رد: الاعاده ثم الابتعاث ام بعثة خادم الحرمين ؟
اقتباس:
المشاركة الأصلية كتبت بواسطة Maho0ohe
قبولك للوظيفة يحدده تخصصك والطلب عليه
هل هو مطلوب أكاديمياً لو رجعت ؟؟
ولو مالقيت وظيفة أكاديمية هل هو مطلوب في القطاع الخاص ؟؟
لو كان تخصصك مكتفي أكاديمياً وأنت تفضل وظيفة أكاديمية بقولك وافق على الإعادة ومنها بعثة والنقل ربك يحلها
تخصصك غير مكتفي أكاديمياً ومطلوب في القطاع الخاص بقولك روح بعثة وأرجع توظف في ديرتك وبين أهلك
وبخصوص النقل من الجامعات الناشئة ، موووسهل أعرف وحدة من ٩ سنوات وهي تحاول تنقل ولما قبلوا بنقلها وافقوا بشرط يكون عقد وبدون بدلات .....!
إلا إذا عندك واسطة عاد هذا شي ثاني :)
أستخير وإن كانت من نصيبك بتأخذها
هالشي هو اللي مخوفني ، انه يكون النقل صعب
بالنسبة للتخصصات الهندسية بشكل عام ، وظائفها في القطاع الخاص متوفره بكثره ، فانا بشهادة البكالوريوس عرضت علي وظائف كثيره ، لكن الوظائف الاكاديمية تعتبر مثل باقي التخصصات ، يعني كل جامعة تبي معيد او 2 بكل تخصص فقط
اسال الله التوفيق للجميع
رد: الاعاده ثم الابتعاث ام بعثة خادم الحرمين ؟
اقتباس:
المشاركة الأصلية كتبت بواسطة خلص حنانك .
السلام عليكم
اخوي قبل كل شي استخر
ثاني شي
انت اعرف شخص بنفسك انا علينا فقط نضع الايجابيات والسلبيات والقرار لك
وبعدين انا اقدر اضع 20 ايجابيه للابتعاث و5 سلبيات بس ال5 هذي عندك من اعظم السلبيات والي انت مثلن ماتقدر علي هذي السلبيات
ونفس الكلام للاعاده
ولكن انا عن نفسي
اذا بعيد وبقعد 10 سنين او اكثر فهذي سلبيه كبيره عندي لاني انا انسان اريد ان اقضي اخر حياتي بين والدي((( الا اذا ماتوفر لي الا هذه الوظيفه ولكن اذا كان فيه بدائل يمواصفات اقل بقلبل فلازم اتنازل شوي عشان اكون بينهما ))
^^ لايفهم كلامي خلاص اجلس عند الوالد والوالده وخلاص ماعاد اتوظف ولا شي
ولكن مثلن تجيك وظيفه في الشرقيه براتب عشر الاف
وتجيك وظيقه ثانيه براتب سبع الاف في الرياض
وانت من الرياض واهلك في الرياض
فطبيعي بتجلس في الرياض ووتتنازل ...
الخلاصه
الفرصتان ماشاء الله ولكن انت ماذا ترغب ؟؟؟
والله كلامك صحيح اخوي ، و الشي اللي مخليني اتردد اني انسان احب اكون بين اهلي وعيال عمي وربعي ،
احترم رايك كثيراً ، شكرا لك
اقتباس:
المشاركة الأصلية كتبت بواسطة حورية البحر
الوظيفة افضل بكثيررر واللة يوفقك
شاكر لك اختي على المشاركه ، والله يوفق الجميع
رد: الاعاده ثم الابتعاث ام بعثة خادم الحرمين ؟
اقتباس:
المشاركة الأصلية كتبت بواسطة saudi_magic
طبعا انا وجهة نظري انك تقبل وظيفة المعيد للاسباب التاليه
الجامعه راح تلزمك باكمال دراستك وبالتالي بالابتعاث
ميزة ابتعاثك عن طريق عملك
بيكون راتبك ماشي وخدمتك محسوبه
وتمشي لك مكافاة البعثه من الدوله الي ح تدرس فيها
وتكون ضامن الوظيفه وبرضو الجامعه تكون مسؤوله عن تحسين وضعك الوظيفي
وانا اعرف لي صديق كان مبتعث عن طريق برنامج الملك عبدالله بالمراحل الاولى
ف درس البكالوريوس وقدم على طلب تمديد بعثه وخلص الماستر
ورجع وتوظف استاذ في جامعة تبعد عن مدينه 1200 كيلو
المهم
الان هو مبتعث عن طريق الجامعه لاكمال الدكتوراه
سالته وش الفرق بين ابتعاثه اول وابتعاثه الحين؟
قالي فرق السماء عن الارض
الحين ادرس وانا مرتاح نفسيا وراتبي ماشي واستلم مكافاة مبتعث وخدمتي محسوبه
يقولي البعثه ماتصلح إلا اذا كنت مبتعث عن طريق عملك
انت اهم نقطة , حاول تتاكد من مسالة ابتعاثك عن طريق الجامعه؟
كلامك صحيح اخوي ، وبالنسبة للابتعاث عن طريق الجامعة اكيد رح يصير ان شاء الله .. لان اصلا من شروط القبول لهالوظيفة ان يكون على استعداد لاكمال دراسة الماجستير والدكتوراه .. والدكتور اللي تواصل معي قال لي ان بمجرد اصدار قرار توظيفك لازم تبدا في اجراءات البعثه ...
شكرا لك اخوي على المشاركه ،
رد: الاعاده ثم الابتعاث ام بعثة خادم الحرمين ؟
اقتباس:
المشاركة الأصلية كتبت بواسطة دحوم2010
انصحك بالإعاده ..
يعطيك العافيه اخوي
و شكرا على النصيحة :)
رد: الاعاده ثم الابتعاث ام بعثة خادم الحرمين ؟
بكل تأكيد الإعادة ، فيها عدة فوائد
ربع راتبك يمشي + مكافأة ابتعاث + احتساب سنوات خدمة + وظيفة مضمونه بعد الابتعاث ،
وإذا كان على بعد المكان فأمرها بسيط كم سنة وتقدر تنقل لفرع قريب أو تنقل رقمك لجامعه في منطقتك
وإذا ضاقتك بك الدنيا تقدر إذا ابتعثتك الجامعه تجلس كم سنة ومن ثم تقدم استقالتك وتشوف لك عرض أفضل بشركة أو قطاع حكومي وتكون هنا طلعت بعثه على حساب الجامعه وماتضغط نفسك مادياً مثل المبتعثين على برنامج الملك
نصيحتي لك لاتضيع الفرصه