ساعدوني عدة اسئله

السلام عليكم ورحمة الله وبركاته
اخواني ----- خواتي
عندي اسئله ومحتاج تفيدوني فيها انا زوجتى مقدمه وانشاءالله بيجيها قبول وانا مقدم على مرافق معها فياليت تفيدوني في التالي
1- انا ممرض وابغى اكمل بكالوريوس ما ادري وش لون الطريقه هل اني اروح وادرس لغه ومن هناك اجيب قبول ولا من هنا يبتعثوني ولا وشلون ماني عارف وش اسوي؟
2- ودي اطلع فيزا f1 من بدري قبل لا اروح مافيه امكانيه ان التعليم العالي يعطيني الضمان المالي ؟
3- القبول الجامعي متى نجيبه انا وزوجتي هل هو الحين ولا بعد الللغه ؟
4- في مرحلة التدقيق يقولون تعبي استمارة طلب البعثه ونموذج الالتحاق بالجامعه من وين اجيبهم؟
5- انا مرافق هل اقدر اضم للبعثه قبل ما اروح من هنا ولا وشلون ؟
اعذروني على كثر الاسئله لاني ماني فاهم هالنقاط فياليت تفيدوني ولكم جزيل الشكر

1- مالك الا تروح تدرس اللغة وتطلب الحاق هناك بالبعثة ولازم الفيزا تكون f-1 مو فيزا مرافق ..
2- لا الوزارة ماتعطيك ضمان مالي .. بس مالها دخل بالفيزا .. تقدر تقول للوالد او اي احد من اخوياك يرسلك مبلغ على حسابك وتروح البنك تاخذ شهادة بنكية وترجع المبلغ لصحابه .. يعني يحولك المبلغ في دقيقة وتسحب الشهادة في الدقيقة الثالثة والرابعة رجعه له .. شغلة بسيطة وبسرعة تتم ..
3-ان كان زوجتك تدرس ماستر يكفيها قبول لغة وهناك في بلد الابتعاث تراسل جامعات وهي تدرس لغة بس لو هي بكالوريوس تراسل جامعات ومعاهد بعد مايجي القبول النهائي علطول ..
4- استمارة طلب البعثة تدخل زوجتك برقم الطلب حقها لما تدخل فيه من الخيارات خانة طباعة الطلب ... اما نموذج تقديم جامعات اجنبية تدخل في هالرابط تدقيق وثائق المرحلة الثامنة
ثم بتلقى مثل الصورة

http://im14.gulfup.com/2012-08-14/1344934378531.png

شف السهم الأحمر يشير الى النموذج نفسه اما اللي فوقه فهو شرح له ...
5- لايمكنك ذلك لكن فيه نظام جديد للدارسين على حسابهم الخاص ماله الا اسبوعين بدأ فلما يجي التدقيق اسألهم هل كونك مرافق يعني انك ماتسجل ومن هناك تلتحق ولا لازم ..

الف الف شكر يا اخوي ماقصرت كفيت ووفيت ويعطيك العافيه بس استفسار اللغه ادرسها على حسابي ولا ايش

المرافق يدرس اللغة على حساب الابتعاث ..

الف شكر افدتني كثيرا --------- تحياتي لك

بالنسبه للغه ادرس بنفس المعهد اللي فيه زوجتي ولا معهد اخر ولا وشلون؟ انا زوجتي ماستر وانا ابغى ادرس بكالوريس وحسب مافهمت ان البكالوريس لازم قبول مشروط هل الجامعات تقبل اي معهد ولا لازم المعهد يكون تاابع للجامعه؟