رد: هل من مجيب وله الدعاء
اقتباس:
المشاركة الأصلية كتبت بواسطة -SSS-
السلام عليكم
..وعليكم السلام و رحمة الله و بركاته
يا اخوان زوجتي تقدمت للابتعاث في هذا العام
وانا كمرافق لها
حبيت اسأل عدة اسئله وجزا الله من يجيب خير الجزاء
الاول
طبعا انا خريج جامعي ومن 5 سنوات فهل احتاج للقبول بالجامعات الخارجيه للماستر للتوصيات من الدكاتره الي درسون قبل 5 ؟؟ زوجتي لديها توصيات باللغه العربيه هل تحتاج لترجمتها ام انها غير مهمه ؟
..انا طالبة ماستر و طلعت توصيات لكن ما اعرف كيف القبول هناك و إيش الاوراق المهمه لكن الافضل انك تطلعها و انا بعد سنتين من دراستي بالجامعه رحت لهم و ل الاسف كل الدكاتره الي درسوني سافرو فأخذت معي السجل الاكاديمي حقي و ترجيتهم يعطوني التوصيات و الحمد الله كتبت لي رأيسة قسمي توصيه و حقت الاشراف طلعت لي وحده و الثالثه وحده مصريه ما اعرفها بس ساعدتني و كتبت لي وحده انت اخذ السجل الاكاديمي و روح لهم و إن شاء الله تلاقي الدكاتره و تتيسر امورك
طبعا تترجم ل الانجليزيه انا طلعت التوصيات بلغتين من الجامعه لكن تقدر تترجمها في مكاتب الترجمه المعتمده
الثاني
انا معلم وفهمت ان شهادة الخبره تفيدني بالتقديم للجامعات بالخارج سؤالي كيف يتم ترجمتها ؟ وومن اين تصدر؟ وهل تكفي بطاقة المعلم ؟؟ ام لا احتاج لها ابدا
ما اعرف !! لكن الترجمه تكون بالمكاتب المعتمده
الثالث
الدراسه بالمعهد + الانضمام للبعثه (كمرافق) واختيار المعهد + التسجيل واستخراج ال i20 من هنا ؟ ام بعد الوصول لبلد الابتعاث؟
من هنا تخلص اوراق المعهد و القبول اما الإنضمام ل البعثه يكون من هناك
الرابع
هل استطيع الانضمام للبعثه والدراسه للماستر بما اني مرافق وانا موظف ولدي اجازه استثنائيه ام لا ؟
يحق ل المرافق الدراسه و الانضمام ل البعثه و دراسة التخصص الي تبغاه
الخامس
في حالة اي طارئ (حمل زوجتي مثلا) قبل صدور قرار الابتعاث هل استطيع مخاطبة البرنامج وتاجيل البعثه بدون خسارة البعثه فقط تاجيل ؟
التأجيل مسموح لكن بشرط يكون العذر مره قوي و مقنع علشان يوافقون على التأجيل
السادس
شهاداتي وسجلي الاكاديمي وكذالك زوجتي لا يوجد الا نسخه واحده هل احتاج لنسخ طبق الاصل ام يكفي نسخه عاديه (للتسجيل بالجامعات هناك + مطابقة الاوراق قبل الابتعاث)؟
وهل هناك طريقة اخرى انسخ نسخ طبق الاصل بعيدا عن الجامعه ام يجب ان يختم عليها بختم الجامعه نفسها فقط ؟
ما اعرف طريقة القبول هناك
السؤال الاخير
بما اني اريد ان ادرس هناك اذن احتاج لفيزا f1 لامريكا وهي مشروطه بضمان بنكي لي
السؤال كم المبلغ الذي يفترض ان اضعه في الحساب لاستخراج الضمان البنكي ويكون مقبولا ؟؟
ما اعرف بالظبط لكن اتوقع 30 الف او اكثر
شاكر لكم مقدما واسف على الاطاله
العفو اخوي انا جاوبت على حسب معرفتي و اعذرني على تقصيري و عدم معرفتي لباقي الاسئله
رد: هل من مجيب وله الدعاء
اقتباس:
المشاركة الأصلية كتبت بواسطة -SSS-
السلام عليكميكم وعليكم السلااااااااامـ
يا اخوان زوجتي تقدمت للابتعاث في هذا العام الف مبروك لكم
وانا كمرافق لها (مثلي)
حبيت اسأل عدة اسئله وجزا الله من يجيب خير الجزاء
أبشر واللي اعرفه راح اقوله ولا راح اكتب شي الا متأكد منه
الاول
طبعا انا خريج جامعي ومن 5 سنوات فهل احتاج للقبول بالجامعات الخارجيه للماستر للتوصيات من الدكاتره الي درسون قبل 5
اخي بمرحلة اللغه ما راح يطلبون منك الآ شهادتك الجامعيه وسجلك الاكاديمي ترجمها اذا هي بالعربي والاسم يطابق الجواز لازم
اذا خلصت فترة اللغه وقدمت على الجامعه أغلب الجامعات يطلبون توصيات فأحسن شي خذ توصيات الحين..
؟؟ زوجتي لديها توصيات باللغه العربيه هل تحتاج لترجمتها ام انها غير مهمه ؟
نعم تحتاج ترجمه..ولازم يكون اسمها بالتوصيه مطابق للجواز بالحرف الواحد بالنسبه لي انا اتصلت على جامعة زوجتي
وشرحت لهم وضعي واني بعيد عن مقر الجامعه ولا قصروا طبعوا التوصيات وارسلت لهن واحد واخذهن..
الثاني >>>>>>>>>>>>> الثاني علينا الحين جابت عن اثنين أمزح هع.
انا معلم وفهمت ان شهادة الخبره تفيدني بالتقديم للجامعات بالخارج سؤالي كيف يتم ترجمتها ؟ وومن اين تصدر؟ وهل تكفي بطاقة المعلم ؟؟ ام لا احتاج لها ابدا
السؤال هذا ما اعرفه...لاكن اللي اعرفه ان اي مكتب يترجم وكمان وزارة التربيه والتعليم يترجمون اللي بالرياض.
الثالث
الدراسه بالمعهد + الانضمام للبعثه (كمرافق) واختيار المعهد + التسجيل واستخراج ال i20 من هنا ؟ ام بعد الوصول لبلد الابتعاث؟
الدراسه بالمعهد بمقر ولايتك يعني اذا رحت هناك
اول ماتوصلون الجامعه يحددون وقت معكم عشان الاختبار واسم الاختبار تحديد المستوى..
ولا فيه نجاح ورسوب واذا طلعت النتيجه يحطونكم بالمستوى المطلوب..
بالنسبه للi20 اذا ارسلتوا اوراقكم بعد استخراج فيزكم للمعهد يرسل لكم اوراق القبول مع الاتوني
الرابع
هل استطيع الانضمام للبعثه والدراسه للماستر بما اني مرافق وانا موظف ولدي اجازه استثنائيه ام لا ؟
تقدر بالراحه بعد ماتخلص اللغه
الخامس
في حالة اي طارئ (حمل زوجتي مثلا) قبل صدور قرار الابتعاث هل استطيع مخاطبة البرنامج وتاجيل البعثه بدون خسارة البعثه فقط تاجيل ؟
ان شاء الله اجل خله يجي هناك :) يكفلكـ هع اقول لك تأجل لاكن بالمعقول ..والسبب مقنع..
السادس
شهاداتي وسجلي الاكاديمي وكذالك زوجتي لا يوجد الا نسخه واحده هل احتاج لنسخ طبق الاصل ام يكفي نسخه عاديه (للتسجيل بالجامعات هناك + مطابقة الاوراق قبل الابتعاث)؟
اول شي شهايدكم وسجلاتكم هي باللغه الانجليزيه؟؟
اذا بالعربي لازم تترجمها وتأكد من ان الاسم بأوراقكم مطابق للجواز
بالنسبه لي انا وزوجتي اوراقنا ما فيه الا نسخه وحده وهي الاصل والباقي صور عاديه
والاوراق الثانيه المترجمه وهي الاصليه والباقيات صور
وهل هناك طريقة اخرى انسخ نسخ طبق الاصل بعيدا عن الجامعه ام يجب ان يختم عليها بختم الجامعه نفسها فقط ؟
الجامعه ماختمت الا على الوثائق الاصليه مثل ما قلت لك ولا طلبناهم صور طبق الاصل...
اعتقد وزارة التربيه والتعليم والتعليم العالي يختمون على الشهايد أعتقد هع.
السؤال الاخير
بما اني اريد ان ادرس هناك اذن احتاج لفيزا f1 لامريكا وهي مشروطه بضمان بنكي لي
السؤال كم المبلغ الذي يفترض ان اضعه في الحساب لاستخراج الضمان البنكي ويكون مقبولا ؟؟
فيزتي f2وادرس معهد الحين ..وقبل اروح للجامعه اطلب تحويل ل f1
لأن الدراسه بالمعهد ماتحتاج f1 بس الجامعه تحتاجها..
هم يحتاجون كشف حساب لآخر ثلاث شهور حسب علمي والمبلغ يكون بين 40 الى 90 ..وهذا اغلب كلام الشباب لاكن ما سئلت
وعادي تجيب كشف بأسم أحد قريب لك وهذي فاتتني انا...مثل ابوك خالك عمك اخوك ...
شاكر لكم مقدما واسف على الاطاله
عااااااااااااااااادي أهم شي دعوااااااااااتك لنا بالتوفيق ..
رد: هل من مجيب وله الدعاء
اختي توتي
شاااااااكر ومقدر وبالعكس ما قصرتي الي عندك وعطيتيني اياه
والله يوفقك مستقبلا لكل ما فيه خير لكل ويحفظ لك غالينك ويغنيكم بفضله ويمدكم بالصحه والعافيه والطاعه يا رب
ومن كان في عون اخيه المسلم كان الله في عونه يوم القيامه ابشري اختي
اخوي شمالي
ما خبرت الشمال 04 الا من جهة الحفر يمكن :)
شاكر لك يابعد حيي
يكفلنا اجل :) والله انه فكرتن جيده
بس عاد لا تصدق نبي الفكه من العيال بس اعطيت مثال للتوضيح
انتبه اخوي بعد ما سألت كم مبتعث شرفونا بهالعيد قالوا (للاحتياط) خذ نسخ طبق الاصل من كل شي سجلات وشهادات وتوصيات لن تخسر شيء بينما اذا طلبت هناك ولم تكن معك ستخسر الكثير
والخبره تفيدك ايضا هناك
والله يوفقك مستقبلا لكل ما فيه خير لك ويحفظ لك غالينك ويغنيكم بفضله ويمدكم بالصحه والعافيه والطاعه يا رب
ومن كان في عون اخيه المسلم كان الله في عونه يوم القيامه ابشر اخوي
شاكر لكما سرعة تجاوبكما ولو جاء ببالي سؤال ابشغلكم واشغل كل متصفحي هالملتقى الله يعينكم تراي بثر :p
