تجربة اذا مرت عليكم لا تخافون منها .....

August 18th, 2012, 05:39 PM

السلام عليكم ورحمه الله وبركاته
صباح الخير / مساء الخير , للجميع وكل عام ونتم بالف خير وصحه وسلامه وتقبل الله منا ومنكم صالح الاعمال

في مثل هذا اليوم تم ترشيحي للابتعاث في المرحله السابعة وايضا في مثل هذا اليوم ايضا اضع قدمي في ارض الابتعاث بعد مرور سنه على قبولي اخيرا اقلعت وبدأت رحله التغير للافضل ان شاء الله

لا اعرف من اين ابدا هل ابدا من 24 وعشرين ساعة في الجو واربع مطارات مررت عليها وبين كل رحله واخرى ساعة فقط او مرر 24 ساعة ولم انام نص ساعة على بعض كانت مرهقة بمعني الكلمة قاللت : لي امريكية في اخر طائرة ركبتها احدثها عن رحلتي " كم انت شجاع لتفعل هذا اتقطع كل هذه المسافة بدون توقف " ,
بدات رحلتي الساعة اربع العصر حين ركبت التاكس الى المطار وصلت وافطرت في المطار وسافرنا ع الخطوط الامراتية كانت رائعة خصوصا الافلام الي يقدمونها كانت جدا رائعة والخدمات جدا جميله وصلنا دبي الساعة 11:30 مساء وعلى م وصلت للبواة الي فيها اقلاعي من دبي الى نيويوك كانت الساعة 1:30 اخذت حالي ساعة ثم ركبنا في الطائرة من حسن الحظ ان مقعدي كان اول مقعد في درجة السياحة يعني تمد رجولك ت تبي تنام ع ارض الطائرة نام قدام مقعد المضيفات عطونا شراب نلبسة وفرشاة اسنان ومعجون اسنان وشرشف وعطاء للعين اذا تبي تنام ومخدة لكن نصيحة اخذو المخاد الي تخطونها على رقابكم اذا جيتوا تنامون افضل من مخاد الطيارة. اقلعنا الساعة حوالي 3 الفجر تاخرنا وحنا جالسين في الطائرة وبدا الرحله كانت ممتعة جدا ومتعبة في نفس الوقت ذبحونا بالوجبات كل شوي جايبين لنا وجه احيا قهوة واحيانا عصير واحيانا فواكة ذبحونا بلاكل واي شي تبيه يجبونه لك حتى الاورق A4 كل شي شي موجود صلينا الفجر انا وحاد سعودي معه زوجته في الطيارة كانوا رايحين تمشية لامريكا. كانت جدا رائعة وصلنا الساعة 8:30 بتوقيت نيويورك الصبح الجمارك كان فاضي ما فيه زحمه هنا صار لي شي ما كنت حاسب احسابة بس الحمد لله مر الموضوع بكل سلاسة وانسيابية
حين جيت موظف الجمارك بصمت وكل شي قال لي امش معي الى المكتب الخلفي ما اخفيكم بدا الخوف يدخلني بس تلشاء حين دخلت للمكتب لقيت ناس ثانية معي حسسني بشي من الراحه طبعا انتظرت حوالي نص ساعة لين نادتني الموظفه طبعا كنت نايم وحاط رجل على رجل ولا يم احد جاتني ونادوني قالت لي الجهاز رفض يقبلك ما ندري ليش كل اراقك سليمه لكن رفضك الجهاز وانا ابي ادخل معلوماتك في الجهاز وختمة على ال I94 كانت جدا رائعة في تعاملها قالت لي ليش تدرس انجلش ولغتك زينه قلت لها ابي اثبت نفسي اكثر وكم سنة تبي تجلس في امريكا قلت لها 3 سنين وختمة على الاوراق رحت واخذت شنطتي وسلمتها الى مكتب الخطوط الاماراتية لاني قايل لموظف المطار في السعودية ابيك تحط شنطتي متصله الى مطار ويلمتغتوم الى اخر الرحله اخذت الخطوط الامارتية الشنظة وسلمتها الى الخطوط الامريكية US ورحت الى مكتب الخطوط الامريكية واخذت البردنق وخبرتهم بامر الشنطة وقال لي خلاص هي معك في الطيارة المهم وصلت شارلوت من نيويورك وربي ان الخطوط المريكية مخيسة قديمة ما فيها شاشات تشرح امور السلامة المضيفات هن يشرحن امور السلامة كيف تربط الحزام ومن هالامور...

المهم بعد ما وصلت شارلوت على طول على ماصل للبواية الا والناس كانوا راكبين في الطيارة طيارة صغيرة جلست جبن امريكية عجوز تحل الكلمات المتقاطعة اكلمها عن رحلتي قالت لي شفت اكبر برج في العالم في دبي! قلت لا ايه سحبت اخذت غفوا بس ازعجني بنات امريكيات وسوالفهن مثل سوالف ربعنا فلانه فيها ومافيه وفجرن راسي بالبطاطس ليز رحته جابت لي المرض اكل في البطاطس وحش في العالم حتى في السماء حش
وصلت لمينة لقيت واحد مرسلته مديرة المعهد يستقبني ويوصلني من المطار الى فندق لقيت مديرة المعهد سولفنا نص ساعة وعطتني اوراق وكل الجدول حق المعهد وخططتنا للايام الجاي من رحلات وحفل للطلاب الدوليين وتعريف بالمعهد والجامعة ( للاسف الجامعة ما فيها تخصصي )
مدينة رائعة جدا وصغيرة والعالم شكلهم مطنوخين سياراتهم كشخه لقيت في المطار ولد سعودي معه اخته جايين يدرسون في المعهد يستقبلهم اخوهم الكبير ينتظرهم في المطار ويدرسون في نفس معهدي
كنت تعبان مره ابي بس النوم استاجرت غرفة في فندق ب 70 دولار خصم للطلاب الدوليين لان المعهد متفق معهم بالخصوص
كانت رحله رائعة جدا وممتعة ولكن متعبه
بعض النصائح
خلوكم محافضين على هدوئكم ومبتسم واشكرهم على اي شي يسونه لكم مضيفات موظفين حتي اذا طلبت من احد يزحف اشكره
اخذو معكم ماد حقت الطيارة لاني ندمت ما اخذتها معي
البس ملابس مريحة جدا لبس رياضة وشبشب احسن لك انا لبس رياضة وشبشب مرتاح في التفتيش لا انزل جزمة ولا حزام ولا شي بس لبسك
خلي تذكرتك والبردنق والبسبور وال I 20 قريبه منك
تمنياتي لكم بالتوفيق

• نشر عبر تويتر
• نشر عبر فيسبوك
• نشر عبر جوجل