أرجو الدخول ضروري والإفآده ؟؟
السلام عليكم ورحمة الله و بركاته :-
أخواني الكرام كيف حالكم ؟ ، هذه ثاني مشاركة لي في هذا الموقع ، ندخل في صلب الموضوع :-
انا عمري 18 سنة و الآن أكمل ثانويه في ثالث ثانوي ، و انا خايف صرآحه جداَ ، انا جبت في ثآني ثآنوي 85% ،
و سؤالي الآن هو : كم لازم أجيب نسبة في ثآلث ثآنوي ؟
والتخصص الذي أحلم فيه مهندس حآسب ، هل من الممكن أن انقبل في البعثه الخارجيّه ، و أريد أن ادرس في استراليا ( سيدني ) .
هل من الممكن ان انقبل في البعثه أم لا ؟
بشروني لا هنتم ,,,
رد: أرجو الدخول ضروري والإفآده ؟؟
شد حيييييلك
قدامك قدرات وتحصيلي ٨٠ وتراكمي فوق ٩٠
رد: أرجو الدخول ضروري والإفآده ؟؟
اخوي عندك سنة كاملة بإذن الله
استعين بالله وتوكل عليه وحاول تجتهد كثير وبإذن الله تقدم على البعثه وقتها وتكون منطبقه عليك الشروط ..
لا تفكر كثير بل اعمل واجتهد وخلك طموح وواثق بالله .. وربي يوفقك ويرزقك اللي تتمنى ..
رد: أرجو الدخول ضروري والإفآده ؟؟
بكلمك بكل صراحه
ذكرتني بأختي جايبة 90 في ثاني وتحلم بالهندسه مايصيير
لازم تشدون حييييلكم اكثر المنافسه اللحين كلهم فوق ال 95 >> اتكلم بالنسبه للجامعات السعوديه
غير قدرات وتحصيلي وتعقيدات القبول
مابي احطمك بس هذا الواقع لازم ترفع مستواك كثييير وفيه خيارات كثيره هنا مو شرط ابتعاث
الله يوفقك وينولك اعلى المراتب :)
رد: أرجو الدخول ضروري والإفآده ؟؟
لا والله مافي امل اذا ماجبت اكثر من 90 في الثانوي والقياس +80 والتحصيلي +80 ماتروح ..
لكن في هالسنة مايمديك على كل حال حتى لو انت جايب الشروط لانه التسجيل قفل ورشحوا ناس ورفضوا ناس ..
ولكن في امل ضعيف جدًا انه السنة الجاية يفتحون التسجيل بشروط اقل وهذا ابدا غير متوقع لانه من كم سنة الشروط يااما تبقى نفسها او تزيد .. ولم يسبق بان نزلت .. وخصوصًا الثانوي
رد: أرجو الدخول ضروري والإفآده ؟؟
بالإضافة إلى كلام الأعضاء ،،
لا توجد هندسة في مرحلة البكالريوس !
و مرحلة البكالريوس مقتصرة على التخصصات الطبية فقط :)