الأعضاء الإشتراك و التسجيل

الملتقيات
ADs

الاعاده ثم الابتعاث ام بعثة خادم الحرمين ؟

الاعاده ثم الابتعاث ام بعثة خادم الحرمين ؟


NOTICE

تنبيه: هذا الموضوع قديم. تم طرحه قبل 1946 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة Fooz Mohmd
    طيب ياسيدي حتقضي نفس الفترة اللي درستها برا كموظف عندهم

    بعد ماتخلص سنوات دراستك بالخدمة في نفس الجامعه رح يكون لك الحق في النقل

    على فكره , ترا مو كل شروط المعيديه زي بعض

    تعرف حقون النماص كان عقدهم ايش ؟؟؟

    انو تدرسي كمعيده لمده سنه , بعدها تاخدي بعثه لدراسه الماجستير

    بعد ماتاخدي الماجستير لكي الحق في المطالبه بالنقل

    يعي لااشتغل عندك ولا تشتغل عندي

    فتأكد من العقد

    وادا كان لابد انك تعيش طيله سنوات دراستك في المدينة دي

    فـ مكان ماترزق إلزق .
    هههههههههههههههههههه عجبني المثل الاخير ، الله يسعدك

    والله انا للحين ماقريت عقد ولا شي ، وبصراحه ماكنت ادري ان العقود تختلف من جامعة لجامعه .. شاكر لك التوضيح و بسأل عن هالنقطه ان شاء الله ..
    7 "
  2. المشاركة الأصلية كتبت بواسطة A.A.Z1990
    اخي /
    نصيحتي لك ان الاعاده افضل لك ومن ثم تبعث على حساب الجامعه
    منها تأمن على مستقبلك اما السكن بالمنطقه ابد ماهي مشكله
    واذا كنت محتار استخير. والله يكتب لك الي فيه خير
    النقطه الوحيده اللي محيرتني / الخوف من المستقبل لو طلعت بعثة خادم الحرمين ،

    الف شكر لك على ابداء رايك
    7 "
  3. قبولك للوظيفة يحدده تخصصك والطلب عليه
    هل هو مطلوب أكاديمياً لو رجعت ؟؟
    ولو مالقيت وظيفة أكاديمية هل هو مطلوب في القطاع الخاص ؟؟
    لو كان تخصصك مكتفي أكاديمياً وأنت تفضل وظيفة أكاديمية بقولك وافق على الإعادة ومنها بعثة والنقل ربك يحلها
    تخصصك غير مكتفي أكاديمياً ومطلوب في القطاع الخاص بقولك روح بعثة وأرجع توظف في ديرتك وبين أهلك
    وبخصوص النقل من الجامعات الناشئة ، موووسهل أعرف وحدة من ٩ سنوات وهي تحاول تنقل ولما قبلوا بنقلها وافقوا بشرط يكون عقد وبدون بدلات .....!
    إلا إذا عندك واسطة عاد هذا شي ثاني
    أستخير وإن كانت من نصيبك بتأخذها
    7 "
  4. السلام عليكم
    اخوي قبل كل شي استخر
    ثاني شي

    انت اعرف شخص بنفسك انا علينا فقط نضع الايجابيات والسلبيات والقرار لك

    وبعدين انا اقدر اضع 20 ايجابيه للابتعاث و5 سلبيات بس ال5 هذي عندك من اعظم السلبيات والي انت مثلن ماتقدر علي هذي السلبيات

    ونفس الكلام للاعاده

    ولكن انا عن نفسي
    اذا بعيد وبقعد 10 سنين او اكثر فهذي سلبيه كبيره عندي لاني انا انسان اريد ان اقضي اخر حياتي بين والدي((( الا اذا ماتوفر لي الا هذه الوظيفه ولكن اذا كان فيه بدائل يمواصفات اقل بقلبل فلازم اتنازل شوي عشان اكون بينهما ))


    ^^ لايفهم كلامي خلاص اجلس عند الوالد والوالده وخلاص ماعاد اتوظف ولا شي

    ولكن مثلن تجيك وظيفه في الشرقيه براتب عشر الاف
    وتجيك وظيقه ثانيه براتب سبع الاف في الرياض
    وانت من الرياض واهلك في الرياض
    فطبيعي بتجلس في الرياض ووتتنازل ...

    الخلاصه

    الفرصتان ماشاء الله ولكن انت ماذا ترغب ؟؟؟
    7 "
  5. طبعا انا وجهة نظري انك تقبل وظيفة المعيد للاسباب التاليه
    الجامعه راح تلزمك باكمال دراستك وبالتالي بالابتعاث
    ميزة ابتعاثك عن طريق عملك
    بيكون راتبك ماشي وخدمتك محسوبه
    وتمشي لك مكافاة البعثه من الدوله الي ح تدرس فيها
    وتكون ضامن الوظيفه وبرضو الجامعه تكون مسؤوله عن تحسين وضعك الوظيفي
    وانا اعرف لي صديق كان مبتعث عن طريق برنامج الملك عبدالله بالمراحل الاولى
    ف درس البكالوريوس وقدم على طلب تمديد بعثه وخلص الماستر
    ورجع وتوظف استاذ في جامعة تبعد عن مدينه 1200 كيلو
    المهم
    الان هو مبتعث عن طريق الجامعه لاكمال الدكتوراه
    سالته وش الفرق بين ابتعاثه اول وابتعاثه الحين؟
    قالي فرق السماء عن الارض
    الحين ادرس وانا مرتاح نفسيا وراتبي ماشي واستلم مكافاة مبتعث وخدمتي محسوبه
    يقولي البعثه ماتصلح إلا اذا كنت مبتعث عن طريق عملك

    انت اهم نقطة , حاول تتاكد من مسالة ابتعاثك عن طريق الجامعه؟
    7 "
2 من 3 صفحة 2 من 3 123
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.