البعثة على البرنامج الحرمين او فتح ملف لدراسة على الحساب الخاص>>سفري قريب ساعدوني

ماشاءالله ومبرووك لك اللي جاتكم موافقه

انا سجلت ببرنامج خادم الحرمين 8 وجتني رسالة لمرحلة التدقيق
وانا سفري قريب بعد شهر تقريبا لامريكا ؟!!
رأيكم ايش اسوي >محتاااره
اروح لمركز التدقيق ؟؟؟
أو أفتح طلب لدراسة على الحساب الخاص ؟؟
مع العلم اني خلصت اوراقي الفيزا وقبول من المعهد فقط >> يكفي من المعهد او لازم الجامعه ؟؟
لاني حابه اخذ لغة بالاول وبعدين ابحث عن عن قبول اذا وصلت ان شاءالله

انا خلصت كل اوراقي الفيزا وقبول من المعهد و الحجز وكل شي
اخذ اوراقي معي بمرحلة التدقيق واقول لهم انا خلصت >_<
لان راح يتاخرون على بال ماتطلع الاسماء
واقدر انظم للبعثه من هناك اذا وصلت ان شاءالله واكمل اجراءات البعثه بامريكا

وانا موظفه حكوميه متى اقدم اجازة ؟؟ وهل فيه مشكله لو فتحت ملف على الحساب الخاص من غير ما اخذ اجازة ؟؟

ياااارب تتسهل ياااارب ويكتب الخيرة للجميع ^_^


المصدر: http://www.mbt3th.us/vb/forum60/thre...#ixzz24WZq3RZu
حفاظاً على حقوق الكاتب نرجو عدم حذف المصدر مبتعث

لو بتروحين على حسابك الخاص لازم قبول معهد + جامعة لكي تطلبين الحاق في الملحقية ... اما البرنامج لو كنتي ماستر يكفي قبول اللغة

اما بخصوص الإلحاق ... قبل 5 شهور تقريبًا كان فيه ملتقيات للتعليم العالي عقد في الرياض وانا حضرتها وقابلت هناك الملحق الثقافي السعودي بأمريكا .. وكنت وقتها خائف ان لا استوفي الشروط لاني على وشك تخرج والحمد لله الان استوفيت وسألته هل من الممكن الإلحاق .. قال لي وبالحرف الواحد .. لن يتم الحاق اي طالب من معهد اللغة أتى لأمريكا بعد شهر 6 ميلادي (يتم الحاقه اذا بدأ الجامعة) .. ونحن الآن 8 ميلادي ...!!!

والان يتم الحاق بعضهم لكنهم ممن أتوا قبل شهر 6 .. اهم شي تااريخ الوصول ...

اما خلصتي القبول والفيزا ... هذي مخاطرة فيها ... والله يستر لا يتقفل المعهد وتتعبين كثير والمرحلة السابعة كثيرين واجهوا نفس المشكلة ..

القبول تخلصينه عادي بس الفيزا كان من المفترض ماتبدأين فيه حتى يتم إعلان قائمة المعاهد من البرنامج .. ولما تنزل تلك القائمة بتلقين منها المتكدس ومنها المفتوح .. وان كان معهدك مفتوح الحمد لله من الممكن السفر في شهر 1 هجري ..

اما لو كان متكدس فستتعبين لين تجيبين قبول ثم تغيرين الفيزا واللي بتاخذ وقت كثير ..

الموظفة الحكومية اذا كنتي على الخدمة المدنية (يعني وظيفة رسمية) ماتقدمين اجازة للبرنامج وانما تستقيلين منها تمامًا .. اما على الحساب الخاص فانه يكفي الإجازة ..

لو كنتي لم تقومي بإجراءات الفيزا كنت سأقول لك لاتروحين على حسابك الخاص وانما على البرنامج ...

ولكن بما ان هذا قد حدث فااقول لك هو قرارك ..

هل انتي مستعدة لتعب تغيير الفيزا ... (وفيه احتمالية ان لاحاجة للتغيير والغالب بتكونين لربما بحاجة لتأجيل موعد الدراسة)؟ اما انك مستعدة لتكبد مشاكل الإلحاق والمدة الطويلة لها ... فانتي من يقرر هنا ..

كلا م شاي هيرت صحيح 100 في الميه ,,, وبحكم اني الان في امريكا انا اناقضه في تغيير الفيزا فقط . فما في داعي تغيير الفيزا سواء على حسابك او حساب الوزارة

السلام عليكم،

تخرج ولدي من الثانوية السنه وكنت ناوي ارسله مثل اولاد عمه و خواله لامريكا وبعدين الحقه بالبعثه وعملنا كل الاجراءات وفي كان السفر في 27 رمضان وفي نصف رمضان اكتشفنا شئ جديد اسمه الموافقة على الدراسة على الحساب الخاص.

طبعا كل اللي عندنا موافقة مدرسة الانجليزي (معتمدة) عبئنا النماذج المطلوبة وارسلنها جاء الرد بعد سفر ولدي بيومين بالرفض نتيجة عدم وجود قبول من جامعة.

قلنا خير ان شاء الله نحصل على القبول ونرسل الطلب مرة ثانية.

بس اللي فهمته الان لا يمكن الالحاق حسب كلام الاخ عبدالله (Shy Heart) الا بعد اتمام دراسة الانجليزي

وايش الحل تكفون. وايش نسوي. هل معناها لازم نكمل الانجليزي على حسابنا الخاص و نجيب قبول وبعدين نقدم والا نجيب قبول من جامعة و نعاود تعبئة نموذج الدراسة على الحساب الخاص.

اخوكم ابو فيصل

دامك موظفه حكوميه

لا تستطيعين الابتعاث لا عن طريق البرنامج ولا عن طريق الملحقيه

بالتوفيق

- - - مشاركة محدثة - - -

دامك موظفه حكوميه

لا تستطيعين الابتعاث لا عن طريق البرنامج ولا عن طريق الملحقيه

بالتوفيق