تجمع ماستر علوم صحيه ( تغذيه ) ابتعاث لامريكا (المرحلة الثامنة)

السلام عليكم

حبيت اعمل تجمع لماستر التغذيه نتناقش فيه عن كل شي يخصنا

يعني كل واحد/هـ يقولون وين ناوين يروحون اي ولاية واي معهد واي جامعه

وش اقوى جامعه للتغذيه بس ماتكون صعبه مره

كم سنه ندرس اللغه + ماستر التغذيه

كم مكافأة المبتعث والمرافق لامريكا

واذا معاك مرافق بالنسبه للبنات ويكون موظف ايش راح يسوي من ناحية وظيفته

يعني كلللل شي ابيكم تتكلمون عنه (( فضفضه ;) ))


انا محتاره اي ولاية اختار من ناحية الامان والمستوى المعيشي والاجواء والطبيعه والترفيه (( لزوم تغيير الجو )) والجامعه السهله

وكمان زوجي مرافق ومعلم وقريت مواضيع قديمه في قسم بعثات الموظفين الحكوميين يقولوا لازم يقدم استقالته عشان ينظم للبعثه وانها ما راح تكون على برنامج خادم الحرمين (( بتكون على وزارة الخدمه ))

زوجي مستحيل يرضى بالاستقاله ولا انا

عشان كذا تحطممممممممممت مره وحسيت ان ابتعاثي مستحيل




المهم


ابيكم كلكم تقولون وش راح تسوون في بعثاتكم

خلي ولي الامر يوافق بالاول وبعدها نشووف هههههههههههههههههه

انا نفسيتي زفت :(

لا عندي محرم ومادري عن ولي الامر اذا بيوافق او لا لاني للحين ماقلت له قلت بنتظر الى وقت القبول :)

وانا مثلك مقدمه علوم صحيه تغذذيه لكن مادري وش سالفة الولايات ولا المعاهد ولا الجامعات ان شاء الله الباقين يفيدونك ويفيدون اللي مضبطين وضعهم :)

1- سنه لغه وممكن تمدد 6 شهور
سنتين ماستر
2- المرافق مايقدم استقاله حتى لو بيدرس
هذا الشي الحلو بالبعثه

انا قسمي اقتصاد منزلي وان شاء الله بكمل ماستر تغذيه وبصراحه الى الان مابحثت عن ولايات

ان شاء الله يوافق ولي امرك يا شقيه

والله يريح بالك يابنيه طمنتيني يمكن الموضوع اللي قريته كان على عهدهم


وليوناء انا بعد اقتصاد منزلي

بس خااايفه من التخصص لايكون علمي بحت لاني ادبي وداخله اقتصاد

^
اميييين ياارب

هذي مشكلتنا كاتبين التخصص وماندري وش السالفه

لكن انا حتى لو كان فيه تخصصات علميه ماعندي مشكلة ان شاء الله

لأن تخصصي علمي وكنت جايبه معدل عالي ومن غبائي دخلت اقتصاد منزلي :(

لكن ان شاء الله خيره وكلنا نتوفق


ياااارب يسهل علينا كلنا هالامور ويفتحها في وجهنا يااااااااارب

اذن بنروح جامعه وحده 😁

عشان تساعديني في المواد العلميه دامك دافوره كذا 😄
بسم الله عليك
بس عادي ماعندي مشكله زوجي علمي وبيدرسني لا هان 😉

وانتم تدورون اهم شي تحطون خط تحت كلمه مرافق بيكمل دراسته
لازم وانتم تختارون تختارون ولايه فيها جامعه تدرس قسم مرافقك

صح صادقه
زوجي يقول يمكن يكمل حاسب
لكن هل بيكون على مسار تخصصه الرياضيات

يا مبتعثين ومبتعثات انصحكم بموقع لتعليم اللغه الانجليزيه عن بعد وشهاده موثوقه من جهات كثيره
انا جربته كان عندهم عرض مجاني لمدة اسبوع كان جدا جدا ممممممتع وتتعلمون بسرعه
الموقع يحدد لكم المستوى اللي مفروض تبدأون منه ويكون عليه رسوم شهريه على حسب الخطة اللي تختارونها
كنت حابه اختار مدرس خاص عشان ضروفي وطلبو مني رقم يتواصلون معاي وحطيت لهم رقم جوالي بعدها اتصل علي رقم دولي من بريطانيا ولما رديت كانت وحده لبنانيه وكانت مره حبوبه ومتفاهمه اوضاعي وقالت كلام كثير حمسني لانو اقدر اختار المدرس او المدرسه اختار الفصل وعدد الطلاب اللي معاي وكمان اختار اللكنه اللي ابيها وفي اي مجال ابي اتعلم عشان دراسه او عمل او حياة عامه وووو
حاجات كثيييير
ومتحمممسه ارجع لبيتي بالسلامه وابدا دروسي معهم كلها ساعه باليوم

وانصحكم فيييييه بصراحه اجمل موقع صادفني للانجلش

وهذا رابط الموقع
Englishtown تعلم الإنجليزية عبر الإنترنت مع Englishtown - المدرسة الرائدة في تعليم اللغة الإنجليزية عبر الإنترنت

خلونا نجتهد ونشغل وقتنا حتى يجي ترشيحنا النهائي
ولو ماترشحنا ناخذ لغه عالاقل

دعواتكم