استفسار بخصوص شركة WES لتقييم الشهادات

ياليت يثبت الموضوع

حياك الله عبدالحكيم ..

الطريقة اللي اعرفها في wes انه في فورم لل wes حق امريكا واخر حق كندا .. كل جامعة داخلية تقدمه لطلابها .. وعندنا بجامعة الملك سعود نحصله عند السجلات الأكاديمية ..

المهم تاخذ هالفورم .. وتعبيه ... وتحط معه الوثيقة والسجل الاكاديمي الرسمي بالانجلش .. وترسله لهم عبر البريد .. ثم تنتظر لين يردون لك بورقة المعادلة مع الوثيقة ..

اما في تفاصيلها ماخضت فيها .. لكن انا براسلهم إن شاء الله بعد القبول النهائي اصير اراسل المعاهد من طرف والwes من جهة ثانية ..

الله يحييك ويبقيك اخوي

طيب بس شفت ان فيه تسجيل بموقعهم وموقعهم معقد نوعا ما.. ثاني شي وش سالفه الظروف المختومه هذي يقولون ان اغلب الجامعه الامريكيه تطلب اوراقك بظرف مختوم من جامعتك،، صحيح هالشي؟

الله يعافيك اخوي وماقصرت.. موووفق يارب

ايه صحيح ياعبدالحكيم .. حتى wes لازم تحط ملفاتك في ظرف مختوم بعد الإغلاق من الجامعة ..

اما بالجامعات ومراسلتها تبد بتعبئة ابلكيشن للتسجيل بالجامعة وخطاب للتسجيل وترسلهم مع صورة طبق الأصل لوثيقتك و سجل اكاديمي رسمي وصورة الجواز ومبلغ بسيط لا يتجاوز 65 دولار وتوصيتين (بعض الجامعات 3 ) غير قابل للاسترداد سواءا قبلوك او رفضوك ..

ويختلف طريقة إرسال هالأمور

بعض الجامعات لا تقبل الا ارسال الوثيقة الاصل بالبريد .. ولما ترفضك تعيده لك .. او انها يطلبون الصورة طبق الأصل ..
وكثير جدا من الجامعات ان لم يكن اغلبها في امريكا يقبلون بارسالك بياناتك وصورة الوثيقة والسجل على البريد الالكتروني بحيث تسوي سكان للوثائق حقتك .. ويقبلونك على اساسها ..


واغلب الجامعات التي تطلب البريد العادي تطلب ان يكون ارسال التوصيات كلها في ظرف واحد و مغلق و مختوم وبعضها يطلب ختم ظرف للسجل الاكاديمي والوثيقة واغلبهم فقط التوصيات تختم في ظرف لوحدها ..

الله يوفقك ياررررررب على الرد السرررريع بيض الله وجهك