استفسار عندي مشكلتين في أمور البعثة أرجوا المساعدة ...

1- ايه فيه إشكالية قم بتعديل الجواز او الوثيقة وشف ايهم اسرع لك في التعديل .. (خصوصًا لو كان الاختلاف في الاسم الاول والاخير)
2-ماستر مايحتاج ايلتس ولا غيره ..هذا خاص باللي يبي بكالوريوس وطب و بعض الدول .. اما زوجتك فهي لاتحتاج هالشيء الا اذا بغت تقدم جامعات اجنبية وهناك في بلد الابتعاث ممكن تختبر التوفل او الايلتس ... والتدقيق لا يطلبها فلا تشيل هم

طيب أخوي انا كتبت الاسم في طلب الابتعاث على حسب الجواز ... والحين ماأقدر أعدل فيه لأنه مافيه تعديل

تغيير الاسم اللي بالجواز اسهل من الوثيقة لأنه ماياخذ معي وقت بس المشكلة أني لو غيرت الإسم بالجواز يكون الاسم اللي سجلته بطلب الابتعاث يختلف عن الجواز بعد التغيير وماأستطيع التعديل لأنهم قفلوا التعديل ؟؟؟


وش الحل

السلام عليكم....اسفه دخلت عرض>.<
المشكله الاخيره نفسس مشكلتي اسمي الاول في طلب الابتعاث كتبته غلط وش اسوي!!

انا نفففس الشيء ماستر فيزياء و الوثيقة كانت خطأ
رحت الجامعة و عدلتها و عادي جدا يعدلونها في نفس اليوم
و بالنسبة للتوفل و الايلتس مالها لزمة الحين لان هناك بعد السفر اجباري قبل ماستر الفيزياء ندرس في معهد لغة يأسسنا تماما و بعدين نمتحن
قولها لا تفكر ابدا بالامتحانات هاذي
خلها تركز على تعديل الوثيقة قبل موعد التدقيق و موفقة ان شاء الله

الي عنده غلط في طلب الابتعاث عادي يعدله ايام التدقيق ما فيه مشكله ولا يقولون شي يعدلونه بسهوله ولا ياثر على الترشيح ...

كتبت رد طويل وراح للاسف !!


خلاصه اللي بقوله با النسبه للسؤال الاول
تعديل الشهاده اسهل بكثير من الجواز
الشهاده تروح الجامعه وتعدله في نفس اليوم
والجواز مايتعدل الا لما تطلع جواز جديد
اما السؤال الثاني
هي في الفتره الحاليه ماتحتاج اي اختبار الاختبارات اللي يتكلمون عنها هاذي لما تبي تقدم للجامعات الامريكيه
تحتاج اختبار للغه اسمه توفل او اختبار اخر اسمه ايلتس
وفيه اختبارات رياضيه مثل القدرات عندنا اسمها جيمات وفيه اختبار شبيه له اسمه جي ار اي
لما تخلص من مرحله اللغه تختبرها اختبار لغه + اختبار جيمات او gre ( اذا كان مطلوب في تخصصها )
با التوفيق يارب

انا غيرت اسمي اللي بالوثيقه من الجامعه ما اخذ مني الا ساعه وحده .. خليها تروح الجامعه الحين مافي زحمة طالبات .