استفسار بخصوص الأوراق المطلوبه للتقديم على الجامعات!!

السلام عليكم ورحمة الله وبركاته

تقبل الله صيامكم وقيامكم

عندي استفسار بخصوص الأوراق المطلوبة,,
قريت في موضوع بالمنتدى أنو لازم أرسل الأوراق الأصل أو نسخة مع ختم طبق الأصل للجامعات عشان القبول,,,

طيب أنا بقدم على أكثر من عشرين جامعة وش اسوي,, ما اعتقد انو الدكتورات راح يعطوني 20 توصية,, أو الجامعة راح تعطيني 20 ورقه من الأوراق المطلوبة,,, حتى لو كانت طبق الأصل,,

وش اسوي,, هل ممكن أني أرسل لهم صورة من التوصية ولما يجيني القبول أو القبول المبدئي أرسل لهم باقي أوراقي,, وهل هم راح يرجعو أوراقي لي لما ما يقبلوني أو كيف؟؟

عموماً كل الأوراق ممكن أجيب منها نسخ كثيره لكن التوصيات كيف أقدر أجيب نسخ كثيره,, علما ً أنو دكتورات سعود ما يعطو أكثر من 3 نسخ للتوصيه..

والله مشكله

وعليكم السلام ورحمه الله وبركاته , و صيامك ياسّت ..

برّد على نقطتين , النقطة الأولى العدد الكبير للجامعات اللي حتقدمين عليها , برأيي 20 جامعة عدد مبالغ فيه جداً , اشوف ان العدد المناسب بين 5-8 جامعات بالكثير =)

النقطة الثانية بخصوص نسخ التوصية , طريقة التوصية في جامعتي كانت اخذ التوصية من الدكتور ويختمها , واروح للتصوير واصّور 10 نسخ .. واروح للعميد او عمادة القبول ويختمون هالـ 10 نسخ ( مجرد ختم طبق الأصل ) , وبإمكاني اختم 20 نسخة لو ابي , لأن المطلوب منهم مجرد ختم للتوصيات اللي صورتها انا

لذلك ما اعتقد الدكتورات لهُم مُمانعة لهذا الموضوع , صّوري التوصيات وختمّيها ختم طبق الأصل , موفقه .

موضوع الاصل يختلف من جامعة لجامعة في جامعات وخصوصا القوية مرره تبي الاصل يرسل لها .. اما كثير من الجامعات تقبل انك ترسلين لهم بالايميل طلبك ومايطلبون منك ترسلينها بريد الا لما يقبلونك وقتها بيقولون ارسلي لنا الوثيقة الاصل والتوصيات الأصل وكل شي ...

انا من الملك سعود وعندي توصيات كثيرة من كذا دكتور .. جمعتها بيوم واحد .. ممكن ترا تجمعين من 10 دكاترة .. كل دكتور 3 نسخ .. لا بأس في هالشي

لكن لما تراسلين جامعة معينة تعطينها 3 من هذه التوصيات ..