السلام عليكم ورحمة الله وبركاته
السلام عليكم ورحمة الله وبركاته
أرجوا المساعدة والله والله كأني تائه يعني الواحد بدل الوزارة ما تضبط أموره اللحين الوزاره هي اللي تبين انضبط أمورها وهي أمام الدوله الكل بالكل بصراحه أنا والله أستفدت من هالمنتدى اللي والله والله أتمنى أنه يكون رسمي لجهة الدولة لأنه نفعنا أكثر من الوزارة بملايين المرات إذا اتصلت بالوزارة يجيب عليك واحد إن الرقم المطلوب مشغول او لا يستطيع الرد عليك وين الموظفين الله أعلم والطلاب السعوديين المجدين المجتهدين هم اللي ياكلونها ....
أنا اللحين قدمت على برنامج خادم الحرمين الشريفين المرحلة الثامنة ( 8 ) والقبول النهائي ما طلع لي لحد الآن ولكن بإذن الله راح أكون من المقبولين لأن الشروط منطبقة علي تماما .
الموضوع : أنا أبي أكمل ماجستير تمريض مجهز جميع الأوراق المطلوبة ولكن السؤال اللحين أنا متي اراسل المعهد اللحين ارسله ؟ طيب اذا ارسلت وانتهيت انا بفترة الامتياز انتهي منها بشهر 6 كيف الطريقة الصحيحة اللي اخلص اوراقي بحيث اني اطلع بشهر تسعة ( 9 ) علشان حقي بالبعثة ما يسقط لأن البعض يقول بعد اصدار الاوراق لازم معك ثلاثة شهور وتطلع ؟ انا ابي اقدم على San Diego كيف المعيشه والسكن والمواصلات بها ؟ صحيح أنه فيه زيادة براتب المبتعث ؟
أرجوكم أفيدوني إذا أحد طلع لأمريكا أتمنى منكم مساعدتي لأني بصراحه والله تائه .
شكرا الإدارة الموقع لسماح بعرض موضوعي وشكرا للأعضاء والمشرفين على كل شي ..
رد: السلام عليكم ورحمة الله وبركاته
وعليكم السلام والرحمة
بما انك توك امتياز للأسف ماضن راح تلحق ع المرحله الثامنه
لانهم بيطلبون وثيقه التخرج في التدقيق وانت مابعد خذيتها !
مدري عن نظامكم بس المتعارف عليه ماتستلمها إلا اذا انهيت الأمتياز كله
اذا بتخلص 6 عربي معناتها مابقى شي ع المرحله التاسعه
العام مثل هالوقت كنت اسأل مثل سؤالك ومرت السنه بلمح البصر :)
والله يكتب لك اللي فيه الخير
رد: السلام عليكم ورحمة الله وبركاته
اقتباس:
المشاركة الأصلية كتبت بواسطة PHYSIO
وعليكم السلام والرحمة
بما انك توك امتياز للأسف ماضن راح تلحق ع المرحله الثامنه
لانهم بيطلبون وثيقه التخرج في التدقيق وانت مابعد خذيتها !
مدري عن نظامكم بس المتعارف عليه ماتستلمها إلا اذا انهيت الأمتياز كله
اذا بتخلص 6 عربي معناتها مابقى شي ع المرحله التاسعه
العام مثل هالوقت كنت اسأل مثل سؤالك ومرت السنه بلمح البصر :)
والله يكتب لك اللي فيه الخير
أخوي أنا معي الوثيقة طبق الأصل وأنا أبي أخلص أموري ملين شهر ستة قبل المرحلة التاسعة راح اطلع وبعدين المرحلة الثامنة كانت الفترة 2- 15 / 9 / 1433 يعني اكيد ان المرحلة التاسعة راح تكون بنفس الوقت او اذا قدموها شهر يمديني اطلع هذا اذا قدموا التقديم .
أنا معي الوثيقة طبق الأصل يمديني اطلع لأمريكا ابتعاث ارجو منكم الرد على الموضوع وشكرا .
رد: السلام عليكم ورحمة الله وبركاته
الموضوع يغلق بسبب اختلاف العنوان عن المضمون..