عرض للطباعة
السلام عليكم ورحمة الله..,
كل عام والاخوة والاخوات بخير.,
بسأل عن جوازات جده فيه عمل تاني يوم في العيد ,لاني قرات في موقعهم على النت إن العمل يستمر طيلة ايام عيد الفطر لجميع المنافذ والإدارات بس مااعرف هل مكتبهم اللي بجده يعمل أو لا عشان اروح اطلع جواز واتفضى للأمور التانيه اللي باقيه علي.,؟
السؤال التاني ابغى وصف لجوازات جده اين تقع بالضبط وابغى وصف دقيق أنا جاي من التحلية أو شارع الاربعين وشكرا لكم
بالنسبه لوقت العمل والله ما ادري وحتى انا المفروض اجدد
واذا جاك العلم الاكييد بالله بلغنا
بالنسبة لموقعهم
شارع الستين وانت نازل جنوب وعمائر الاسكان تكون يمينك
تتجاوز نفق الملك عبدالله
بعد ما تتجاوز النفق على طول يجيك كوبري الستين لا تطلع الكوبري امشي من تحت الكوبري
تاني اشارة خذ يسار وطوووووووول
راح تجي الجوازات في دخله على يدك اليسار
على العموم قبل ما توصلها راح تعرف من الزحمه
بحي الكندره بجده ممكن اذا عندك جوجل خرائط بالجوال حيعطيك الطريق مرا واضح من المكان اللي انتا فيه واذا ماعندك
انا عملت بحث بالخرائط :
1 من شارع التحليه تتجه الى شارع المكرونه ،تمشي بشارع المكرونه لين ماتوصل لشارع فلسطين ، من شارع فلسطين تاخذ يمين "غرب" وتمشي لين توصل كوبري الستين اظن. اللي يكون في تقاطع طريق الملك فهد ، تاخد الكوبري وتنزل منه جنوب في طريق الملك فهد وتمشي طوالي مرااا تعدي طريق الملك عبدالله وبرضو تطول جهة الجنوب لين ماتوصل طريق الملك خالد منه تاخد يسار ، وبعدها يمين من شارع عبدالله بلخير وحتكون الجوازات يمينك ، اتمنى اني وصلت المعلومه تمام *
يعطيكم العافيه على الإجابة شكرا لكم