - مشاركة محدثة - - -

بشرتنا قبل العيد عسا ايامك كلها عيد

اقتباس:

---

المشاركة الأصلية كتبت بواسطة shy heart

السلام عليكم ورحمة الله وبركاته ..

توني جيت من الوزارة وفيه عدة معلومات تهم البعض

1- اللي مستوفين الشروط وجتهم رسالة الرفض ..

ترا اليوم فيه شايب جاي يراجع عن ولده اللي انرفض ومعدله 4.29 من 5 .. ومستوفي كل الشروط .. جاء للموظف وشاف الموظف الشروط لقاها منطبقة أخذ من الموقع طباعة لاستمارة طلب الابتعاث ودبسها بورقة اعتراض .. وقاله خلاص قل لولدك مبروك ...

ولما مشى الشايب واجه واحد موظف ثاني قاله خله ياخذ صورة من الوثيقة احتياط .. (مع اني اتوقع مالها دخل المسألة تسجيل مو تدقيق)

فاللي مثل هالحالة يروح للوكالة بكل بساطة ويقولهم وعلطول في اقل من دقيقة تنحل المشكلة ..

2- اللي ماجته رسالة الرفض مبروك سيتم دعوتك للتدقيق .. وسألت واحد مطوع شايب شكله مسؤول معهم ... قلت له الحين اللي ماانرفضوا في الايميل بتجيهم رسايل الترشيح متى ؟ رد علي قال : بتجيهم دعوة على مواعيد التدقيق ... قلت يعني قبول مبدئي ؟ قال: ايه ..

3- سالته قلت متى التدقيق قالي 14 شوال .. طبعا كان عنده عدد وماسألته هل سيتم ارسال مواعيد التدقيق في 14 شوال ولا التدقيق نفسه في 14 شوال .. لكن كان مررره عليه زحمة واليوم الوكالة مزدحمة لانه بكرة اخر يوم دوام قبل العيد ...

---

ماشاء الله عليك تبارك الله رايح ومتعب نفسك بهالحر ورمضان :)

الله يوفقك يارب وين ماكنت لانك تستاهل كل خير

اسعدتني ردودكم اخواني ..

اخوي سعودي اردني النظام جديد بدأ في 12 رمضان وفيه كثير علامات استفهام عليه بس اتوقع بيقولون وين شهادة الثانوي اكيد

ي شيخ الله يبشرك بالجنه وجعلك وين ماتلقي وجهك الخير قدامك الله يوفقك
طمنتني قاعد على اعصابي واكلني تفكير الحمدلله على كل حال ماقصرت ي غالي

الله يبشرك بالجنة ويسهل لك امورك يا كريم
ريحتني الله يريحك

الله يبشرك بالجنه طمنتني
الحين الواحد يرتاح باله

وبالتوفيق للجميع

مشكور ع الملعلومات ..
الله يسهل امورنا يااارب ..

طيب انا مقدم علي بكالريوس طبعا امريكا

وش الاوراق المطلوبه مرحلت التدقيق (( كامله بزينها من الحين )) ؟؟

يعني وش احذ معي لهم ؟؟

الله يعطيك العافيه ويجزاك خير اخي الفاضل

جزاك الله خير
وجعل ماتفلعه من نفع للناس في ميزان حسناتك